கோவை, நவ. 2–

அரிசி, மளிகை உள்­ளிட்ட அத்­தி­யா­வ­சிய பொருட்­க­ளின் விலை கணி­ச­மாக அதி­க­ரித்­து­வ­ரு­வது சாமா­னிய மக்­க­ளி­டம் பொரு­ளா­தார சுமையை மேலும் கூட்­டி­வ­ரு­கி­றது.

தமி­ழ­கத்­தில் அரிசி உள்­ளிட்ட அத்­தி­யா­வ­சிய பொருட்­க­ளின் விலை கடந்த ஆறு மாதங்­க­ளுக்கு மேலாக கணி­ச­மாக அதி­க­ரித்­து­வ­ரு­கி­றது. அரிசி, பருப்பு, எண்­ணெய் என எந்த பொருளை எடுத்­தா­லும் விலை பல மடங்கு கூடி­யுள்­ள­தால் மக்­கள் வாழ்­வா­தா­ரம் பாதிக்­கப்­ப­டு­வ­தாக எதிர்க்­கட்­சி­கள் குற்­றஞ்­சாட்­டி­வ­ரு­கின்­றன.

இந்­தாண்டு துவக்­கத்­தில், ரஷ்யா–, உக்­ரைன், ஈரான்–, அமெ­ரிக்கா நாடு­க­ளி­டையே கடு­மை­யான போர் சூழ­லால் ஏற்­பட்ட கச்சா எண்­ணெய் தட்­டுப்­பாடு சர்­வ­தேச அள­வில் தாக்­கத்தை ஏற்­ப­டுத்­தி­யது. பெட்­ரோல், டீசல் விலை உயர்­வால் நம் நாட்­டி­லும் அத்­தி­யா­சிய பொருட்­க­ளின் விலை உயர்ந்­தது.

பாமா­யில் எண்­ணெய் விலை லிட்­ட­ருக்கு ரூ.95லிருந்து 145 ஆக­வும், சன் பிள­வர் ஆயில் ரூ.130லிருந்து 190 ஆக­வும் ஏப்­ரல் மாதத்­தில் உயர்ந்து பெரும் பாதிப்பை ஏற்­ப­டுத்­தி­யது. தற்­போது பெட்­ரோல் தட்­டுப்­பாடு பிரச்­சினை படிப்­ப­டி­யாக ஓய்ந்­தா­லும் அத்­தி­யா­வ­சி­யப் பொருட்­க­ளின் விலை கணி­ச­மாக தமி­ழ­கத்­தில் அதி­க­ரித்­து­வ­ரு­கி­றது.

அதா­வது, அரிசி விலை­யா­னது இது­வரை இல்­லாத அள­வுக்கு கிலோ­வுக்கு ரூ.10 வரை அதி­க­ரித்­துள்­ளது. அதே­போல், பெரும்­பான்­மை­யான மளி­கைப் பொருட்­க­ளின் விலை­யும் உயர்ந்­துள்­ளது. மாத சம்­ப­ளம் வாங்­கும் சாமா­னிய மக்­க­ளுக்கு பொரு­ளா­தார சுமையை ஏற்­ப­டுத்­தி­யுள்­ளது. இதற்கு பருவ மழை பொய்த்து போனதை முக்­கிய கார­ண­மாக வியா­பா­ரி­கள் முன்­வைக்­கின்­ற­னர்.

இவ்­வ­ளவு விலை உய­ராது!

தமிழ்­நாடு வணி­கர் சங்­கங்­க­ளின் பேர­மைப்பு மாவட்­டச் செய­லா­ளர் கணே­சன் கூறிய தாவது:–

மளி­கைப் பொருட்­கள் விலை உயர்­வில் கடந்த மூன்று மாதங்­க­ளுக்­கும் மேலாக ஏற்­றம் காணப்­ப­டு­கி­றது. குறிப்­பாக, சன் பிள­வர் ஆயில் 90 சத­வீ­தம் வெளியே இருந்து இறக்­கு­மதி செய்­யப்­ப­டு­கி­றது. சில சம­யங்­க­ளில் போர் சூழல் இதன் விலையை நிர்­ண­யிக்­கி­றது.

கடந்த மாதம் லிட்­டர் ரூ.160க்கு விற்ற சன் பிள­வர் ஆயில் தற்­போது ரூ.165க்கு விற்­கி­றது. பாமா­யில் ரூ.125 என விலை­யில் மாற்­ற­மில்லை. தேங்­காய் எண்­ணெய் ரூ.280லிருந்து தற்­போது ரூ.290 ஆக­வும், நல்­லெண்­ணெய் ரூ.300லிருந்து ரூ.320 ஆக­வும், கடலை எண்­ணெய் ரூ.200லிருந்து ரூ.210 ஆக­வும், நெய் ரூ.800லிருந்து ரூ.850 ஆக­வும் அதி­க­ரித்­துள்­ளது.

