சென்னை, நவ.5–
சென்னை கிழக்கு மாவட்டக் கழக மகளிர் அணி – மகளிர் தொண்டரணி சார்பில், தீப ஒளித் திருநாளை முன்னிட்டு 1,100 மகளிர் அணி மற்றும் மகளிர் தொண்டரணி நிர்வாகிகளுக்குச் சிறப்புச்செய்யும் நிகழ்ச்சி, சென்னை வேப்பேரி, அனிதா பள்ளி வளாகத்தில் அமைந்துள்ள B.K.N. மஹாலில் சிறப்பாக நடைபெற்றது.
இந்நிகழ்ச்சியில் சென்னை கிழக்கு மாவட்டக் கழகச் செயலாளரும், மேனாள் அமைச்சருமான பி.கே. சேகர்பாபு எம்.எல்.ஏ. கலந்துகொண்டு, மகளிர் அணி மற்றும் மகளிர் தொண்டரணி நிர்வாகிகள் 1,100 பேருக்குப் புடவை, இனிப்பு, காரம், பட்டாசுகள் மற்றும் பரிசுப் பொருட்களை வழங்கிச் சிறப்பித்து, தீபஒளித் திருநாள் நல்வாழ்த்துகளைத் தெரிவித்தார்.
இந்நிகழ்ச்சியில் கழக மகளிர் அணிச் செயலாளர் ஹெலன் டேவிட்சன், சென்னை மாநகராட்சி மேயர் பிரியா ராஜன், கழகச் சட்டத்துறை இணைச் செயலாளர் கே.எஸ். இரவிச்சந்திரன், கழகச்செய்தித் தொடர்பு இணைச் செயலாளர்தமிழன் பிரசன்னா, கே.எஸ். எம். நாதன், சொ. வேலு, வி. சுதாகர், மாமன்ற உறுப்பினர்கள் புனிதவதி எத்திராசன், சரிதா மகேஷ்குமார், சுதா தீனதயாளன், ராஜேஸ்வரி ஸ்ரீதர், ஏ.பி. பூர்ணிமா,அ. நிர்மலா தேவி, டாக்டர் ஜி. சாந்தகுமாரி, எழும்பூர் வடக்கு – தெற்கு வட்டக் கழகச் செயலாளர்கள் வி. விஜயகுமார், ஆர். பாபு, டால்பின் எஸ். ஹரிகிருஷ்ணன், எஸ். ரசூல், எல். சுந்தர்ராஜன், வான்மதி கதிரவன், வி. அபாய், தி. தயாளன், த. பாலு, சு. மனோகரன், ஆர்.எம்.ரங்கநாதன், சி. சேகர் மற்றும் கழக முன்னணி யினர், மகளிர் அணி, மகளிர் தொண்டரணி நிர்வாகிகள் உள்ளிட்ட ஏராளமானோர் கலந்து
கொண்டனர்.
நிகழ்ச்சியில் பிரபல இசைக் கலைஞர்கள் கானா பாலா, இசைவாணி உள்ளிட்டோர் பல்வேறு பாடல்களைப் பாடி, மகளிர் அணியினரை மகிழ்வித்தனர்.
நிகழ்ச்சியில் பி.கே. சேகர்பாபு எம்.எல்.ஏ. பேசியதாவது:
“தமிழகத்தில் இன்று நடைபெற்றுக் கொண்டிருப்பது நரகாசுரன் ஆட்சி. புராணத்தில் நரகாசுரன் தேவர்களைக் கொடுமைப்படுத்தியதாகக் கூறப்படுகிறது. அதேபோன்று இன்றைய ஆட்சியில் கொடுமைகளை அனுபவித்துக் கொண்டிருப்பவர்கள் தமிழக மக்கள்தான்.
தமிழகத்தின் நரகாசுரனை எப்போது நாம் அழிக்கிறோமோ, அப்போதுதான் தமிழக
மக்களுக்கு உண்மையான தீபாவளி!
கடந்த முறை நடைபெற்ற கூட்டத்தில் 7ஆம் தேதி பேசிய மாமன்ற உறுப்பினர் மீது 19ஆம் தேதி வழக்குப் பதிவு செய்திருக்கிறார்கள். அதன்பிறகு அவர் உடல்நலக் குறைவால் சென்னை ஸ்டான்லி அரசு மருத்துவமனையில் சிகிச்சை பெற்று வந்தார்.
அவரைப் பாதுகாப்பது மாவட்டக் கழகச் செயலாளர் என்ற முறையில் என்னுடைய கடமை. அவரை மட்டுமல்ல, இங்கு கூடியிருக்கும் ஒவ்வொரு மகளிரையும் பாதுகாப்பதும் என்னுடைய கடமைதான்.
வழக்குகளைக் காட்டி எங்களை அச்சுறுத்திவிடலாம் என்று யாரும் நினைக்க வேண்டாம். கழக மகளிர் அணியினர் எதற்கும் அஞ்சாதவர்கள். இயக்கத்திற்காகவும் மக்களுக்காகவும் தொடர்ந்து களத்தில் நிற்பவர்கள்.
சென்னை கிழக்கு மாவட்டத்தில் இயக்கத்தைக் காக்கும் போர்ப்படைச் சிப்பாய்களாக விளங்கும் 1,100 உண்மையான சிங்கப்பெண் களுக்கு இன்று சிறப்புச் செய்யப்படுகிறது.
கழகத்தின் வலிமையாகவும், இயக்கத்தின் பாதுகாப்பு அரணாகவும் திகழும் மகளிர் அணியின
ருக்கு எனது தீப ஒளித் திருநாள் நல்வாழ்த்துகளைத் தெரிவித்துக் கொள்கிறேன்.”
இவ்வாறு பி.கே. சேகர்பாபு எம்.எல்.ஏ. பேசினார்.
தீப ஒளித் திருநாளை முன்னிட்டு நடைபெற்ற இந்நிகழ்ச்சியில் 1,100 மகளிர் நிர்வாகிகளுக்குப் புடவை, இனிப்பு, காரம், பட்டாசுகள் மற்றும் பரிசுப் பொருட்கள் வழங்கிச் சிறப்பிக்கப்பட்ட
துடன், இசை நிகழ்ச்சிகளும் நடைபெற்றதால் விழா உற்சாகமாக அமைந்தது.