தூத்துக்குடி, நவ. 6 –
சிறு ஒப்பந்ததாரர்களைப் புறக் கணித்து கார்ப்பரேட் நிறுவனங்களுக்கு ரூ.18,000 கோடி டெண்டர் வழங்கியுள்ளதாக ஒப்பந்ததாரர்கள் சங்கம் குற்றம் சாட்டியுள்ளது.
தமிழ்நாடு பொதுப்பணித்துறை மற்றும் நீர்வளத்துறை ஒப்பந்ததாரர்கள் சங்கத்தின் மதுரை மண்டலக் கூட்டம், தூத்துக்குடியில் நடைபெற்றது. மண்டலத் தலைவர் கருப்பசாமி தலைமை வகித்தார். இதில் 100க்கும் மேற்பட்ட ஒப்பந்ததாரர்கள் கலந்து கொண்டனர்.
பின்னர் சங்கத்தின் மாநிலப் பொதுச்செயலாளர் சுரேஷ்குமார், நிருபர்களிடம் கூறியதாவது :–
கடந்த மாதம் 16ம் தேதி முதன்மைத் தலைமைப் பொறியாளர் செந்தில் வெளியிட்ட புதிய அரசாணை ஒப்பந்ததாரர்களைப் பாதிக்கும் வகையில் உள்ளது. இதில் ஒப்பந்ததாரர்களின் வகுப்புகள் நான்காகக் குறைக்கப்பட்டுள்ளன. முதல் வகுப்பு ஒப்பந்ததாரர்கள் ரூ.1.50 கோடி வங்கி உத்தரவாதம் செலுத்த வேண்டும் எனக் குறிப்பிடப்பட்டுள்ளது.
இந்த நடைமுறை சிறு ஒப்பந்ததாரர்களின் வாழ்வாதாரத்தைப் பாதித்து, கார்ப்பரேட் நிறுவனங்கள் மட்டுமே பயனடையும் சூழலை ஏற்படுத்தும்.
த.வெ.க. ஆட்சிக்கு வந்ததும் புதிய மாற்றம் ஏற்படும் என எதிர்பார்த்தோம். ஆனால், ஆட்சிப் பொறுப்பேற்ற 15
நாட்களிலேயே சுமார் 4,000 உள்ளூர் ஒப்பந்ததாரர்களைப் புறக்கணித்து,
எல் அண்ட் டி போன்ற பெரு நிறுவனங்களுக்கு ரூ.18,000 கோடி மதிப்பிலான ஒப்பந்தங்கள் த.வெ.க. அரசால்
வழங்கப்பட்டு உள்ளன.
மாநில அளவில்
போராட்டம்!
ஊழலற்ற ஆட்சி எனக் கூறும்
தமிழக அரசு, ஒப்பந்ததாரர்களைப் பாதிக்கும் இத்தகைய நடவடிக்கைகளை மேற்கொள்வது வேதனையளிக்கிறது. தமிழகத்தில் சுமார் 4,000ஒப்பந்ததாரர்கள், அவர்களைச் சார்ந்த 40,000 குடும்பங்கள் மற்றும் 4 லட்சம் தொழிலாளர்களின் வாழ்வாதாரம்
இத்துறையை நம்பியுள்ளது.
எனவே நிலுவையில் உள்ள
ஒப்பந்தப் பணிகளுக்கான தொகையை அரசு விரைந்து வழங்க வேண்டும். சிறு ஒப்பந்ததாரர்களைப் பாதிக்கும் புதிய அரசாணையை உடனடியாகத் திரும்பப் பெற வேண்டும். இல்லை
யெனில், ஒப்பந்ததாரர்களின் வாழ்வா தாரத்தைப் பாதுகாக்க மாநிலம் தழுவிய அளவில் பெரிய போராட்டங்களை நடத்த வேண்டிய நிலை ஏற்படும்.
இவ்வாறு அவர் கூறினார்.