சென்னை, நவ. 5 –
“‘டம்மி’ முதல்வரின் த.வெ.க. ஆட்சியில் மின் கொள்முதலில் மிகப் பெரிய ஊழல் நடைபெற்றுள்ளது. எனவே இதுகுறித்து வெளிப்படைத் தன்மை கொண்ட ஆணையம் விசாரிக்க வேண்டும்” என்று கழகத் தலைவர் மு.க.ஸ்டாலின் அவர்கள் கேரள அரசை மேற்கோள் காட்டி வலியுறுத்தியுள்ளார்.
கேரளம் மின் நெருக்கடியில் சிக்கித்தவிக்கும் வேளையில்,
கே.எஸ்.இ.பி. தலைவராக இருந்த எம்.ஜி.ராஜமாணிக்கம் திடீரென நீக்கப்பட்டது பெரும் சர்ச்சையை ஏற்படுத்தியது. சர்ச்சைக்குரிய மின் கொள்முதல்
கொள்கைக்கு அவர் எதிர்ப்பு
தெரிவித்ததே இதற்கு காரணம் எனக் கூறப்படுகிறது.
டெண்டர் கோராமல், GNA என்ற தனியார் இடைத்தரகர் நிறுவனம்மூலம் 500 மெகாவாட் மின்சாரத்தை24 மணி நேரமும் வாங்குவதற்கான ஒப்பந்தத்தை மேற்கொள்ளுமாறு உயர்மட்டத்தில் இருந்து ராஜ மாணிக்கத்திற்கு அழுத்தம் தரப்பட்டதாகவும் தகவல்கள் வெளியாகின.
இதுகுறித்து நேற்று (4-.11.-2026),கழகத் தலைவர் மு.க.ஸ்டாலின் அவர்களின் சமூக வலை தளப் பதிவு வருமாறு :–
“கேரளத்தைப் பற்றிய இந்தச்செய்தியில் நமக்கொரு பாடம் இருக்கிறது.
த.வெ.க. ஆட்சியில் ஒரு யூனிட்மின்சாரத்தை 35 ரூபாய், 37 ரூபாய், 41.50 ரூபாய் கொடுத்து வாங்குவது பற்றி மின்துறை அமைச்சர் பேசிக்கொண்டிருக்கும் இதே காலத்தில்கேரள அரசு ஒரு யூனிட்டை 14.50, 12.50 ரூபாய்க்கு வாங்கியிருப்பதே அதிக விலை என சர்ச்சையாகியுள்ளது.
அதைவிடவும் முக்கியமானது, ஒரு தனியார் நிறுவனம் தினமும் 500 மெகாவாட் மின்சாரத்தை ஒரு யூனிட் 8.64 ரூபாய்க்கு வழங்குவதற்கு கேரள அரசை அணுகியும், அதைப் புறக்கணித்த சர்ச்சையில் கேரள மின்வாரியத் தலைவர்
அப்பொறுப்பிலிருந்தே நீக்கப்பட்டுள்ளார்.
கேரளாவுக்கு கிடைக்கும்போது
த.வெ.க. அரசுக்கு சாத்தியமில்லாமல்போனது எப்படி?
நமக்கென்ன கேள்வியென்றால்,8.64 / 12.50 / 14.50 ரூபாய்களில் கேரளாவுக்கு மின்சாரம் கிடைக்கு மென்றால் த.வெ.க. அரசுக்கு ஏன் அது சாத்தியமில்லாமல் போனது?
இதில் எவ்வளவு பெரிய ஊழல் நடந்துள்ளது, யார் யார் இதில் சம்பந்தப்பட்டிருக்கிறார்கள் என விசாரிக்க வேண்டும்.
மின்துறை அமைச்சரின் கட்டுப்பாட்டில்தான் DVAC அமைப்பும் இருப்பதால் அவர்கள் இதை விசாரித்தால் உண்மை வெளி வராது. சுதந்திரமான, வெளிப்படைத்தன்மை கொண்ட ஆணையம் விசாரிக்க வேண்டும்.
இவ்வாறு கழகத் தலைவர்மு.க.ஸ்டாலின் அவர்கள் தமது சமூக வலை தளத்தில் பதிவிட்டுள்ளார்.