கோவை, நவ. 6 –
கோவையில் ‘திராவிட மாடல்’ ஆட்சியில்கட்டப்பட்ட ‘பெரியார்அறிவுலக’த்தை பார்வையிட்ட கழகத் தலைவர் மு.க.ஸ்டாலின் அவர்கள் செய்தியாளர்களுக்கு அளித்த பேட்டி யில், “மாணவர்கள் – இளைஞர்கள் ‘பெரியார் அறிவுலக’த்தைப் பயன் படுத்தி தங்களது அறிவுத்திறனை வளர்த்திட வேண்டும்” என்று வேண்டுகோள் விடுத்தார்.
கோவையில் நேற்று முன்தினம் (4.-11.-2026), திராவிடர் கழகத்தின் சார்பில் நடைபெற்ற“பெரியார் அறிவுலகம் கண்ட திராவிட நாயகருக்கு நன்றி பாராட்டு விழா” நிகழ்வில் பங்கெடுப்பதற்காகச் சென்றிருந்த திராவிட முன்னேற்றக் கழகத் தலைவர் மு.க.ஸ்டாலின் அவர்களுக்கு, மாவட்டக் கழகத்தின் சார்பில்உற்சாக வரவேற்பு வழங்கப்பட்டது. அதனைத் தொடர்ந்து, கழகத் தலைவர் அவர்கள் கோவை மாவட்டக் கழகப் புதிய அலுவலகக் கட்டடப் பணி
களுக்கு அடிக்கல் நாட்டினார்.
பின்னர், திராவிடர் கழகத்தலைவர் ஆசிரியர் அய்யா அவர்களுடன் பெரியார் அறிவுலகத்தைப் பார்வையிட்டபின் கழகத் தலைவர் அவர்கள் செய்தியாளர்களைச் சந்தித்து அளித்த பேட்டி வருமாறு : –
கேள்வி:
உங்கள் கனவுத்
திட்டம் எப்படி வந்திருக்கிறது?
கழகத் தலைவர் மு.க.ஸ்டாலின்:
திராவிட மாடல் அரசின் கனவுத் திட்டமான தந்தை பெரியார்பெயரில் அமைந்திருக்கும் இந்தஅறிவுலகத்தை, ஏற்கனவே நான் பார்த்திருந்தாலும், அது முழுமையடைந்து திறந்து வைக்கப்பட்டதற்குப் பிறகு, இன்று நம்முடைய அய்யா ஆசிரியர் அவர்களோடு பார்க்கும் ஒரு அரிய வாய்ப்பு எனக்கு கிடைத்தது.
அதிகம் கூட்டம் இருந்த காரணத்தால், நாங்கள்பொறுமையாக அனைத்தையும் பார்க்க முடியாதஒரு சூழ்நிலை. அதனால், இன்னொருமுறை நிச்சயமாக இதை முழுமையாக பார்க்க வேண்டும் என்ற ஆசை என்னுடைய உள்ளத்தில் தோன்றியிருக்கிறது.
எனவே, இந்த நேரத்தில் நான் கேட்டுக் கொள்ள விரும்புவது, இன்றைக்கு தமிழ்நாடு போய்க்கொண்டிருக்கும் ஒரு சூழ்நிலையில்,திராவிட இயக்கம் என்றால் என்ன? திராவிடம் என்றால் என்ன? தந்தை பெரியாரின் உணர்வுகள் என்ன? அவருடைய லட்சியங்கள் என்ன? என்பதை அறிந்து கொள்ள, இளை ஞர்கள், மாணவர்கள் இதை நல்ல வகையில் வந்து பார்த்து, உங்களுடைய அறிவுத் திறனை வளர்த்துக் கொள்ள வேண்டும் என்ற என்னுடைய அன்பான வேண்டுகோளை, இந்த நேரத்தில் நான் தெரிவித்துக் கொள்கிறேன்.
கேள்வி:
இனி தமிழ்நாட்டில் இதுபோன்ற நூலகங்கள் வர வாய்ப்பிருக்கிறதா?
மு.க.ஸ்டாலின்:
ஏற்கனவே தி.மு.க. ஆட்சியில்தான் கலைஞர் முதலமைச்சராக இருந்தபோது, கோட்டூர்புரத்தில் அண்ணா
நூற்றாண்டு நூலகத்தை உருவாக்கினார்.
இதுபோன்று மற்ற
நூலகங்களும் வரவேண்டும்!
அதற்குப் பிறகு, தமிழ்நாட்டில் என்னுடைய தலைமையில்
திராவிட மாடல் ஆட்சி அமைந்ததற்குப் பிறகு, மதுரையில் கலைஞர் பெயரால் நூற்றாண்டு நூலகம் அமைக்கப்பட்டது. அதைத் தொடர்ந்து, நெல்லையில் காயிதே மில்லத் பெயரால் ஒரு நூலகம் அமைக்கப்பட உத்தரவிடப்பட்டிருக்கிறது. திருச்சியில் பெருந்தலைவர் காமராஜர் பெயரில் நூலகம் அமைப்பதற்கான பணிகள்
ஓரளவு நடந்து முடிந்திருக்கிறது. விரைவில் திறக்கப்படும் என்று நான் கருதுகிறேன்.
கோவையில் தந்தை
பெரியார் பெயரில் அமைந்திருக்கும் இந்த நூலகத்தைப் பொறுத்தவரைக்கும், 99 சதவீதப் பணிகள்முடிந்துவிட்டது. ஒருவேளை, பாதியில் இருந்தால், இதற்கும் இந்த அரசு மூடுவிழா நடத்தியிருந்தா லும் ஆச்சரியப்படுவதற்கு இல்லை. நல்லவேளை இது
தப்பித்திருக்கிறது. அதேபோன்று மற்ற நூலகங்களும் வர வேண்டும் என்ற என்னுடைய விருப் பத்தை உங்கள் மூலமாக நான் தெரிவித்துக் கொள்கிறேன்.
இவ்வாறு கழகத் தலைவர் மு.க.ஸ்டாலின் அவர்கள் பேட்டியளித்தார்.