கழகத் தலைவர் மு.க.ஸ்டாலின் அவர்களின் அறிவிப்பின்படியும், கழக இளைஞர் அணிச் செயலாளர் உதயநிதி ஸ்டாலின் அவர்களின் அறிவுறுத்தலின்படியும், கழகத் துணைப் பொதுச்செயலாளரும் நாடாளுமன்ற உறுப்பினருமான கனிமொழி கருணாநிதி அவர்களின் ஆலோசனையின்படியும், தமிழ்நாட்டில்சட்டம் ஒழுங்கு சீர்கேடு, பெண் குழந்தைகளின் பாதுகாப்பு மற்றும் விலைவாசி உயர்வு உள்ளிட்ட பிரச்சினைகளைக் கண்டித்து, நாமக்கல்லில் திமுக மகளிர் அணி மற்றும் மகளிர் தொண்டரணி சார்பில் கண்டன ஆர்ப்பாட்டம் நடைபெற்றது. அவிநாசி மருத்துவர் கோகிலா மணி தலைமையில் நடைபெற்ற கண்டன ஆர்ப்பாட்டத்தில் மகளிர் அணி அமைப்பாளர்கள் ஜோதிலட்சுமி, ஜோதி, மகளிர் தொண்டரணி அமைப்பாளர்கள் கௌரி வெங்கடாசலம், ராதிகா சக்திவேல், மாநில கல்வியாளர் அணி துணை செயலாளர் சுதா ஜெயக்குமார், நகர்மன்ற தலைவர்கள் நளினி சுரேஷ்பாபு, கவிதா சங்கர் மற்றும் மாவட்ட, நகர, ஒன்றிய, பேரூர் மகளிர் அணி மற்றும் மகளிர் தொண்டரணி நிர்வாகிகள், பொதுமக்கள் உள்ளிட்ட 500 க்கும் மேற்பட்டோர் கலந்து கொண்டனர்.

மயிலாடுதுறை மாவட்ட தி.மு.க. மகளிர் அணி, மகளிர் தொண்டர் அணி சார்பில் மயிலாடு துறை மாவட்டக் கழகச் செயலாளர் நிவேதா எம்.முருகன் எம்.எல்..ஏ., வழிகாட்டுதலின் படி நிர்வாக திறமையற்ற டம்மி முதல்வர் விஜய் ஆட்சியில் தமிழ்நாட்டில் சட்டம் ஒழுங்கு சீர்கேடு, பெண்கள், பெண்குழந்தைகள் பாதுகாப்பு, விலைவாசி உயர்வு மற்றும் கட்டுக்கடங்கா போதை பொருள் நடமாட்டம் கண்டித்து மயிலாடுதுறை கோட்டாட்சியர் அலுவலகம் முன் மாவட்ட மகளிர் அணி அமைப்பாளர் சாந்திராமலிங்கம், மாவட்ட மகளிர் தொண்டர் அணி அமைப்பாளர் தீபா சத்தியேந்திரன் ஆகியோர் தலைமையில் கண்டன ஆர்பாட்டம் நடைபெற்றது. ஆர்பாட்டத்தில் தலைமை கழகத்தின் சார்பில் தலைமைக் கழக பேச்சாளர் ஏ.ஆர் தீன் ஷாநூஃப் மற்றும் கொள்ளிடம் கிழக்கு ஒன்றிய செயலாளர் மலர்விழி திருமாவளவன், மாவட்ட ஊராட்சி குழு முன்னாள் தலைவர் உமாமகேஸ்வரி சங்கர், நகர்மன்ற, பேரூராட்சி மன்ற தலைவர்கள், முன்னாள் ஒன்றிய குழு தலைவர்கள், மாவட்ட மகளிர் அணி, மகளிர் தொண்டர் அணியை சேர்ந்த துணை அமைப்பாளர்கள், மகளிர்கள், கழகத்தின் உள்ளனர்.