#Title

‘தூயசக்தி’ த.வெ.க.வின் மாவட்டச் செயலாளர், முன்னாள் அமைச்சர் ‘குட்கா’ சி.விஜயபாஸ்கருக்கு அமலாக்கத்துறை சம்மன்! சொத்துக்குவிப்பு வழக்கில் நேரில் ஆஜராக உத்தரவு!

சென்னை, நவ. 4 –

வருமானத்திற்கு அதிகமாக 36 கோடி ரூபாய் அளவுக்கு சொத்து குவித்த வழக்கில் அ.தி.மு.க. முன்னாள் அமைச்சரும், தற்போதைய த.வெ.க. நிர்வாகியுமான சி.விஜயபாஸ்க ருக்கு அமலாக்கத்துறை சம்மன் அனுப்பியுள்ளது.

முந்தைய அ.தி.மு.க. ஆட்சியில் சுகாதார மற்றும் குடும்ப நலத்துறை அமைச்சராக இருந்தவரும், தற்போதைய த.வெ.க. நிர்வாகியுமான சி.விஜய பாஸ்கர், தான் பதவி வகித்த காலத்தில் வருமானத்துக்கு அதிகமாக சொத்து குவித்ததாக புகார் எழுந்தது. இதுதொடர்பாக வருமான வரித்துறை மற்றும் அமலாக்கத்துறை வழக்குப்பதிவு செய்து விசாரணை நடத்தி வருகிறது. விஜயபாஸ்கரின் வீடு உள்ளிட்ட இடங்களில் ரெய்டு நடத்தப்பட்டநிலையில், கடந்த 2024-ஆம் ஆண்டு விஜய பாஸ்கர் மற்றும் அவரது மனைவி ரம்யா ஆகிய இருவரிடமும் விசாரணை நடத்தப்பட்டது. அப்போது, அவர்களின் வாக்குமூலங்கள் பதிவு செய்யப்பட்டன.

இந்நிலையில், தனது குற்றப்பத்திரிகையில், வருமானத்திற்கு அதிகமாக 36 கோடி ரூபாய் அளவுக்கு சொத்து சேர்த்ததாக விஜயபாஸ்கார் மீது வருமான வரித்துறை புகார் தெரிவித்தது.

இதுதொடர்பாக சி.விஜய பாஸ்கருக்கு அமலாக்கத்துறை தற்போது மீண்டும் சம்மன் அனுப்பியுள்ளது. இதேபோல், அவரது மனைவி ரம்யாவுக்கும் சம்மன் அனுப்பப்பட்டுள்ளது. வரும் வெள்ளிகிழமை அன்று சென்னையில் உள்ள அமலாக்கத்துறை அலுவலகத்தில் நேரில் ஆஜராக வேண்டும் என தெரிவிக்கப்பட்டுள்ளது. 2026 சட்டமன்ற தேர்தலில் அ.தி.மு.க. சார்பில் போட்டியிட்டு வெற்றி பெற்ற சி.விஜயபாஸ்கர், தனது எம்.எல்.ஏ. பதவியை ராஜினாமாசெய்துவிட்டு த.வெ.க.வில் இணைந்தார் என்பது குறிப்பிடத்தக்கது.

தி.மு.க.

ஐ.டி., விங் விமர்சனம்!

இந்நிலையில், தி.மு.க. ஐ.டி. விங் நேற்று வெளியிட்டுள்ள சமூகவலைதளப் பதிவில், ‘‘இடைத்தேர்தல் வாக்கிற்காக புதுக்கோட்டைசென்ற டம்மியின் த.வெ.க washing machine-–ல் வெளுத்தும், குட்கா பாஸ்கரின் கரை போகவில்லை என ED சம்மன் அனுப்பியுள்ளது’’ என்று விமர்சித்துள்ளது.