சென்னை, நவ. 7 –
முரசு புயலில் சிக்கி உயிரிழந்த மீனவர்களின் குடும்பத்தினரை சந்திக்க வந்த அமைச்சர் மரியவில்சனை மீனவர்கள் முற்றுகையிட்டு வாக்குவாதத்தில் ஈடுபட்டனர்.
கடந்த 29ஆம் தேதி சென்னை காசிமேடு மீன்பிடித் துறைமுகத்தில் இருந்து செல்வழகன் என்பவருக்கு சொந்தமான விசைப்படகில் ஆழ்கடலுக்கு 9 மீனவர்கள் மீன் பிடிக்கச் சென்றனர். கரைதிரும்பவேண்டிய மீனவர்கள் திரும்பாததால்அவர்களை கண்டுபிடித்துதரக்கோரி, காசி மேடு மீனவர்கள் கடந்த இரண்டு தினங்களுக்கு முன்பு சாலை மறியல் போராட்டத்தில் ஈடுபட்டனர். இதனிடையே, ஆந்திர மாநிலம் பிரகாசம் மாவட்டம் கொத்தாபுரம் அருகே மீனவர் களின் உடல்கள் கரை ஒதுங்கியுள்ளன. இதனைத் தொடர்ந்து, மீனவர்க ளின் குடும்பத்தாரை நேரில் சந்திக்க வந்த
ஆர்.கே.நகர் தொகுதி த.வெ.க. உறுப்பினரும் நிதி அமைச்சருமான மரிய வில்சனை மீனவர்கள் முற்றுகையிட்டு வாக்குவாதத்தில் ஈடுபட்டனர். விசைப் படகில் தண்ணீர் ஏறுகிறது காப்பாற்றுங்கள் என்றுவயர்லெஸ் மூலமாக மீனவர்கள், மீன்வளத் துறை அதிகாரியிடம் தெரிவித்தும் கூட, அதிகாரிகள் துரிதமாக செயல்படவில்லை என அவர்கள் குற்றம் சாட்டினர். த.வெ.க. அரசு மீனவர்களை காப்பாற்றஎந்தவித நடவடிக்கையும் எடுக்கவில்லை என்றும், கரை ஒதுங்கிய உடலைக்கூட அதிகாரிகள் கண்டுபிடிக்காமல், ட்ரோன் விட்டு பார்க்கிறோம் என்று கூறியதாக வும் அவர்கள் குற்றம் சாட்டினர்.