ப
ண்டிகைக் காலங்களில் சென்னை போன்ற பெரிய நகரங்களிலிருந்து பொதுமக்கள் தங்கள் சொந்த ஊருக்குப் பெருமளவில் செல்வது வழக்கம். விடுமுறைக்கால பயண வசதிக்கேற்ப அவர்களுக்கான பேருந்துகளை ஏற்பாடு செய்ய வேண்டியது போக்குவரத்துத் துறையின் கடமை. எந்தெந்த வழித்தடங்களில் அதிகமான பேருந்துகள் தேவைப்படுகின்றன என்பதைக் கவனித்து அதற்கேற்ப உடனுக்குடன வசதி களைச் செய்து தந்தால்தான் பொதுமக்கள் நிம்மதியாக ஊர்ப் போய்ச் சேர முடியும். இதில் கட்டணக் கொள்ளையையும் தடுக்க வேண்டிய கடமை போக்குவரத்துத் துறைக்கு உள்ளது.
தி.மு.க ஆட்சிக்காலங்களில் போக்குவரத்துத் துறை அமைச்சர்களாக இருந்த முனைவர் பொன்முடி, திரு.கே.என்.நேரு, திரு.எஸ்.எஸ்.சிவசங்கர் ஆகியோர் தீபாவளிப் பண்டிகை நேரங்களில் சென்னை கோயம்பேடு, கிளாம்பாக்கம் பேருந்து முனையங்களிலும் மற்ற இடங்களிலும விடிய விடியப் பார்வையிட்டு, உரிய வகையில் பேருந்து ஏற்பாடு
களைச் செய்து தருவார்கள்.
தொடர்ந்து வந்த ஆட்சியாளர்களும் அதைக் கடைப்பிடிக்க வேண்டிய தாயிற்று. அரசு போக்குவரத்துக் கழகப் பேருந்துகளைத் தேவையான அளவு இயக்குவதுடன், தனியார் ஆம்னி பஸ்களின் கட்டணக் கொள்ளையைத் தடுக்கின்ற நடவடிக்கைகளும் மேற்கொள்ளப்படும். மக்களுக்கு தனியார் பஸ்களின் தேவையின்றி, அரசு சார்பிலேயே நவீன வசதிகள் கொண்ட பேருந்துகளை இயக்கி அவரவர் ஊர்களுக்குப் போகச் செய்தது திராவிட மாடல் அரசு.
தற்போதைய ஆட்சி எல்லாவற்றிலும் தலைகீழாக இருக்கிறது. பண்டிகைக்கால விடுமுறை நாட்களாக இருந்தாலும், வார இறுதியிலான தொடர் விடுமுறை நாட்களாக இருந்தாலும் அரசுப் பேருந்துகள் போதிய அளவில் இயக்கப்படவில்லை என்று பொதுமக்கள் தொடர்ந்து குற்றஞ்சாட்டி வருகிறார்கள். தி.மு.க. ஆட்சிக்காலத்தில் இத்தகைய புகார்கள் நேரடியாகவோ சமூக வலைத்
தளங்களிலோ வெளிப்பட்டால் சம்பந்தத்ப்பட்ட துறையின் அமைச்சர், அதிகாரிகள் உடனடியாகத் தலையிட்டு, தேவையான அளவில் பேருந்து வசதிகளைச் செய்து தரு வார்கள். தீபாவளி நேரத்தில் கிளாம்பாக்கம் பேருந்து முனையத்தில் கடைசிப் பயணி தன் ஊருக்குப் புறப்படும்வரை அங்கேயே இருந்து பேருந்து வசதிகளைக் கவனித்து, வழியனுப்பிவிட்டுக் கிளம்பியவர் திராவிட மாடல் அரசின் போக்குவரத்து துறை அமைச்சர் எஸ்.எஸ்.சிவசங்கர் அவர்கள்.
