கோவை, நவ. 5 –
கோவை மாவட்டத்தில், மாநில நெடுஞ்சாலைத்துறை, திட்டப்
பிரிவு, நபார்டு பிரிவு போன்றவற்றில் ஆண்டிற்கு 70க்கும் மேற்பட்ட திட்டப்பணிகள் நடத்தப்பட்டு வந்தது. தமிழகத்தில் ஆட்சி மாற்றம் ஏற்பட்டதன் விளைவாக த.வெ.க. ஆட்சிக்கு வந்த பின்னர் பெரும்பாலான பிரிவுகள் இணைக்கப்பட்டது. கோட்டம் 1, 2 என பிரிக்கப்பட்டது. அலுவலக ரீதியான நடைமுறை மாறியமைக்கப்பட்டது. அதன் பின்னரும் நடப்பாண்டிற்குரிய திட்டப்பணிகள் சொற்ப அளவில் கூட துவங்கப் படவில்லை. மாவட்டத்தில் புதிய திட்டப்பணி கள் துவங்கப்படாமல் இருப்பதால் சாலை கட்டுமானங்கள் மேம்பாடு அடைய முடியாத நிலைமை இருக்கிறது.
மாவட்ட அளவில்வாகனங்களின் பெருக்கம்,ரோடு பழுது பிரச்சினை அதிகமாக இருக்கிறது. இரு வழிப் பாதையை நான்கு வழிப்பாதையாக மாற்ற வேண்டும், நான்கு வழிப் பாதையை ஆறு வழிப் பாதையாக மாற்ற வேண்டும் என்ற கோரிக்கை நீண்டகால மாக இருக்கிறது. இது பரிசீலிக்கப்படவில்லை. மாவட்ட சாலை, கிராம பகுதி சாலைகளை மேம்படுத்த வேண்டும் என்ற கோரிக்கையும் கிடப்பில் போடப்பட்டுள்ளது. மருதமலை ரோடு விரிவாக்கம் தவிர, வேறு எந்த வேலைக்கும் மாநில நெடுஞ்சாலைத்துறை ஒப்புதல் தரவில்லை.
பீளமேடு, கோல்டு வின்ஸ், நீலாம்பூர் மேம்பாலம் விரிவாக்கம் குழப்ப நிலையில் கிடக்கிறது. கோவை மாநகராட்சி சார்பில் பாதாள சாக்கடை, குடிநீர் பணிக்காக தோண்டப்பட்டு நாசமான சாலைகளை சீரமைக்க 40 கோடி ரூபாய் ஒதுக்கப்பட்டது. இந்த பணியும் துவக்கப் படவில்லை. இந்தநிலையில் மழை காரணமாக, பாதிப்பு மேலும் அதிகமாகிவிட்டது.
மாவட்ட அளவில் இதுவரை 17 நாட்கள் மழை பெய்துள்ளது. இதில், 200 கி.மீ முதல் 250 கி.மீ தூரம் வரை நெடுஞ்சாலைத்துறையின் சாலைகள் பள்ளமாகி தார் தளம் மோசமாகி விட்டது. சில இடங்க ளில் பாலங்களும்சேதமாகி விட்டது சாலைபணிகளுக்கு பல கோடி ரூபாய் நிதி எதிர் பார்த்து நெடுஞ்சாலைத் துறையினர் காத்திருக்கின்றனர். ஆனால், நிதி ஒதுக்கீடு செய்யப்படவில்லை.
கோவை மாநகரம், தொழில் நகர அந்தஸ்தில் இருந்தபோதிலும், சாலைகள் கட்டமைப்பில் முக்கியத்துவம் தரப்படவில்லை. சாலைகள் சிதைந்து வருவதால், தொழில்துறையினர் கடும் அதிருப்தி அடைந்துள்ளனர். உற்பத்தி செய்த பொருட்களை பாதுகாப்பாக கொண்டு செல்ல முடியாத நிலை இருக்கிறது.
நெடுஞ்சாலை ஆணையகத்தின் மதுக்கரை நிலாம்பூர் பைபாஸ் சாலை விரிவாக்க பணியும் துவங்கப் படவில்லை. இது திட்ட அறிக்கையுடன் முடங்கி கிடக்கிறது. தினமும் மாவட்டத்தின் பல்வேறு பகுதியில் தரமற்ற நெரிசல் மிக்க சாலைகளால் விபத்துக் கள் அதிகமாகி வருகிறது. தொழில் நகரம் விபத்து நகரமாக மாறிவிட்டது. சாலை பராமரிப்பு பணி, சீரமைப்பு நடத்த முடியாமல் நெடுஞ்சாலைத்துறை தள்ளாடி வருகிறது. சாலை கட்ட மைப்பை மேம்படுத்த போதிய நிதி ஒதுக்கினால் மட்டுமே பிரச்சினை களுக்கு தீர்வு காண முடியும்என்கிறார்கள் நெடுஞ்சாலைத்துறை அதிகாரிகள்.
திராவிட முன்னேற்றக் கழக மாணவர் அணி மண்டல ஆலோசனை கூட்டம் சென்னை, அண்ணா அறிவாலயத்தில் நேற்று மாநில செயலாளர் வீரமணி ஜெயகுமார் தலைமையில் நடைபெற்றது. சென்னை மேற்கு மாவட்ட செயலாளர் நே.சிற்றரசு கலந்து கொண்டு உரையாற்றினார். இக்கூட்டத்தில் பூர்த்தி செய்யப்பட்ட மாணவர் மன்ற உறுப்பினர் படிவங்களை மாவட்ட அமைப்பாளர் துபாய் வி.ஆர்.விஜய் மாவட்ட செயலாளர் நே.சிற்றரசு முன்னிலையில் மாநில செயலாளர் வீரமணி ஜெயகுமார் அவர்களிடம் வழங்கினார். உடன் மாணவர் அணி மாநில துணை செயலாளர் ராமகிருஷ்ணன், மாணவர் அணி மாவட்ட துணை அமைப்பாளர்கள் உடனிருந்தனர்.