நெல்லை மேற்கு மாவட்டம் சேரன்மகாதேவி மேற்கு ஒன்றிய தி.மு.க. சார்பில் அம்பாசமுத்திரம் சட்டமன்றத் தொகுதி இடைத்தேர்தல் சம்பந்தமாக பொது உறுப்பினர்கள் கூட்டம் புதுக்குடி மெயின் ரோடு மீனாட்சி மகாலில் ஒன்றிய அவைத் தலைவர் வெங்கடேசன் தலைமையில் மாவட்ட பிரதிநிதிகள் பூதத்தான்,சீவலமுத்து என்ற குமார், ஒன்றிய துணைச் செயலாளர்கள் சொரிமுத்து,பிரேமா,கண்ணன், பொருளாளர் சின்னத்துரை ஆகியோர் முன்னிலையில் நடைபெற்றது. சேரன்மகாதேவி மேற்கு ஒன்றிய செயலாளர் எம்.முத்துகிருஷ்ணன் வரவேற்றார்.இந்நிகழ்வில் நெல்லை மேற்கு மாவட்ட பொறுப்பாளர் இரா. ஆவுடையப்பன் பங்கேற்று கருத்துக்களை கேட்டறிந்து அம்பை சட்டமன்றத் தொகுதி இடைத்தேர்தலில் வெற்றி பெறுவது குறித்து பல்வேறு ஆலோசனைகளை வழங்கி விரிவான உரையாற்றினார். உடன் ஆ.பிரபாகரன், கணேஷ் குமார் ஆதித்தன், மைக்கேல், செல்வ சூடாமணி (வழக்கறிஞரணி) பிரேம்குமார் (தகவல் தொழில்நுட்ப அணி) சாலமன் டேவிட் உள்பட அணி அமைப்பாளர்கள்,பேரூர் செயலாளர்கள்,ஒன்றிய குழு உறுப்பினர்கள்,கிளை கழக செயலாளர் கள்,ஒன்றிய இளைஞரணி நிர்வாகிகள், கழக நிர்வாகிகள் உட்பட கழகத்தினர் பலர் கலந்து கொண்டனர். நிகழ்ச்சி நிறைவில் மாவட்ட அயலக அணி அமைப்பாளர் பீர்முகம்மது நன்றி கூறினார்.