நெல்லை, நவ.5–
நெல்லை மேற்கு மாவட்டம் விக்கிரமசிங்க புரம் நகர தி.மு.க சார்பில் நடைபெறயிருக்கும் அம்பாசமுத்திரம் சட்டமன்ற தொகுதி இடைத்தேர்தல் சம்பந்தமாக பொது உறுப்பினர்கள் கூட்டம் (02-–11–-2026) அன்று விக்கிரம
சிங்கபுரம் மெயின் ரோடு குருபாலா திருமண மண்டபத்தில் நகர அவைத்தலைவர் சு.அதியமான் தலைமையில் நகர இளைஞரணி அமைப்பாளர் செல்வ சுரேஷ் பெருமாள், நகர பொருளாளர் பெ.இரவி, மாவட்ட பிரதிநிதிகள் இசக்கி பாண்டியன், சு.பிரபாகரன்,நகர துணை செயலாளர் கள் ஐயப்பன்,செல்வகுமாரி ஆகியோர் முன்னிலையில் நடைபெற்றது.நகர செயலாளர் கி.கணேசன் வரவேற்புரை யாற்றினார்
இந்நிகழ்வில் நெல்லை மேற்கு மாவட்ட பொறுப்பாளர் இரா.ஆவுடையப்பன் பங்கேற்று விரைவில் நடைபெறயிருக் கும் அம்பாசமுத்திரம் சட்டமன்ற தொகுதி இடைத்தேர்தல் குறித்து கழக நிர்வாகி களுக்கு ஆலோசனைகள் வழங்கி பேசியதாவது .
அம்பாசமுத்திரம் சட்டமன்ற தொகுதிக்கு இடைத்தேர்தல் எதற்காக வருகிறது என்று இங்கு கருத்து கூறியவர்கள் அருமையாக எடுத்துரைத்தார்கள்.இடைத்தேர்தல் எதற்கு வர வேண்டுமோ,அதற்கு மாறாக வந்துள்ளது.அதற்கு காரணம் இந்தத் தொகுதியில் போட்டியிட்டு வெற்றி பெற்ற இசக்கி சுப்பையா, தேர்தல் முடிந்து 20 நாளில் தனது சட்டமன்ற உறுப்பினர் பதவியை ராஜினாமா செய்துவிட்டு மீண்டும் வந்து இசக்கி சுப்பையா உங்களிடம் ஆதரவு கேட்டுவருவது நாம் அனைவரையும் அவர் ஏமாளிகள் என்று நினைக்கிறார்.சில ஊர்களில் அவரை பொதுமக்கள் விரட்டியதாக பத்திரிக்கை மற்றும் ஊடகங்களில் பார்த்தோம்.
நடைபெற்ற சட்டமன்றத் தேர்தலில் அம்பாசமுத்திரம்,ஆலங்குளம் தொகுதிகளில் நாம் கடுமையாக உழைத்து வெற்றிக்கு பாடுபட்டோம்.
ஆலங்குளம் தொகுதியில் வெற்றி பெற்றோம்.இங்கு காங்கிரஸ் வேட்பாளர் 6000 வாக்கில் தோல்வியடைந்தார்.நாம் தான் அவருக்காக உழைத்தோம்.கூட்டணி கட்சிகள் ஒத்துழைப்பு கொடுக்கவில்லை.
அதில் சிலகட்சிகள் இன்று நம்மிடமும் இல்லை.தற்போது இந்த த.வெ.க.ஆட்சி அறிவித்த என்ன திட்டங்களை செய்துள்ளது.நம் கழகத் தளபதியார் அவர்கள் கொண்டு வந்த திட்டங்களை பெயர்களை மாற்றி செயல்படுத்தி வருகிறார்கள்.அம்பாசமுத்திரம் தொகுதியில் வெள்ளபாதிப்பு இல்லாத போதிலும் ரூபாய் 6000 ம் கொடுத்தது நம் தளபதிஅவர்கள், கோடைகாலத்தில் ரூபாய் 5000,ம் கொடுத்ததும் நம் தளபதி அவர்கள்தான்.தி.மு.க.மாதிரி ஆட்சியில் சாதனை செய்த கட்சியும் கிடையாது, ஆட்சியும் கிடையாது.தற்போது நாம் மாற்றத்தால் ஏமாந்து தான் இருக்கிறோம்.