த.வெ.க ஆட்சியில் பண்டிகை விடுமுறைக் காலங்களில் போதிய பேருந்து வசதிகள் இல்லை என்று புகார்கள் வெளிப்பட்டால், இந்த அரசு உரிய நடவடிக்கை எடுப்பதில்லை. மாறாக, பொதுமக்கள் ஊருக்குப் போன பிறகு மறுநாள் த.வெ.க.வின் சமூகவலைத்தளக் கூலியாட்கள் பேருந்து நிலையங்க ளுக்குச் சென்று, “பாருங்கள்.. கூட்டமே இல்லை. பஸ் காலியாகத்தான் இருக்கிறது” என்று வீடியோ எடுத்து ரீல்ஸ் போடுகிறார்கள். பழியை எதிர்க்கட்சிகள் மீதும் பொதுமக்கள் மீதும் போடுகிறார்கள். ஆட்சியின் அவலட்சணத்தை ரீல்ஸ் மேக்கப் போட்டு மூடி மறைக்கப் பார்க்கிறார்கள். போக்குவரத்துத் துறை அமைச்சராக உள்ள தமிழன் பார்த்தீபன் யாருக்காக வேலை பார்க்கிறார் என்பதே புரியவில்லை.
ஓர் இளைஞர் தனது ஊருக்கான பஸ் வசதி கேட்டு அமைச்சரிடம் முறையிட்ட போது, “தம்பி.. நீ சாப்பிட்டிருக்கே.. நான் இன்னும் சாப்பிடல” என்று சம்பந்தமில்லாமல் பேசினார். அதன்பின், “டிக்கெட் ரிசர்வ் செய்துள்ள பயணிகள் காத்திருங்க. ரிசர்வ் செய்யாதவங்க வண்டியில ஏறுங்க” என்று உல்டாவாக முறையை மாற்றி அறிவித்தார். தற்போது தீபாவளி பண்டிகை நேரத்தில், தனியார் ஆம்னி பேருந்துகளின் அநியாயக் கட்டணக் கொள்ளை குறித்து பயணிகள் பலரும் புகார் தெரிவித்துள்ள நிலையில், அது தொடர்பான நடவடிக்கைகளை மேற்கொள்வதற்குப் பதிலாக, ஆம்னி பஸ் உரிமையாளர் போல அவர்களுக்கு புரமோஷன் கொடுத்துப் பேசியிருக்கிறார்.
“ஆம்னி பஸ்ஸில் ஸ்லீப்பர் இருக்கிறது. அதனால் தூங்குவதற்கு வசதி இருக்கிறது. ஏ.சி இருக்கிறது. ஸ்க்ரீன் க்ளாத் இருக்கிறது. தண்ணீர் பாட்டில் தருகிறார்கள். ஸ்நாக்ஸ் தருகிறார்கள்” என்று த.வெ.க அமைச்சர் பேசியதைக் கேட்ட ஊடகத்தினர், இவர் மந்திரியா? ஆம்னி பஸ் ஓனரா? என்று அதிர்ச்சியடைந்து விட்டார்கள். ஒரு நிருபர், “நீங்க சொல்ற வசதிகள் தீபாவளிக்காகச் செய்யப்பட்டதல்ல. ஆம்னி பஸ்களில் எப்போதும் அந்த வசதிகள் இருக்கிறது. ஆனால், பண்டிகைக் காலங்களில் மட்டும் ஏன் அதிகக் கட்டணம் வசூலிக்கிறார்கள்?” என்று கேட்டதற்கு த.வெ.க அமைச்சரிடம் தடுமாற்றமே பதிலாக வெளிப்படுகிறது. மக்களுக்கான பேருந்துச் சேவையை ஏற்படுத்திக் கொடுக்க வேண்டிய த.வெ.க அரசு யாருக்கான ஏஜன்ட்டாகச் செயல்படுகிறது?
பேருந்து வசதிகள் தொடர்பான பிரச்சினையில் மட்டுமல்ல. மக்களின் அன்றாடத் தேவைகள் எதுவாக இருந்தாலும், தமிழ்நாட்டில் தொடர்ந்து அதிகரித்து வரும் குற்றச்செயல்களாக இருந்தாலும் த.வெ.க. அரசு தனது சமூக வலைத்தளக் கூலியாட்களை வைத்து, பாதிக்கப்பட்டவர்கள் மீதே பழிபோடும் வேலையைத்தான் செய்து வருகிறது. விஜய் முதலமைச்சரான இரண்டு வாரத்திற்குள்ளாக கோவை சூலூர் பகுதியில் ஒரு சிறுமி பாலியல் தொல்லைக்குள்ளாக்கப்பட்டு, கொலை செய்யப்பட்டார். தமிழ்நாடே அந்தக் கொடூரச் செய்தியறிந்து பதறியது. தன்னை தாய்மாமன், அண்ணன் என்றெல்லாம் தானாகவே சொல்லிக்கொள்ளும் விஜய்யிடமிருந்து வெற்று அறிக்கை வந்தது. அதே நேரத்தில், அவருடைய கட்சியினர் சமூக வலைத்தளங்களில் இந்தப் பிரச்சினையைத் திசை திருப்பும் வகையில், பாலியல் தொல்லைக்குள்ளாகி இறந்துபோன சிறுமியின் தாய் மீது அவதூறுகளைப் பரப்பும் வேலைகளை மட்டுமே செய்து கொண்டிருந்தார்கள்.
