சென்னை, நவ. 7 –
த.வெ.க. அரசு தொடர்ந்து கடன் வாங்குவதால், அச்சம் அடைந்துள்ள அரசு ஊழியர்கள், விருப்ப ஓய்வு கேட்டு, அதிகளவில் விண்ணப் பித்து வருவதாக, தகவல் வெளியாகி உள்ளது.
தமிழக அரசு துறைகளில் ஒன்பது லட்சத்திற்கும் அதிகமான அரசு ஊழியர்கள் பணிபுரிகின்றனர். இவர்களுக்கு ஊதியம் உள்ளிட்ட சலுகைகள், மனிதவள மேலாண் மைத் துறை வாயிலாக வழங்கப்படுகின்றன. அரசு ஊழியர்களின் ஓய்வு வயது 60 ஆகும். பல்வேறு துறைகளில், ஊழியர்கள் பற்றாக்குறை உள்ளதால், தற்போது பணிபுரிவோருக்கு, கூடுதல் பணிச்சுமை ஏற்பட்டுள்ளது. அரசுத் துறைகளில் மூன்று லட்சம் பணியிடங்களை நிரப்ப வேண்டியுள்ளது.
ஆனால், அரசின் நிதி நெருக்கடி காரணமாக, காலி பணியிடங்களை நிரப்புவதில் சிக்கல் நிலவுகிறது.
கடந்த தி.மு.க., ஆட்சியில், மார்ச் மாத நில வரப்படி, அரசின் கடன் சுமை 10 லட்சம் கோடி ரூபாயாக இருந்தது. த.வெ.க., அரசு பொறுப்பேற்ற பின், கடந்த மே மாதத்தில் இருந்து, ஜூன் வரை, 20 ஆயிரத்து 881 கோடி ரூபாய் கடன் பெறப்பட்டது. அக்டோபர் மாதம் வரை கடன் பெறுவது, இரண்டு மடங்கு அதிகரித்துள்ளதாக நிதித்துறை கூறி யுள்ளது.
எனவே, கடன்சுமை மேலும் அதிகரிக்க வாய்ப்புள்ளது. இதனால், அரசு ஊழியர்களுக்கான பென்ஷன் உள்ளிட்ட பணி ஓய்வு பலன்கள் கிடைக்குமா என்ற சந்தேகம் எழுந்துள்ளது. பணிச்சுமை உள்ளிட்ட காரணங்களால், விருப்ப ஓய்வில் செல்ல விருப்பம் தெரிவித்து அரசிடம் மனு கொடுப்போர் எண்ணிக்கை அதிகரித் துள்ளது.
விருப்ப ஓய்வில் செல்வதற்கான மனு கொடுத்து, 90 நாட்களுக்கு பின்னரே, அந்த மனு மீது நடவடிக்கை எடுக்கப்படும். அதுவரை மனுவை திரும்பப் பெற அவகாசம் வழங்கப்படும். தலைமைச் செயலகத்தில் மட்டும், நீர்வளத்துறை கூடுதல் செயலர் தொடங்கி, 25-க்கும்மேற்பட்டோர் விருப்ப ஓய்வு கேட்டு மனு அளித்துள்ளனர்.
மாநிலம் முழுவதும் நுாற்றுக்கணக்கானோர் மனு அளித்துள்ளனர். பணிச்சுமை, பழைய ஓய்வூதிய திட்டம் செயல்படுத்தாதது, அரசின் நிதி நிலைமை உள்ளிட்ட காரணங்களால், பலரும் அரசு பணியிலிருந்து வெளியேற விரும்பும் நிலையில், புதிதாக ஆட்களை தேர்வு செய்யமுடியாது என்பதால், அரசு ஊழியர்களின் ஓய்வு வயதை உயர்த்த, அரசு ஆலோசித்து வருவதாகவும் தகவல் வெளியாகியுள்ளது.