புதுக்கோட்டை, நவ.1–
புதுக்கோட்டை தி.மு.க.வட்ட பிரதிநிதி விஜய
குமாரின் மறைவை தொடர்ந்து அவரது படதிறப்பு விழா புதுக்கோட்டைவடக்கு ராஜ வீதியில் உள்ள நகர்மன்ற வளாகத்தில் நடைபெற்றது. இதில் முன்னாள் அமைச்சரும் திருமயம் சட்டமன்ற தொகுதி உறுப்பினருமான எஸ் ரகுபதி உள்ளிட்ட தி.மு.க.வினர் கலந்துகொண்டு அவரது படத்தைதிறந்து வைத்து மௌன அஞ்சலி செலுத்தினர்.
அப்போது செய்தியாளர்களை சந்தித்த முன்னாள்அமைச்சர் எஸ்.ரகுபதி பேசுகையில் :
திராவிட மாடல் ஆட்சியில் பொலிவுடன் கட்டப்பட்ட புதிய பேருந்து நிலையம் மற்றும் வீரர்களுக்கு தேவையான உள் விளையாட்டு அரங்கத்தை தமிழ்நாடு முதலமைச்சர் திறந்து வைக்க வருகை தருவது திராவிட மாடல் ஆட்சியின் சாதனைகள் தொடர்கின்றன என்பதற்கு எடுத்துக்காட்டாக அமைகிறது. தவெக அரசு வெட்டியாகத்தான் பயணம் செய்து கொண்டு இருக்கிறது தவிர எந்த ஒரு புதிய திட்டங்களுக்கும் எதையும் கொண்டு வரவில்லை. பல்வேறு மாவட்டங்களுக்கு சுற்றுப்பயணம் செய்து பல்வேறு நிகழ்ச்சிகளை தொடங்கி வைக்கிறார் என்று சொன்னால்அது திராவிட மாடல் ஆட்சியின் சாதனைகள் அந்த சாதனைகளுக்கு திறப்பு விழா காணுகின்ற நிகழ்ச்சியை தான் இவர்கள் செய்து வருகின்றனர்.
விராலிமலையை பொறுத்த வரை இன்றைய சூழ்நிலையில் நிச்சயமாக தி.மு.க. உதயசூரியன் பிரகாசமா வதற்கான அனைத்து வேலைகளும் செய்யப்பட்டு வருகிறது. பொதுமக்கள் விண்ணை முட்டும் விலைவாசி காணாமல் போய்க்கொண்டிருக்கும்சிறுமியர்கள் கண்டுபிடிக்கமுடியாமல் தடுமாறும் காவல்துறையினர் இப்படிப்பட்ட அவல நிலையை தான் இந்த ஆட்சியில் கண்டு கொண்டிருக்கிறார்கள். நாங்கள் எதிர்பார்த்த மாற்றம் ஒன்று ஆனால் தங்களுக்கு ஏமாற்றம் தான் ஏற்பட்டுள்ளது என்பதை தமிழ்நாடு மக்கள் உணர்ந்து இருக்கிறார்கள். இதன் வெளிப்பாடாக விராலிமலை சட்டமன்றதொகுதியின் வெற்றி அமையும். நிச்சயமாக வெற்றி காண்போம் அதற்கான அடிப்படை வேலைகளை தொடங்கி விட்டோம்.
விராலிமலை தொகுதியில் தி.மு.க.வில் இருந்து உள்ளடி வேலைகளை பார்த்தவர்களை வெளிப்படையாக தெரிவித்து த.வெ.க.வில் இணைத்துக் கொண்டுள்ளனர் அவர்களை வெளிப்படையாக காண்பித்ததற்கு த.வெ.க.விற்கு நன்றி. இனி துரோகிகளை வைத்துக் கொள்ள மாட்டோம். துரோகி களை பக்கத்தில் வைத்துக் கொண்டு எந்த பணியும்செய்யமாட்டோம். இங்குஇருந்து கொண்டே உலவுசொல்லிக் கொண்டே தான்இருந்தார்கள். இனி அந்த ஒற்றர்களுக்கு தி.மு.க.வில் வேலை இல்லை.
இந்த அரசு மடைமாற்றம் வேலையை செய்கிறது. இந்த அரசு அனைத்திலும் தோல்வி கண்டு விட்டது. இந்த அரசு நல்லாட்சியைதர முடியவில்லை அதனால்மக்கள் இந்த ஆட்சி மீது வெறுப்படைந்துள்ளனர். இதையெல்லாம்மடைமாற்றம் செய்வதற்காகத்தான் பல்வேறு வகையில் தி.மு.க. மீது பொய்யான குற்றச்சாட்டுகளை சுமத்திபழி போடுகின்றனர் இதெல்லாம் நீதிமன்றத்தின் மூலம் தூள் தூளாகி விடும்.
அவர்களது முகத்திரை கிழிக்கப்பட்டு உண்மை வெளியே வரும்.
எத்தனை ஆவணங்களைவேண்டுமென்றாலும் அவர்கள் சொல்வார்கள் நீதிமன்றத்திற்கு சென்று நிரூபிக்கட்டும். ஏற்கனவே கடந்த அ.தி.மு.க. ஆட்சி காலத்தில் நில அபகரிப்பு வழக்கெல்லாம் போட்டார்கள் அந்த வழக்கெல்லாம் தூள் தூளாகி விட்டது. அதுபோல்தான் இதுவும் பெயரளவுக்கு 170 ஆவணங்களை கைப்பற்றி சென்றதாக கூறுவார்கள். அதில் என்ன ஆவணங்கள் இருக்கும்.
நிச்சயம் இருக்காது. ரீல்ஸ் ஆட்சி நடத்திக்கொண்டு இருப்பதால் மக்களை மடைமாற்றம் செய்வதற்கு இந்த ஆட்சியின்தோல்வியை மறைப்பதற்குஇது போன்ற செய்தியை பரப்பி வருகின்றனர். எந்த பயிலை வேண்டும் என்றாலும் ஓபன் செய்து கொள்ளட்டும். கடைசியில் நீதிமன்றம் என்று ஒன்று இருக்கிறது. நீதிமன்றத்தில் எதிர்மனுவும் தாக்கல் செய்யப் போகிறோம் பொய்யாக வழக்கை தங்கள் மீதுபோடுபவர்கள் மீதும் நடவடிக்கை எடுக்க வேண்டும் என்று நாங்கள் மனு செய்ய உள்ளோம். பொய் வழக்காக போட்டுக் கொண்டே இருக்கின்றனர் எத்தனை காலத்திற்கு தான் பொய் வழக்கு போடமுடியும் அதனால் பொய் வழக்கு என்று உறுதியானால் வழக்கு போட்டவர்கள் மீதும் நடவடிக்கை எடுக்க வேண்டும் என்று கோரிக்கையை முன்வைக்க உள்ளோம்.
தமிழ்நாட்டில் நடக்கும் பிரச்சனைகள் தமிழ்நாடு முதலமைச்சர் கவனத்திற்கு செல்லவில்லை என்பது நீரோ மன்னன் பிடில் வாசித்து கொண்டிருப்பது போன்ற கதை ஆகிவிடும் நிச்சயமாக அதிகாரிகள் நடக்கும் பிரச்சி னைகளை தமிழ்நாடு முதலமைச்சரின் கவனத்திற்கு கொண்டு செல்வார்கள் என்று நம்புகிறோம் என்று தெரிவித்தார்.