சென்னை, நவ. 4–
சென்னை மருத்துவக் கல்லூரியின் கீழ் இயங்கும் ராஜீவ் காந்தி மருத்துவமனை மற்றும் ஸ்டான்லி மருத்துவக் கல்லூரி மருத்துவமனை களுக்கு முதல்வர்கள் நியமிக்கப் படாததால் முக்கிய முடிவுகளை
எடுப்பதில் சிக்கல்கள் எழுந்துள்ளன.
அதேபோல தமிழகத்திலேயே முன்மாதிரி மருத்துவ மையமாகத் தொடங்கப்பட்ட கிண்டி உயர் சிறப்பு மருத்துவமனையிலும் இயக்குநர் பணியிடம் பல மாதங்களாக காலியாக உள்ளது. நிர்வாகப் பணி களில் சுணக்கம் ஏற்படுவதைத் தவிர்க்க விரைந்து அப்பொறுப்புகளுக்கு தகுதியானவர்களை நியமிக்க அரசு நடவடிக்கை எடுக்க வேண்டும் எனமருத்துவர்கள் வலியுறுத்தியுள்ளனர்.
சென்னையின் அடையாளங்களில்ஒன்றாக விளங்கி வரும் ராஜீவ் காந்தி மருத்துவமனையில் தற்போது 44 துறைகள் உள்ளன. மொத்தம் 4,000 படுக்கை வசதிகள் இருக்கின்றன. நாள்தோறும் 12,000 முதல் 15,000 பேர் புற நோயாளி களாக சிகிச்சை பெற்று வருகின்றனர். தினமும் 500 பேர் உள்நோயாளிகளாக அனுமதிக்கப்படுகின்றனர்.
இதைத் தவிர அண்டை மாநிலமான ஆந்திரத்திலிருந்தும், வட மாநிலங்களில்இருந்தும் நோயாளிகள் சிகிச்சைக்காக இங்கு வருகின்றனர். சென்னை மருத்துவக் கல்லூரியுடன் இணைந்த இந்த மருத்துவமனையின் முதல்வர் பதவி என்பது முக்கியத்துவமும், கௌரவமும் நிறைந்தது. அரசின் கொள்கை நிர்வாகக் குழுவிலும் அந்த முதல்வர் அங்கம் வகிப்பார். முழுமையான நிர்வாகம் மற்றும் நிதி அதிகாரங்கள் அவருக்கு உள்ளது.
அதுமட்டுமல்லாது ராஜீவ் காந்தி மருத்துவமனையின் கீழ் இயங்கும் எழும்பூர் மகப்பேறு மருத்துவமனை, குழந்தைகள் நல மருத்துவமனை, கண் மருத்துவமனை மற்றும் கீழ்ப்பாக்கம் மனநல காப்பகம் ஆகியவற்றின் தலைமைப் பொறுப்பையும்அந்த முதல்வரே வகிப்பார்.
இவ்வாறாக, தமிழக அரசு மருத்துவக் கல்லூரி மருத்துவ மனைகளிலேயே மிகவும் அதி காரமிக்க பொறுப்பாக, ராஜீவ் காந்தி அரசு மருத்துவமனை முதல்வர் பதவி கருதப்படுகிறது. அந்தப் பதவியை இதற்கு முன்பு வகித்து வந்த டாக்டர்சாந்தாராமன் கடந்த செப்டம்பர் 30-ஆம்தேதியுடன் ஓய்வு பெற்றதைத் தொடர்ந்து, பொறுப்பு முதல்வராக மருத்துவமனை கண்காணிப்பாளர் டாக்டர் சுதாகரன் நியமிக்கப்பட்டார். ஆனால், இப்போதும் முழு அதிகாரத்துடன் கூடிய முதல்வராக எவரும் நியமனம் செய்யப்படவில்லை.
இதேபோல, ஸ்டான்லி அரசு மருத்துவக் கல்லூரி மருத்துவமனையும் மிகவும் பழைமையும், பாரம்பரியமும் நிறைந்தது. அதன் முதல்வராக இருந்த டாக்டர் அரவிந்த், மாநில மருத்துவக் கல்வி மற்றும் ஆராய்ச்சி இயக்குநராக அண்மையில் நியமிக் கப்பட்டார். இதனால் அவர் வகித்து வந்த பதவி காலியானது. இப்போது வரை அதற்கு எவரும் நியமிக்கப்பட வில்லை.
இதுதொடர்பாக, ஜனநாயக தமிழ்நாடு அரசு டாக்டர்கள் சங்கத் தலைவர்பாலகிருஷ்ணன் கூறியதாவது :–
சென்னையின் அதிமுக்கிய மருத்துவமனைகளின் தலைமைப் பொறுப்புகள் காலியாக இருப்பதால் பல்வேறு எதிர்விளைவுகள் ஏற்படும். பொறுப்பு முதல்வர், இயக்குநரால் மருத்துவமனையின் வளர்ச்சித் திட்டங்களுக்கு நிர்வாக ரீதியான முடிவை எடுக்க முடியாது. புதிய
திட்டங்களையும் செயல்படுத்தஇயலாது. எனவே, காலந்தாழ்த்தாமல் தகுதியானவர்களை அப்பொறுப்புக்குநியமிக்க வேண்டும் என்று டாக்டர்கள்சங்கத் தலைவர்பாலகிருஷ்ணன்கூறினார்.