கோவை,நவ.5–
மிரட்டலுக்கு பயந்து தி.மு.க. பின் வாங்கிய வரலாறே கிடையாது! என்றும், பெரியார் அறிவுலகம் தமிழ்நாட்டின் அடையாளம்! என்றும், கோவையில் – திராவிடர் கழகம் சார்பில் நடைபெற்ற பாராட்டு விழாவில் கழகத் தலைவர் மு.க.ஸ்டாலின் எழுச்சி உரையாற்றுகையில் குறிப்பிட்டார்.
திராவிட முன்னேற்றக் கழகத் தலைவர் மு.க. ஸ்டாலின் அவர்கள் கோயம்புத்தூர் – வ.உ.சி. மைதானத்தில்,
திராவிடர் கழகம் சார்பில் நடைபெற்ற, “பெரியார் அறிவுலகம் கண்ட திராவிட நாயகருக்கு நன்றி பாராட்டு விழா”வில் நேற்று (04–11–2026), ஆற்றிய உரை வருமாறு:
வந்ததிலிருந்து ஒரு மணிநேரமாக, நான் ஒருவிதமான மகிழ்ச்சியும் கூச்சமும் கலந்த மனநிலையில் அமர்ந்திருந்தேன். அந்த அளவிற்குப் பாராட்டித் தள்ளி விட்டீர்கள்! உணர்ச்சிப்பெருக்கோடு
நிற்கிறேன். என்ன பேசுவது என்று தெரியாத நிலையில் நின்று கொண்டிருக்கிறேன். அதிலும், நம் மானமிகு ஆசிரியர் அவர்கள், பாராட்டோடு சேர்த்து அன்பையும் பாசத்தையும் பொழிந்திருக்கிறார்! குழந்தைக்கு எப்படித் தாயின் முத்தமோ, அதுபோல திராவிட முன்னேற்றக் கழகத்திற்குத் தாய்க் கழகத்தின் அன்பு முத்தம் இது!
நம் திராவிட மாடல் ஆட்சியில் செய்த சாதனைக்காகப் பாராட்டியதாக எடுத்துக்கொள்வதை விட, இன்னும் பல சாதனைகளைப் படைக்க வேண்டும் என்று வழங்கப்பட்ட ஊக்கமாகவே இந்த விழாவை எடுத்துக்கொள்கிறேன். அதற்குத் தகுதியுள்ளவனாக என்னை மேலும் வளர்த்துக்கொள்வேன் என்று உங்களுக்கு முதலில் உறுதி தருகிறேன்.
அறிவுப் புரட்சியின்
அடையாளமாக நூலகங்கள்!
அறிவுப் புரட்சியின் அடை
யாளமாக விளங்கும் ஏராளமான நூலகங்களைத் தி.மு.க. ஆட்சிக் காலங்களில் அமைத்திருக்கிறோம். அதில் முக்கிய
மானதாக, கோவையின் புதிய அடையாளமாகப் ‘பெரியார் அறிவுலகம்’ கம்பீரமாக நிற்கிறது! அப்படிப்பட்ட பெரியார் அறிவுலகத்தை உருவாக்கியதற்காகப் பாராட்டு விழா நடத்தப்போகிறோம் என்று, நம்முடைய மானமிகு அய்யா ஆசிரியர் அவர்கள் அழைத்தார். மன்னிக்க வேண்டும், உத்தரவிட்டார். அய்யா ஆசிரியர் அழைத்து, நான் வராமல் இருக்க முடியுமா? நாம் செல்ல வேண்டிய பாதையைத் தீர்மானிப்பதே பெரியார் திடல்தான் என்று சொன்னவன் நான்!
தந்தை பெரியாருக்குப் பிறகு – அன்னை மணியம்மையாருக்குப் பிறகு – பெரியார் கொள்கையை மலைபோல் காத்து வருபவர்தான், நம் ஆசிரியர் அவர்கள்! இன்னும் சொல்லவேண்டுமென்றால், என்னையும் காத்தவர் ஆசிரியர்தான்! ஓராண்டு காலம் மிசா சிறைவாசத்தில் அவர் பாதுகாப்பில்தான் நான் இருந்தேன். ஏன், இப்போதும் நம்மை வீழ்த்த, என் மீது வீசப்படும் அவதூறுகளுக்கு, ஆதாரங்களோடு தக்க பதிலடி தந்து, அறிக்கைகள் வெளியிட்டு, அந்த விமர்சனத் தாக்குதல்களை
முறியடிக்கும் முதல் நபர் யார் என்று