கழக ஆட்சியின் போது திட்டங்கள் என்றால் அது தலைவர் கலைஞர் அவர்களும்,திராவிட மாடல் நாயகர் அன்புத் தளபதியார் அவர்களும் தான்.
இங்கு பெண்கள் அதிகமாக வந்திருக்கிறீர்கள் கழக அரசின் திட்டங்கள் அனைத்துமே பெண்களுக்காக தான்.அந்தத் திட்டங்களை நீங்கள் அனுபவித்து உள்ளீர்கள்.பலனடைந்தும் உள்ளீர்கள்.
இந்த இடைத்தேர்தலில் நீயா,நானா என்ற உணர்வோடு செயல்பட வேண்டும். நடந்து முடிந்த தேர்தலில் இசக்கி சுப்பையா பணம் கொடுத்து ஓட்டு வாங்கியதாக தேர்தல் கமிஷன் அவர் மீது வழக்கு போட்டுள்ளது.அவர் நிற்க முடியாது என்று கூட அறிவிப்பு வரலாம்.
தேர்தல் கமிஷன் போட்ட வழக்கில். ஆகவே கழக தலைவர் அவர்கள் அறிவிக்கும் வேட்பாளரை வெற்றி பெறச் செய்ய நாம் உழைக்க வேண்டும். மீண்டும் அம்பாசமுத்திரம் தொகுதி கழகத்தின் கையில் இருக்க வேண்டும்.
இவ்வாறு அவர் பேசினார்.
நிகழ்வில் தலைமை செயற்குழு உறுப்பினர் ஆ.பிரபாகரன்,மாநில தொண்டரணி துணைச் செயலாளர் ஆவின் ஆறுமுகம்,மாநில விவசாய தொழிலாளரணி துணை செயலாளர் கணேஷ் குமார் ஆதித்தன்,மாவட்ட துணைச் செயலாளர்கள் மாஞ்சோலை மைக்கேல், தமயந்தி,ஒன்றிய செயலாளர்கள் பரணி சேகர், ஜெகன், முத்துக் கிருஷ்ணன், மாவட்ட ஊராட்சி உறுப்பினர் தவசுபாண்டியன்,மாவட்ட அணி அமைப்பாளர்கள் ஜெ.செல்வ சூடாமணி (வழக்கறிஞரணி) பிரேம் ஆனந்த் (தகவல் தொழில்நுட்ப அணி. சு.க.நெடுஞ் செழியன் (கலைஇலக்கிய பகுத்தறிவு பேரவை) நெல்லை மணி (இலக்கிய அணி) திலகா சிற்றரசன் (நகர்மன்ற துணை தலைவர்) பிரகாஷ் அமைப்பு சாரா ஓட்டுனர் அணி) அருண் மாவட்ட விவசாய தொழிலாளரணி துணை அமைப்பாளர் ஆறுமுகம் உள்பட அணி துணை அமைப்பாளர்கள் வார்டு செயலாளர்கள்,நகர்மன்ற உறுப்பினர் கள்,நகர இளைஞரணி துணை அமைப்பாளர்கள்,நகர தகவல் தொழில்நுட்ப அணியினர், நகர மாணவரணியினர்,மகளிரணியினர்
வார்டு கழக பிரதிநிதிகள், கழக முன்னணியினர் மற்றும் கழக முன்னோடிகள் கலந்து கொண்டனர்.
நிகழ்ச்சி நிறைவில் 13 வது வார்டு செயலாளர் ராஜேந்திரன் நன்றியுரை ஆற்றினார்.