சென்னை, நவ.6–
5 ஆயிரம் கோடி ரூபாய் மோசடி வழக்கில் பிஎல்எம் ஹவுசிங் மற்றும் கிரெடிட் சொசைட்டி தலைவர் பிரேம்குமார் தொடர்புடைய இடங்களில் அமலாக்கத்துறையினர் சோதனை நடத்தி வருகின்றனர்.
முதியவர்கள் மற்றும் பொதுமக்கள் முதலீடு செய்த டெபாசிட் தொகைகளுக்கு அதிக வட்டி தருவதாகக் கூறி ஏமாற்றியதாகவும், அந்தப் பணத்தை முதலீட்டாளர்களுக்குத் திருப்பித் தராமல் தனது சொந்த கணக்குகளுக்கும், உறவினர்களின் கணக்குகளுக்கும் திசைதிருப்பியதாக வும் பிஎல்எம் ஹவுசிங் மற்றும் கிரெடிட் சொசைட்டி தலைவர் பிரேம்குமார் மீது வழக்கு பதிவு செய்யப்பட்டுள்ளது.
காஞ்சிபுரத்தில் சுமார் 300 ஏக்கர் நிலம் வாங்கியது, ஹோட்டல்கள், ரிசார்ட்டு கள், திரையரங்குகள் உள்ளிட்ட தொழில்களில் முதலீடு செய்தது, தமிழக கேபிள் டிவி நிறுவனத்துக்கு 16 கோடி ரூபாய் பணப் பரிமாற்றம் செய்தது உள்ளிட்டவை குறித்தும் கேரள குற்றப்பிரிவு போலீசார் விசாரணை நடத்தி வருகின்றனர்.
இந்த வழக்கு தொடர்பாக கேரள பொருளாதார குற்றத்தடுப்பு போலீசார் சென்னையில் வைத்துகடந்த அக்டோபர் 29 அன்றுபிரேம்குமாரை கைது செய்தனர். இதன் தொடர்ச்சியாக பிரேம் குமார் மீது அமலாக்கத்துறையும் வழக்குப்பதிவு செய்து விசாரணையைத் தீவிரப்படுத்தி யுள்ளது.
இந்நிலையில், சென்னையில் பிரேம்குமார் தொடர்புடைய இடங்களில் அமலாக்கத்துறை அதிகாரிகள் சோதனை நடத்தி வருகின்றனர். கடந்த ஜூலை 2026-ல்பிரேம்குமார் தமிழக முதல்வர் விஜய்யைச் சந்தித்த புகைப்படம் வெளியானது. மேலும், பிரேம் குமாருக்குச் சொந்தமான நிறுவனத்தின் பேருந்துகள் தவெகவின் பல்வேறு நிகழ்ச்சிகளுக்குப் பயன்படுத்தப்பட்டுள்ளன. சட்டமன்றத் தேர்தல் முடிந்து சட்டமன்றத்தில் நடைபெற்ற நம்பிக்கை வாக்கெடுப்பின் போது, தவெக சட்டமன்ற உறுப்பினர்கள், பிரேம்குமாருக்குச் சொந்தமான பேருந்து களிலேயே அழைத்து வரப் பட்டது குறிப்பிடத்தக்கது.
ஒய்.பி.எம். பாலாஜி
அலுவலகத்திலும் சோதனை!
இதனிடையே முதலமைச்சர்விஜய் முதல், அமைச்சர்கள் வரை நெருங்கிய தொடர்புடைய ஒய்.பி.எம். பாலாஜி யின் கோயம்பேடு அலுவலகத்திலும் அமலாக்கத்துறையினர் சோதனை நடத்தி வருகின்றனர். 5 ஆயிரம் கோடி ரூபாய் மோசடி வழக்கில் கைது செய்யப்பட்டுள்ள பிரேம்குமாரின் தொழில் பங்குதாரராக இருப்பவர் ஒய்.பி.எம். டிரான்ஸ் போர்ட் நிறுவன உரிமையாளர் பாலாஜி என்பது குறிப்பிடத்தக்கது.