#Title

விண்ணை முட்டும் அரிசி விலை உயர்வால் மக்கள் கடும் பாதிப்பு! அரசு வழங்கும் சொற்ப பணத்தில் அரிசி வாங்க முடியாமல் திணறல் மீண்டும் ரேஷன் கடை மூலம் தரமான அரிசி வழங்க வேண்டும்! புதுச்சேரி அரசுக்கு அமைப்பாளர் இரா.சிவா வலியுறுத்தல்!

புதுச்சேரி, நவ. 7 –

புதுச்சேரி மாநிலத்தில் அதிகரித்து வரும் அரிசி விலையே ற்றத்தால் கடுமையான பொருளாதார நெருக்கடிக்கு ஆளாக்கப்பட்டு உள்ள பொதுமக்களுக்கு வங்கிக் கணக்கில் சொற்பத் தொகையை செலுத்துவதை தவிர்த்து, மக்களுக்கு தேவையான தரமான அரிசியை நேரடியாக வழங்க புதுச்சேரி அரசு உடனடி நடவடிக்கை எடுக்க வேண்டும் புதுச்சேரி மாநில திமுக வலியுறுத்தி உள்ளது.

இது தொடர்பாக மாநில திமுக அமைப்பாளரும், மேனாள் எதிர்க்கட்சித் தலைவருமான இரா. சிவா அவர்கள் விடுத்துள்ள செய்தி அறிக்கையில் கூறியிருப்பதாவது: –

புதுச்சேரி முதலமைச்சர் ரங்கசாமி அவர்களின் அரசு, நிலுவையில் இருந்த 6 மாதங்களுக்கான இலவச அரசிக்கு பதிலாக பயனாளிகளின் வங்கிக் கணக்குகளில் பணத்தை வரவு வைத்துள்ளதாக அறிவித்துள்ளது. 10 ஆண்டுகளுக்கு முன்பு விலைவாசியின் அடிப்படையில் ரூ. 43க்கு ஒரு கிலோ அரிசி ரேஷன் கடைகள் மூலம் வழங்கப்பட்டது. பின்னர் ரேஷன் அரிசியில் ஊழல் நடந்ததால் அரிசிக்கு பதில் பணம் வழங்கப்படுகிறது. தற்போதைய வெளிச்சந் தை யில் ரூ. 80 முதல் ரூ. 100 வரை அரிசி விலையும், அத்தியாவசியப் பொருட்களின் விலையும் விண்ணைத் தொடும் அளவிற்கு அதிகரித்துள்ளதை அரசு கவனத்தில் கொள்ளாமல் இருப்பது வருத்தம் அளிக் கிறது. விலைவாசி உயர்வை அரசு கட்டுப்படுத்த தவறியதால் ஏழை, எளிய மக்களின் வாழ்வாதாரம் பெரிதும் பாதித்துள்ளது.

இத்தகைய மிகக் கடுமையானவிலைவாசி உயர்வுக்கு இடையில், அரசு வழங்கும் இந்த மிகக்குறைந்த தொகை பொதுமக்களின் ஒரு வாரக் காலத் தேவைக்கு கூடப் போதுமானதாக இருக்காது. அதனால் தான் எதிர்க்கட்சிகள் அரிசி விநியோ கத்தை முழுமையாக நிறுத்திவிட்டு, பணமாக வழங்குவது ஏழை, எளிய மற்றும் நடுத்தர மக்களின் வாழ்வாதாரத்தை பறிக்கும் செயல் என்றும் இது ஏழை மக்களுக்கான அரசு இல்லை என்றும் தொடர்ந்து குற்றம் சுமத்தி வருகிறது.

மக்களுக்கு இலவசமாக அரிசி வழங்கினால் ஆண்டுதோறும் விலைவாசி அதிகரிப்புக்கு ஏற்ப டெண்டர் மாற்றி அமைக்கப்படும். ஆனால் பல ஆண்டுகளுக்கு முன்பு எடுக்கப்பட்ட முடிவின் அடிப்படையில் டெண்டர் விடப்படுவதால் அதை எடுப்பவர்களும் விலைவாசி உயர்வால் எடுத்த டெண்டரை ரத்து செய்து விடுகின்றனர். இதனால் அரிசி காலத்தோடு கிடைக்காமல் மக்கள் ஏமாற்றம் அடைகின்றனர். மேலும், அதிகரித்து வரும் அரிசி விலையேற்றத்தால் பொதுமக்கள் கடுமையான பொருளாதார நெருக்கடிக்கு ஆளாக்கப்பட்டு உள்ளனர் என்பதை அரசு உணர வேண்டும்.

