#Title

ஓடு, ஓடு என்று கைதிகள் தப்பி ஓடுகிறார்கள்! நாட்றம்பள்ளி காவல் நிலையத்திலிருந்தும் கைதியோட்டம்! நிர்வாகத் திறனற்ற ‘டம்மி’ முதல்வர் ஆட்சியில் நாள்தோறும் அரங்கேறும் அவலம்!

திருப்பத்தூர், நவ.2–

திருப்பத்தூர் மாவட்டம், நாட்றம்பள்ளி காவல் நிலையத்தில் இருந்து, போலீசாரின் பிடியில் இருந்த கைதி தப்பியோடியதால் பரபரப்பு ஏற்பட்டது.

தமிழ்நாட்டில் டம்மி முதலமைச்சர் விஜய் தலைமையில் ஆட்சி அமைந்ததும் தமிழ் நாட்டில் சட்டம் ஒழுங்கு சந்தி சிரிக்கிறது.

குறிப்பாக தமிழ்நாட்டில் சிறையிலிருந்து கைதிகள் தப்பிக்கும் சம்பவங்கள் சமீபகாலமாக அதிகரித்து வருகிறது.

கடந்த அக்டோபர் 20 மற்றும் 21 ஆம் தேதி இரு நாட்களில் புழல் சிறையில் இருந்து 2 கைதிகள் அடுத்தடுத்தநாட்களில் தப்பி சென்றனர்.

அதற்கடுத்து தேனி மாவட்டம் தேக்கம்பட்டியில் மாவட்ட சிறையில் உள்ள 17 கைதிகள்சிறைக்காவலர்களை தாக்கிவிட்டு தப்பி சென்ற சம்பவம்தமிழ்நாட்டில் அதிர்ச்சியை ஏற்படுத்தியது.

இந்நிலையில் நேற்று முன்தினம் கோவை அன்னூர் காவல்நிலையத்தில் திருட்டு உள்ளிட்ட வழக்கில் ராகவன் என்பவரை காவல்துறையினர் கைது செய்தனர்.

கைதான ராகவனை நீதிமன்றத்தில் ஆஜர்படுத்தப்பட்டு கோவை மத்திய சிறையில் அடைக்க அழைத்துவரப்பட்ட போது நேற்று இரவு சிறைவளாகத்தில் இருந்து தப்பியோடியுள்ளார்.

தப்பி சென்ற கைதி ராகவனை காவல் துறையினர் தீவிரமாக தேடி வருகின்றனர். இந்த சம்பவத்தில் கைதி ராகவனை அழைத்து சென்ற 4 சிறைக்காவலர்கள் இடைநீக்கம் செய்யப்பட்டுள்ளனர்.

இதனையடுத்து நேற்று (1.11.2026) திருப்பத்தூர் மாவட்டம் நாட்றம்பள்ளி அருகே, இருசக்கர வாகன திருட்டில் ஈடுபட்ட சந்தோஷ் என்ற இளைஞரை , பொதுமக்கள் தர்ம அடி கொடுத்து போலீசாரிடம் ஒப்படைத்தனர். விசாரணைக்காக நாட்றம்பள்ளி காவல்நிலையம் கொண்டு வரப்பட்ட கைதிசந்தோஷ், போலீசாருக்கு டிமிக்கி கொடுத்து அங்கிருந்து தப்பியோடினார். கைதியை பிடிக்க போலீசார் துரத்திய நிலையில், பொதுமக்கள் இளைஞரைமடக்கிப் பிடித்து போலீசாரிடம் ஒப்படைத்தனர்.

ஏற்கனவே த.வெ.க. ஆட்சியில் சிறை மற்றும் காவல்நிலையங்களில் இருந்து கைதிகள் தப்பியோடும் சம்பவங்கள் அரங்கேறும் வேளையில், தற்போது நிகழ்ந்தி ருக்கும் மற்றுமொரு சம்பவம் பொதுமக்களை முகம் சுளிக்க வைத்துள்ளது.

நெல்லை மேற்கு மாவட்ட தி.மு.க. சார்பில் பசும்பொன் முத்துராமலிங்கத் தேவர் அவர்களின் ஜெயந்தி விழாவை முன்னிட்டு நெல்லை மேற்கு மாவட்ட பொறுப்பாளர் இரா.ஆவுடையப்பன் ஆலோசனைப்படி அம்பாசமுத்திரம் கல்யாணி தியேட்டர் எதிரே அலங்கரித்து வைக்கப்பட்டிருந்த பசும்பொன் முத்துராமலிங்கத் தேவர் திருமகனார் அவர்களின் திருவுருவப்படத்திற்கு தலைமை செயற்குழு உறுப்பினர் ஆ.பிரபாகரன் தலைமையில் மாலை அணிவித்து மலர்தூவி மரியாதை செலுத்தப்பட்டது. நிகழ்வில் கழக நிர்வாகிகள் கணேஷ்குமார் ஆதித்தன்,பரணி சேகர் கே.கே.சி.பிரபாகரன், இசக்கி பாண்டியன், கணேசன், வழக்கறிஞர் கள் செல்வ சூடாமணி, கந்தசாமி, காஜா முகைதீன், சுவாமிநாதன், சஞ்சய் செல்வம் மற்றும் அண்ணாதுரை, பிரேம் ஆனந்த்,முத்துக்கிருஷ்ணன், உள்பட கழகத்தினர் பலர் கலந்து கொண்டனர்.நிகழ்ச்சி நிறைவில் அனைவருக்கும் இனிப்பு வழங்கப்பட்டது.