த.வெ.க. அரசின் சட்டம்–ஒழுங்குச் சீர்கேடு, பெண்கள், குழந்தைகளின் பாதுகாப்பின்மை, விலைவாசி உயர்வைக் கண்டித்து, கரூர் மாவட்ட தி.மு.க. மகளிர் அணி சார்பில் மாபெரும் கண்டன ஆர்ப்பாட்டம், கரூர் தலைமை தபால் நிலையம் முன்பு மிக எழுச்சியுடன் மாவட்டச் செயலாளர் – முன்னாள் அமைச்சர் வி.செந்தில் பாலாஜி ஏற்பாட்டில், மாவட்ட மகளிர் அணி அமைப்பாளர் நந்தினி தேவி தலைமையில் நிரஞ்சனா செந்தில்குமார், கவிதா கல்யாண சுந்தரம் ஆகியோர் கண்டன உரையாற்றினர். ஆர்ப்பாட்டத்தில் ஏராளமானோர் மகளிர் பங்கேற்றனர்.

அரியலூர் மாவட்ட மகளிர் அணி சார்பில் த.வெ.க. அரசின் சட்டம் ஒழுங்கு சீர்கேடு,பெண்கள் குழந்தைகள் பாதுகாப்பின்மை மற்றும் விலைவாசி உயர்வை கண்டித்து மாவட்ட கழக செயலாளர், முன்னாள் அமைச்சர் சா.சி.சிவசங்கர் வழிகாட்டுதலின்படி அரியலூரில் பேரறிஞர் அண்ணாசிலை அருகே மாபெரும் கண்டன ஆர்ப்பாட்டம் மாவட்ட மகளிர் அணி அமைப்பாளர் பானுமதி இராஜேந்திரன் தலைமையில் நடைபெற்றது. இந்த ஆர்ப்பாட்டத்தில் மாநில வலைதள மகளிர் அணி பொறுப்பாளர் ரியா கலந்துகொண்டு கண்டன உரையாற்றினார். உடன் கழக சட்டத்திட்ட திருத்தக்குழு இணை செயலாளர் சுபா.சந்திரசேகர், முன்னாள் சட்டமன்ற உறுப்பினர் அமரமூர்த்தி, மாவட்ட துணை செயலாளர்கள் மு.கணேசன், சி.சந்திரசேகரன், லதாபாலு, மாவட்ட மகளிர் தொண்டரணி அமைப்பாளர் மீனாசாமிநாதன் மற்றும் மாவட்ட, ஒன்றிய, நகர, பேரூர்கழக நிர்வாகிகள், மகளிர் அணி நிர்வாகிகள் பலரும் கலந்துகொண்டனர்.