சென்ற பாராளுமன்றத் தேர்தலில் பரப்புரைக்குச் சென்ற முதல்வர் ரங்கசாமியை கிராமந்தோறும் மக்கள் முற்றுகையிட்டு ரேஷனில் அரிசிபோட வேண்டுமென்று முழக்கமிட்ட போது, இனி கட்டாயம் அரிசி போடுவேன் என்று வாக்குறுதி அளித்த முதல்வர் ரங்கசாமி இவ்வாண்டு துக்கம் முதல் அரிசி போடுவதை நிறுத்தி உள்ளது அந்த மக்களுக்கு அளித்த வாக்குறுதிகளை மீறிய செயலாகும்.

ஆகவே. புதுச்சேரி அரசு ஏழை, எளிய மற்றும் நடுத்தர மக்களின் வாழ்வாதாரத்தை கணக்கில் கொண்டு, வங்கிக் கணக்கில் பணம் செலுத்தும் முறையைக் கைவிட்டு, நியாயவிலைக் கடைகள் மூலமாக தரமான அரசியை மக்களுக்கு நேரடியாக வழங்க வேண்டும். அப்படிச் செய்தால் மக்களும், வாழ்வாதாரத்தை இழந்து நிற்கும் ரேஷன் கடை ஊழியர்களும் பயன்பெறுவார்கள். ஒருவேளை நிர்வாகக் காரணங்களால் அரிசி வழங்கத் தாமதமானால், தற்போதைய கடுமையான விலைவாசி அதிகரிப்புக்குஏற்ப விலையை ஒட்டி கூடுதல் தொகையை மக்கள் வங்கிக் கணக்குகளில் உடனடியாக செலுத்த வேண்டும். மேலும் தற்போது மார்ச் முதல் ஆகஸ்ட் வரையிலான பணம் செலுத்தும்போது மீதமுள்ள செப்டம்பர், அக்டாபர், நவம்பர் மாதத்திற்கான பணத்தையும் சேர்த்து வழங்கினால் தீபாவளி பண்டிகையை கொண்டாட உள்ள மக்களுக்கு பேருதவியாக இருக்கும் என்பதை இந்த அரசுக்கு சுட்டிக்காட்ட விரும்புகிறேன்.

அதேபோல், இந்த ஆண்டுக்கான தீபாவளி தொகுப்பாக குடும்ப அட்டை தாரர்களுக்கு சூரியகாந்தி சமையல் எண்ணெய் 2 லிட்டர், சர்க்கரை 2கிலோ, கடலைப் பருப்பு 1 கிலோ, ரவை மற்றும் மைதா தலா அரை கிலோ என ரூ. 700 மதிப்புள்ள 5 பொருட்கள் வழங்கப்படும் என்று அறிவிப்பு செய்து, அதற்கான பணிகள் வழக்கம்போல் கதிர்காமம், தட்டாஞ்சாவடி, இந்திரா நகர் தொகுதிகளில் விநியோகம் செய்யப்பட்டுள்ளது. ஆனால் மீதி உள்ள தொகுதிகளில் இன்னும் தீபாவளி தொகுப்பு வழங்கும் பணி தொடங்கப்படவில்லை. தீபாவளி பண்டிகைக்கு இன்னும் ஒரு தினமே உள்ள நிலையில் அனைத்து ரேஷன் கடைகளுக்கும் தீபாவளி தொகுப்பு செல்லாமல் இருப்பதற்கு என்ன காரணம்?. கடந்த ஆண்டு தீபாவளிக்கு வழங்கிய தொகுப்பு பொங்கல் பண்டிகை வரை கொடுக்கப்பட்டது. இந்தாண்டும் அதே நிலை தொடருமா? என்று மக்கள் கேள்வி எழுப்புகின்றனர். அரசு தீட்டும் திட்டத்தை உடனடியாக செயல்படுத்தாமல் காலம் தாழ்த்துவது யார்?. இரட்டை என்ஜின் அரசில்யாருக்கு அதிகாரம் என்ற போட்டி இன்னும் தொடர்கிறதா? அரசு உத்தரவிட்டும் அதிகாரிகள் காலதாமப்படுத்துகிறார்களா? அப்படி என்றால் அதிகாரி கள் மீது ஏன் அரசு நடவடிக்கை எடுக்கவில்லை. எப்பொழுதும்போல் முதல்வர் அலட்சியமாக இருக்கக் கூடாது. பண்டிகைக்கு வழங்கப்படும் பொருட்கள் காலத்தோடு மக்களைச் சென்றடையச் செய்ய வேண்டும் என்பதே எங்களின் எண்ணம். ஆகவே, தீபாவளி தொகுப்பு காலத்தோடு மக்களுக்கு கிடைக்க உரிய நடவடிக்கை மேற்கொள்ள இந்த அரசை வலியு றுத்துகிறேன்.