பெரம்பலூர் மாவட்ட கழக பொறுப்பாளர் வீ. ஜெகதீசன் தலைமையில், மாவட்ட மகளிர் அணி அமைப்பாளர் மகாதேவி ஜெயபால் வரவேற்புரையில், த. வெ. க. அரசைக் அண்டித்து, பழைய பேருந்து நிலையம் அருகில், மாவட்ட மகளிர் அணி சார்பில் நடைபெற்ற கண்டன ஆர்ப்பாட்டத்தில் மாநில, மாவட்ட, ஒன்றிய, நகர, பேரூர் கழக நிர்வாகிகள் மற்றும் மகளிரணி, மகளிர் தொண்டரணி யினர் ஆயிரத்திற்கும் மேற்பட்டோர் கலந்து கொண்டனர்.

சேலம் கோட்டை மைதானத்தில் சேலம் ஒருங்கிணைந்த மாவட்ட தி.மு.க. மகளிர் அணி சார்பில் நடைபெற்ற கண்டன ஆர்ப்பாட்டத்தில் சேலம் மத்திய மாவட்ட திமுக செயலாளரும் முன்னாள் அமைச்சருமான ராஜேந்திரன், சேலம் மேற்கு மாவட்ட திமுக செயலாளரும் நாடாளுமன்ற உறுப்பினருமான டி. எம். செல்வகணபதி, சேலம் கிழக்கு மாவட்ட திமுக செயலாளரும் மாநிலங்களவை உறுப்பினருமான எஸ். ஆர். சிவலிங்கம் ஆகியோர் தலைமையில் ஆயிரக்கணக்கான மகளிர் அணியினர், மகளிர் தொண்டர் அணியினர் கலந்து கொண்டு த.வெ.க அரசின் நடவடிக்கையை கண்டித்து முழக்கங்களை எழுப்பினர். இந்த ஆர்ப்பாட்டத்தில் தி.மு.க மகளிர் தொண்டர் அணி மாநில செயலாளர் நாமக்கல் ராணி சிறப்பு அழைப்பாளராக கலந்து கொண்டு உரையாற்றினார்.

த.வெ.க அரசை கண்டித்து, நீலகிரி மாவட்ட திமுக மகளிர் அணி சார்பில் உதகை ஏ.டி.சி., ஜீப் நிறுத்தம் முன்பு மாபெரும் கண்டன ஆர்ப்பாட்டம் மாவட்ட தி.மு.க. பொறுப்பாளர் கே.எம்.ராஜூ தலைமையில் நடைபெற்றது. மாவட்ட மகளிர் அணி அமைப்பாளர் கோமதி வரவேற்றார், தலைமை கழக பிரதிநிதி கோவை வைஷ்ணவி கலந்து கொண்டு கண்டன முழக்கமிட்டு சிறப்புரையாற்றினார். நிகழ்ச்சியில் போஜன், லட்சுமி, நாசர் அலி, இளங்கோவன், திராவிடமணி, தம்பி இஸ்மாயில், சுனிதா நேரு உள்ளிட்ட கழகத்தினர் மகளிர் அணியினர் கலந்து கொண்டனர். மாவட்ட மகளிர் தொண்டர் அணி அமைப்பாளர் ஜெயந்தி நன்றி கூறினார்.

காஞ்சிபுரம் தெற்கு மாவட்ட தி.மு.க. சார்பில் காஞ்சிபுரம் மாநகராட்சியில் மேயர் மகாலட்சுமி யுவராஜ் தலைமையில் தமிழ்நாட்டில் சட்டம் ஒழுங்கு சீர்கேடு பெண்கள்.-- பெண் குழந்தைகள் பாதுகாப்பு இன்மை விலைவாசி உயர்வைக் கண்டித்து மாபெரும் கண்டன ஆர்ப்பாட்டத்தில் சென்னை மாநகர மேயர் பிரியா ராஜன், மாவட்ட கழக செயலாளர்.க. சுந்தர், நிவேதா ஜெசிகா, கண்டன உரையாற்றினார்கள் உடன் திருமதி மலர்விழி குமார், திருமதி செம்பருத்தி துர்கேஷ், திருமதி நித்யா சுகுமார் , மாவட்ட மகளிர் அணி அமைப்பாளர் ஆ.செல்வி மகளிர் தொண்டரணி அமைப்பாளர் மாலதி செல்வராஜ் திருமதி மல்லிகா ராமகிருஷ்ணன் மற்றும் மாவட்ட மாநகர ஒன்றிய பகுதி நிர்வாகிகள் கலந்து கொண்டனர்.

தமிழ்நாட்டில் தற்பொழுது நிலவும் ரீல்ஸ் ஆட்சியில் சட்டம் ஒழுங்குச் சீர்கேடு, பெண்களுக்கு எதிரான வன்முறை, குழந்தைகளுக்கு பாதுகாப்பின்மை மற்றும் விலைவாசி உயர்வு போன்றவற்றால் பொதுமக்கள் தினந்தோறும் அவதிப்படும் நிலைமையை உண்டாக்கிய த.வெ.க. அரசைக் கண்டித்து கன்னியாகுமரி கிழக்கு மாவட்ட மகளிர் அணி சார்பில் மாபெரும் கண்டன ஆர்ப்பாட்டம் மாவட்ட மகளிர் அணி அமைப்பாளர் ஜெனஸ் மைக்கேல் தலைமையில், மாவட்ட மகளிர் தொண்டர் அணி அமைப்பாளர் லதா கலைவாணன் முன்னிலையில் நடைபெற்றது. மாநில மகளிர் அணி செயலாளர் ஜெ.ஹெலன் டேவிட்சன் கலந்து கொண்டு த.வெ.க. அரசைக் கண்டித்து கண்டன கோஷங்களை எழுப்பினார். ஆர்ப்பாட்டத்தில் மாவட்டச் செயலாளர் வழக்கறிஞர் ரெ.மகேஷ் கண்டன உரையாற்றி ஆர்ப்பாட்டத்தில் கலந்து கொண்ட அனைத்து மகளிர் அணி நிர்வாகிகளுக்கும், கழக நிர்வாகிகளுக்கும், மகளிருக்கும், பொதுமக்களுக்கும் நன்றி தெரிவித்து ஆர்ப்பாட்டத்தை நிறைவு செய்தார்.