அதே­போல், மளி­கைப் பொருட்­க­ளின் விலை ரூ.25–100 வரை கிலோ­வுக்கு அதி­க­ரித்­துள்­ளது. ஒரு கிலோ இஞ்சி ரூ.160 வரை­யும், பூண்டு ரூ.280 வரை­யும் விற்­ப­னை­யா­கி­றது. வழக்­க­மாக டிசம்­பர், ஜன­வரி மாதங்­க­ளில் பருப்பு உள்­ளிட்ட புதிய மளி­கைப் பொருட்­க­ளின் வருகை இருக்­கும். வரத்தை பொறுத்து அதன் விலை இருக்­கும்.

வரத்து குறைந்த பொருட்­க­ளின் விலை ரூ.5–10 வரை உய­ரும். ஆனால், இவ்­வ­ளவு விலை ஏற்­றம் இது­வரை ஏற்­பட்­ட­தில்லை. மழை சீராக இல்­லா­த­தால் விளைச்­சல் குறைந்­து­விட்­டது. சமீ­பத்­தில் நல்ல மழை பெய்­த­தால் டிசம்­பர் 15ம் தேதிக்கு மேல் மளி­கைப் பொருட்­க­ளின் விலை குறை­யும் என்று எதிர்­பார்க்­கப் ப­டு­கி­றது.

இவ்­வாறு, அவர் கூறி­னார்.

அரிசி விலை அதி­க­ரிப்பு!

‘கடந்த மாதம் ரூ.2,000க்கு விற்ற முதல் தரம் பொன்னி(26 கிலோ) தற்­போ­துரூ.2,250–2,300 வரை­யும், பி.பி.டி. பொன்னி ரூ.1650லிருந்து தற்­போது ரூ.1,900–2,000 வரை­யும், இட்லி அரிசி ரூ.1,000லிருந்து தற்­போது ரூ.1,150 ஆக­வும், பச்­ச­ரிசி ரூ.900லிருந்து தற்­போது ரூ.970 ஆக­வும், சோனா மசூரி அரிசி ரூ.1,650லிருந்து தற்­போது ரூ.1,900 ஆக­வும் அதி­க­ரித்­துள்­ளது. மேற்கு வங்­கத்­தில் இருந்து வரும் சீரக சம்பா விலை­யில்(கிலோ ரூ.130) எவ்­வித மாற்­ற­மும் இல்லை. சில்­லரை விற்­ப­னை­யில் கிலோ­வுக்கு ரூ.4 வரை அதி­க­ரித்­துள்­ளது’ என்­கின்­ற­னர் அரிசி வியா­பா­ரி­கள்.

இது­வரை இல்­லாத விலை­யேற்­றம்!

கோயம்­புத்­துார் அரிசி வியா­பா­ரி­கள் சங்க செய­லா­ளர் சர­வ­ண­கு­மார் கூறி­ய­ தா­வது:–

ஆண்­டு­தோ­றும் அக்­டோ­பர், டிசம்­பர் வரை கிலோ­வுக்கு ரூ.4 வரை விலை வித்­தி­யா­சம் ஏற்­ப­டு­வது வழக்­கம். ஆனால் இது­வரை இல்­லாத வகை­யில் இந்­தாண்டு ரூ.10 வரை விலை உயர்ந்­துள்­ளது. கர்­நா­டகா, ஆந்­திரா, தமிழ்­நாடு போன்ற தென் மாநி­லங்­க­ளில் தென்­மேற்கு பரு­வ­மழை பொய்த்து போனதே இதற்கு முக்­கிய கார­ணம்.

வட­கி­ழக்கு பரு­வ­மழை நன்கு பெய்­துள்­ள­தால் தமி­ழ­கம், கர்­நா­ட­கா­வில் விளைச்­சல் அதி­க­ரித்து அரிசி விலை சிறிது குறைய வாய்ப்­புள்­ளது. அடுத்­தாண்டு ஜன­வரி மாதம் அரிசி வரத்து இருக்­கும் என்­ப­தால் விலை­யேற்­றம் சிறிது குறை­யும். அரிசி விலை கடந்த ஆக., முதலே உயர்ந்து வரு­கி­றது; ஆனால், இப்­போ­து­தான் தெரி­கி­றது. நாம் ஒன்­றரைமாதங்­க­ளுக்கு தேவை­யான அரி­சியை வாங்கி இருப்பு வைத்து விற்­கி­றோம்.

இருப்பு குறை­யும்­போ­து­தான் பாதிப்பு வெளியே தெரி­கி­றது. முதல் தர அரி­சிக்குபெரும்­பா­லும் கர்­நா­டக மாநி­லத்­தையே நம்பி இருக்­கி­றோம். அங்கு மழை இல்­லாத பட்­சத்­தில் இங்­கும் பாதிப்பு ஏற்­ப­டு­கி­றது. தற்­போது, ஆந்­திரா நெல் சென்னை மார்க்­கெட்­க­ளுக்கு வந்­து­கொண்­டி­ருக்­கி­றது. இத­னால் விலை சற்று குறை­யும் என்று எதிர்­பார்க்­கப்­ப­டு­கி­றது.

இவ்­வாறு, அவர் கூறி­னார்.