எப்படி இருக்க வேண்டும் என்பதற்கு எடுத்துக்காட்டு தான் அண்ணன் துரைமுருகன் என்று சொன்னால், அது மிகையாகாது.
எம்.ஜி.ஆரால் கண்டெடுக்கப்பட்டவர்!
தலைவர் கலைஞரால் வளர்த்தெடுக்கப்பட்டவர்!
1965-இல் இந்தி ஆதிக்கத்தின் எதிர்ப்பு போராட்டம் நடைபெற்றபோது, தளபதியாக உருவெடுத்தவர்தான் அண்ணன் துரைமுருகன் அவர்கள்.
அவருடைய ஆரம்ப அரசியல் வாழ்க்கையைப் பற்றி சொல்ல வேண்டும் என்று சொன்னால், அவரே பல நேரங்களில் சட்டமன்றத்திலும், பொதுக்கூட்டத்தில் பேசியிருக்கிறார். என்ன என்று கேட்டால், எம்.ஜி.ஆர். அவர்கள் கண்டெடுத்து, தலைவர் கலைஞர் அவர்கள் வளர்த்தெடுத்த ஒரு மாவீரன்தான் அண்ணன் துரைமுருகன் அவர்கள்.
1963-இல் சென்னை பச்சையப்பன் கல்லூரியில் ஒரு விழா நடைபெற்றபோது, அண்ணன் துரைமுருகன் அவர்கள் அங்கு சிறப்புரை ஆற்றியிருக்கிறார். அந்த விழாவிற்கு வந்த எம்.ஜி.ஆர்.
அவர்கள் துரைமுருகன் அவர்கள் பேச்சைப் பார்த்து அசந்து ஆச்சரியப்பட்டு வாழ்த்தி, அவருடைய
கல்விக்கே உதவியவர் எம்.ஜி.ஆர். அவர்கள்.
அதுமட்டுமல்ல, பின்னர் திருவண்ணாமலை யின் இடைத்தேர்தல் வந்தபோது, கே.வி.குப்பம் கூட்டத்தில் எம்.ஜி.ஆர்.தான் அண்ணன் துரைமுருகன் அவர்களை கலைஞரிடத்தில் அறிமுகப்படுத்தி வைத்தார்கள்.
எனவே, இவ்வாறு பல்வேறு நிகழ்ச்சிகளை நான் இங்கு எடுத்துச் சொல்ல முடியும். இன்னும் சொல்ல வேண்டும் என்று சொன்னால், திராவிட முன்னேற்றக் கழகத்தில் இருந்து எம்.ஜி.ஆர். பிரிந்து தனி கட்சி தொடங்கியபோது, அண்ணன் துரைமுருகன் அவர்களை எம்.ஜி.ஆர். அவர்கள், “நீயும் என் கட்சியில் வந்து சேர்’ என்று அழைத்திருக்கிறார். ஆனால்,
எம்.ஜி.ஆர். இடத்தில், அண்ணன் துரைமுருகன் அவர்கள் சொன்னதுஎன்னவென்று கேட்டால், “நீங்கள் என்னுடைய கல்விக்குஉதவியிருக்கலாம்; என்னிடத்தில் நீங்கள் அன்பைப் பொழிந்திருக்கலாம், பாராட்டியிருக்கலாம். ஆனால், கொள்கை என்று வருகிறபோது எனக்கு தலைவன் கலைஞர்தான். நான் அவரோடுதான் இருப்பேன்” என்று சொல்லி, இன்றுவரையில் கலைஞர் வளர்த்தெடுத்திருக்கும் திராவிட முன்னேற்றக் கழகத்தில்தான் இன்றைக்கும் அவர் பொதுச் செயலாளராக இருந்து பணியாற்றிக் கொண்டிருக்கிறார்.
அண்ணன் துரைமுருகனின் வாரிசாக
பணியாற்றுபவர் தம்பி கதிர் ஆனந்த்!
அவர் வழியில் வாரிசாக நாடாளுமன்ற உறுப்பினராக பொறுப்பேற்று இருக்கும், மாவட்டச் செயலாளராக பொறுப்பேற்று பணியாற்றிக் கொண்டிருக்கும் கதிர் ஆனந்த்அவர்களும் இன்றைக்கு தொடர்ந்து பணியாற்றிக் கொண்டிருக்கிறார்.
எனவே, அப்படிப்பட்ட குடும்பத்தில் நடைபெறும் இந்தத் திருமண விழாவில் உங்களோடு கலந்து கொண்டு நானும் கலந்துகொண்டு வாழ்த்துவதில் பெருமைப்படுகிறேன், மகிழ்ச்சியடைகிறேன், பூரிப்படைகிறேன். அந்தப் பூரிப்போடு மகிழ்ச்சியோடு, புரட்சிக்கவிஞர் பாரதிதாசன் எடுத்துச் சொல்லி இருக்கும், “வீட்டுக்கு விளக்காய் நாட்டிற்கு தொண்டர்களாய்” மணமக்கள் வாழ்க, வாழ்க என்று வாழ்த்தி விடைபெறுகிறேன்.
இவ்வாறு கழகத் தலைவர் மு.க.ஸ்டாலின் அவர்கள் உரையாற்றினார்.