சென்னை, நவ. 3 –

‘‘ரூ.1,614 கோடி கொரிய முத­லீ­டு­கள் ஆந்­தி­ரா­வுக்கு சென்­று­விட்­டன. ஜி.எஸ்.டி. வரு­வாய் வளர்ச்­சி­யும் குறைந்­து­விட்­டது. மொத்­தத்­தில் த.வெ.க. ஆட்­சி­யில் தமிழ்­நாட்­டின் வளர்ச்சி புதைக்­கப்­பட்­டு­விட்­டது’’ என்று கழ­கத் தலை­வர் மு.க.ஸ்டாலின் அவர்­கள் கடும் விமர்­ச­னம் செய்­துள்­ளார்.

கடந்த அக்டோபர் மாதத்தில் தமிழ்நாட்டில் ரூ.11,661 கோடி வசூல் ஆகியுள்ளது. முந்தைய ஆண்டுடன் ஒப்பிடுகையில் இதன் வளர்ச்சி விகிதம் தேசிய சராசரியை விட குறைவாக உள்ளது. நாடு முழுவதும் கடந்த அக்டோபர் மாதத்துக்கான ஜி.எஸ்.டி. ரூ.2.3 லட்சம் கோடி வசூல் ஆகியுள்ளது. இது முந்தைய ஆண்டுடன் ஒப்பிடுகையில் 23 சதவீத வளர்ச்சியாகும். இத்துடன் சேர்த்து தொடர்ந்து 4வது மாதமாக வசூல் ரூ.2 லட்சம் கோடிக்கும் மேல் உள்ளது. கடந்த செப்டம்பர் மாதத்தில் வசூல் வளர்ச்சி 14.7 சதவீதமாக இருந்தது.

தமிழ்நாட்டில் கடந்த மாதத்தில் ரூ.11,661 கோடி ஜி.எஸ்.டி. வசூல் ஆகி யுள்ளது. இது முந்தைய ஆண்டு அக்டோபருடன் ஒப்பிடுகையில் 3 சதவீதம் மட்டுமே வளர்ச்சி அடைந்துள்ளது. இது தேசிய சராசரியான 16 சதவீதத்துடன் ஒப்பிடுகை யில் மிகவும் குறைவு. தொழில் வளர்ச்சியில் பின்தங்கிய மாநிலங் களில் ஒன்றாக கருதப் படும் உத்தரப்பிரதேசத்திலேயே ஜி.எஸ்.டி. வசூல் 24 சதவீதம் அதிகரித்துள்ளது.

இதுபோல், பஞ்சாப் 25%, ஹரியானா 17%, டெல்லி 10%, மேற்கு வங்கம் 17%, அசாம் 47%, மற்றும் அண்டை மாநிலங்களான ஆந்திரா (24%), கேரளம் 23%), தெலங்கானா 14% ஜி.எஸ்.டி. வளர்ச்சியை பதிவு செய்துள்ளன. தி.மு.க. ஆட்சியில் தமிழகம் தொழில் வளர்ச்சியில் முன்னேறிய மாநிலமாக இருந்தது. ஜி.எஸ்.டி. வசூலில் முக்கிய பங்களிப்பை தமிழகம் கொண்டிருந்தது. ஆனால், த.வெ.க. ஆட்சி அமைந்ததில் கடந்த 3 மாதமாக ஜி.எஸ்.டி. வசூல் மைனஸ் 5% சதவீதம் வரை சென்றது குறிப்பிடத்தக்கது.

இது­கு­றித்து கழ­கத் தலை­வர் மு.க.ஸ்டாலின் அவர்­கள் தமது சமூக வலைதளத்தில் பதிவிட் டிருப்பதாவது :–

காலையில் கடந்து வந்த இரு செய்திகள்:

1) GST வருவாய் வளர்ச்சியில் தேசிய சராசரிக்கும் கீழே த.வெ.க. ஆட்சியில் தமிழ்நாட்டின் வளர்ச்சி புதைக்கப்பட்டிருக்கிறது.

2) தமிழ்நாட்டுக்கு வரவேண்டிய 1,614 கோடி ரூபாய் கொரிய நாட்டின் முதலீடுகள் த.வெ.க. அரசின் அலட்சியத்தால் ஆந்திரா வுக்குச் சென்றுவிட்டன. முதலீடு களை ஈர்த்து தமிழ்நாட்டுக்குப் பெருமை சேர்த்த @Guidance_TN அமைப்பே இந்த ஆட்சியில் தனிநபர்களின் ego-வுக்கு காவு கொடுக்கப்பட்டு விட்டது.

எல்லாத் துறைகளிலும் இவ்வளவு வேகமாக Reverse Gear-இல் செல்வது எப்படி என இவர்களிடம்தான் கற்றுக் கொள்ள வேண்டும்.

முதலமைச்சர் show

காட்டக் கிளம்பிவிட்டார்!

இதுவெல்லாம் என்னவென்றே புரியாத, தெரியாத நம் முதல மைச்சரோ இடைத் தேர்தல் நடக் கும் தொகுதிகளில் கையசைத்து show காட்டக் கிளம்பிவிட்டார்.

Brace for tough times. Tamil Nadu is doomed under the TVK government.

இவ்வாறு கழ­கத் தலை­வர் மு.க.ஸ்டாலின் அவர்­கள் தமது சமூக வலைதளத்தில் பதிவிட் டுள்ளார்.