திருப்பூர் தெற்கு மாவட்ட மகளிர் அணி, மகளிர் தொண்டர் அணி சார்பில் பெண்கள் - குழந்தைகள் பாதுகாப்பின்மை, சட்டம் ஒழுங்கு சீர்கேடு, விலைவாசி உயர்வு மற்றும் ஒரு பாதுகாப்பற்ற மாநிலமாக தமிழகத்தை படுகுழியில் தள்ளிய த.வெ.க. அரசைக் கண்டித்து உடுமலைப்பேட்டையில் மாவட்ட கழகப் பொறுப்பாளர், பொள்ளாச்சி நாடாளுமன்ற உறுப்பினர் கே.ஈஸ்வரசாமி தலைமையில் ஆர்ப்பாட்டம் நடைபெற்றது. இதில் சட்டமன்ற உறுப்பினர்கள் இரா.ஜெயராம்கிருஷ்ணன் (மடத்துக்குளம்), உடுமலைப்பேட்டை சட்டமன்ற உறுப்பினர் மு.ஜெயக்குமார் உள்பட மாநில, மாவட்ட, ஒன்றிய, நகர, பேரூர் கழக மகளிர் அணி, மகளிர் தொண்டர் அணி அமைப்பாளர்கள், துணை அமைப்பாளர்கள், ஒன்றிய, நகர, பேரூர் கழக செயலாளர்கள், நிர்வாகிகள், உள்ளாட்சி இந்நாள் முன்னாள் மக்கள் பிரதிநிதிகள், பொதுமக்கள் பலர் கலந்து கொண்டனர்.