திருப்பூர், நவ.4-–

திருப்பூரில் பின்ன லாடைத் தொழில் எதிர் கொண்டுள்ள நெருக்க டிக்குத் தீர்வு காண வலி யுறுத்தி, நவ.8 ஆம் தேதிக் குப் பிறகு கவன ஈர்ப்புப் போராட்டம் நடத்த அனைத்துத் தொழில் முனைவோர் கூட்டமைப்பி னர் முடிவு செய்துள்ளனர்.

அனைத்து தொழில் முனைவோர் கூட்டமைப்பு சார்பில் ஆலோசனைக் கூட்டம் திருப்பூரில் (31.10.2026) அன்று நடை பெற்றது. கூட்டத்துக்குத் தலைமை வகித்த திருப்பூர் ஏற்றுமதியாளர்கள் மற்றும் உற்பத்தியாளர்கள் சங்கத் தலை வர் எம்.பி.முத்து ரத்தினம் பேசிய தாவது:

திருப்பூரில் பின்னலாடை உற்பத்திக்குத் தேவையான நூல் உள்ளிட்ட மூலப் பொருட்களின் விலை உயர்வு, சாயமிடும் கட்டண உயர்வு ஆகியவற்றால் உற்பத்திச் செலவு 50 சதவீதத்துக்கும் மேல் அதிகரித்துள்ளது.

இதனால் வெளிநாட்டு மற்றும் உள்நாட்டுச் சந்தை களில் புதிய ஆர்டர்களைப் பெறுவதில் சிக்கல் ஏற்பட்டுள்ளது. சுமார் 10 லட்சம் தொழிலாளர் களுக்கு வேலை வாய்ப்பு அளித்து வரும் திருப்பூரில், 90சதவீதத்துக்கும் மேற் பட்ட நிறுவனங்கள் சிறு, குறு மற்றும் நடுத்தரத் தொழில் நிறுவனங்களாக உள்ளன.

ஏற்கெனவே 50 சதவீத நிறுவனங்கள் மூடப் பட்டுள்ள நிலையில், தொழிலாளர் பற்றாக்குறை மற்றும் பொருளாதார நெருக்கடி காரணமாக எஞ்சியுள்ள நிறுவனங்களும் மூடப்படும் அபாயத்தில் உள்ளன.