கடலூர், நவ.4–-
கடலூர் கிழக்கு மாவட்டக் கழகச் செயற்குழுக் கூட்டம், 02-.11.-2026, திங்கள் கிழமை, மாலை 5 மணியளவில், காட்டுமன்னார்கோவில் எம்.ஆர்.கே. கூட்டரங்கத்தில், கழக தேர்தல் பணிக்குழு செயலாளர் இள.புகழேந்தி தலைமையில் நடைபெற்றது. மாவட்டக் கழக செயலாளர், குறஞ்சிப்பாடி சட்டமன்ற உறுப்பினர் எம்.ஆர்.கே.பன்னீர்செல்வம், கழக அயலக அணி தலைவர் கலாநிதி வீராசாமி, துணை செயலாளர் பரிதி இளம்சுருதி ஆகியோர் சிறப்புரையாற்றி னார்.
முன்னாள் எம்.எல்.ஏ.-க்கள் மருதூர் இராமலிங்கம், கோ.ஐயப்பன், துரை.கி.சரவணன்,மாவட்ட கழக பொருளாளர் எம்.ஆர்.கே.பி.கதிரவன் ஆகியோர் முன்னிலை வகித்தனர்.
கூட்டத்தில் கீழ்க்கண்ட தீர்மானங்கள் நிறை வேற்றப்பட்டன.
இளைஞர் அணிச் செயலாளர், எதிர்க்கட்சித் தலைவர், பாசமிகு மனிதநேயர், உதயநிதி ஸ்டாலின்அவர்களின் 49-வது பிறந்த நாள் நவம்பர் 27 - தனது தீவிரமான திராவிடரியக்க கொள்கைகளை நாடு முழுவதும் கூறி கழகம் வளர்க்கும் அவரின் பிறந்தநாள் நிகழ்வுகளை மாவட்டம் முழுவதும் மாநகரம், நகரம், ஒன்றியம், பேரூர், ஊராட்சி உட்பட அனைத்துப் பகுதிகளிலும் கிளைக்கழகங்களி லும், அனைத்து அணியினரும் இணைந்து மக்கள் நலத்திட்டங்கள், இளைஞர்களுக்கு, மாணவ, மாண வியர்க்கு விளையாட்டுப் போட்டிகள் நடத்தி கொடியேற்றி கொண்டாடுவது எனத் தீர்மானிக்கப் பட்டது,
தலைமைக்கழகத்தின் ஆணைப்படி, கழக மறுசீரமைப்பு பணிகளை மாவட்டக்கழகத்தின் வழிக்காட்டுதல்படி மாநகரம், நகரம், ஒன்றியம், பேரூர், உட்பட அனைத்துப்பகுதிகளிலும் சிறப்பாக செய்யப்பட்டு தலைமைக் கழக நிர்வாகிகளிடம் ஒப்படைக்கப்பட்டுள்ளது. மேலும் மாவட்டக்கழக அறிவுறுத்தல்படி செய்வது என்றும் முடிவு செய்யப்பட்டது.
தமிழ்நாட்டின் இருண்ட காலமாக நடந்துவரும் தற்குறி த.வெ.க. ஆட்சியில் பாலியல் வன்முறைகள் படுகொலைகள், போதை பொருட்களின் மூலம் சட்டம் ஒழுங்கைநாசமாக்கும் ஆளும் கட்சி நிர்வாகிகளின் இழிவான செயல்கள் எதையும் தடுத்து நிறுத்திட சட்டம் ஒழுங்கை காப்பாற்றிட, எந்த நடவடிக்கையும் எடுக்காமல், தனிவிமானத்தில் உல்லாசமாக ஊர் சுற்றும் டம்மி முதல்வரை வன்மையாக கண்டிக்கிறோம்.
டம்மி முதல்வரின், நிர்வாக சீர்கேடுகள் மக்கள் விரோதப் போக்குகளை எதிர்த்து நாடுமுழுவதும் போராட்டங்கள் நடக்கின்றன, மாணவர்களின் போராட்டம், மின்கட்டண உயர்வு, மின் வெட்டு அதிகரிப்பும், கல்வித்துறையின் கவனமின்மையும் உள்ள நடிகர் முதல்வரின் அரசை விரைவில் விரட்டிட எல்லாத் தரப்பு மக்களும் திரண்டெழுகிறார்கள். கழக
நிர்வாகிகள், முன்னாள் அமைச்சர்கள் மீதெல்லாம் பொய்வழக்குகள் போட்டு திசைத்திருப்பும் அரசியலை தவெக அரசுமூலம் செய்கிறார்கள். மக்கள் முதல்வர் தலைவர் தளபதி அவர்கள் கூறியபடி, “வாக்களிக்காதவர்கள்” மட்டும் அல்ல வாக்களித்தவர்களும் த.வெ.க.வின் தடுமாறும் கொள்ளை யர் ஆட்சியை எதிர்க்கிறார்கள். மாவட்டக் கழகத்தின் சார்பில் தலைமைக் கழக ஆணைகளை ஏற்று போர்க்களம் செல்ல இக்கூட்டம் என்றும் தயார் எனக் கூறி தீர்மானம் நிறைவேற்றப்
பட்டது.
இச்செயற்குழுக் கூட்டத்தில் மாவட்ட, ஒன்றிய, நகர,பேரூர்க் கழகச் செயலாளர்கள், சார்பு அணி நிர்வாகிகள் கலந்து கொண்டனர்.