கோவை சூலூர் சிறுமிக்கு நேர்ந்த கொடூரத்திற்குப் பிறகு பல ஊர்களிலும் சிறுமிகள், பெண்கள், மூதாட்டிகள் என அனைத்து வயது மகளிரும் தொடர்ந்து பாலியல் தொல்லைகளுக்குள்ளாகி வருகிறார்கள். சில குற்றங்களில் த.வெ.க.வினர் நேரடியாகவும், சிலவற்றில் மறைமுகமாகவும் தொடர்புடையவர்களாக இருக்கிறார்கள். உரிய நடவடிக்கைகளை விஜய் அரசு எடுப்பதில்லை. திண்டி வனம் அருகே செஞ்சியில் ஒரு சிறுமி காணாமல் போய் 25 நாட்கள் கடந்துவிட்டது. உள்ளூர் போலீஸ் விசாரணை, சி.பி.சி.ஐ.டி. போலீஸ் விசாரணை எனக் காலத்தைக் கடத்துகிறார்களே தவிர, துப்பு எதுவுமில்லை.
பொதுமக்களை மின்வெட்டு வாட்டி வதைக்கிறது. இரவு நேரங்களில் தூங்க முடிய வில்லை. பகல் நேரத்தில் மின்விசிறி தொடங்கி, மின்சாரத்தால் இயங்கக்கூடிய சாதனங்களை இயக்க முடியவில்லை. அதனைக் கவனித்து சரி செய்ய வேண்டியது த.வெ.க அரசின் கடமை. மின்துறைக்குப் பொறுப்பு வகிக்கும் கலெக்ஷன் குமார் எனப்படும் அமைச்சர் நிர்மல்குமார் தன்னுடைய பொறுப்பை மறந்துவிட்டு, “இது தி.மு.க. வினரின் சதி. மின்வாரியத்தில் வேலை பார்க்கும் தி.மு.க.வைச் சேர்ந்த ஊழியர்கள் கரண்ட் கட் செய்து விடுகிறார்கள். டிரான்ஸ்பார்மர்களில் உள்ள ஃப்யூஸ் கட்டைகளைத் தி.மு.க.வினர் திருடிக் கொண்டு போய் விடுகிறார்கள்” என்று அருவருக்கத்தக்கப் பொய்ப் பழிகளைச் சுமத்தினாரே தவிர, இன்றுவரை சீரான மின்சார விநியோகத்
திற்கு த.வெ.க அரசு எந்த நடவடிக்கையும் உருப்படியாக எடுக்கவில்லை.
அண்டை மாநிலமான கேரளாவும் ஆந்திராவும் தங்களுக்குத் தேவையான மின்சாரம் குறித்து கணக்கிட்டு, முன்கூ கூட்டியே அதற்கான ஏற்பாடுகளை மேற்கொண்டு, குறைந்த விலையில் மின்சாரத்தைக் கொள்முதல் செய்யும் நிலையில், தமிழ்நாட்டை ஆளும் த.வெ.க அரசு இதுவரை எந்த மாநிலத்திலும் இல்லாத அளவில் மிக அதிகப்படியான விலைக்கு மின்சாரத்தை வாங்கும் நிலைமைக்குச் சென்றிருக்கிறது. இது பற்றிக் கேட்டாலும், எது பற்றிக் கேட்டாலும், ‘தி.மு.க.. தி.மு.க… தி.மு.க..’ என்றுதான் கலெக்ஷன் குமார் பதில் சொல்கிறாரே தவிர, மக்களின் அன்றாட இயக்கத்திற்கு அத்தியாவசியமான மின்துறை தன் பொறுப்பில் இருப்பதைப் பற்றித் துளியும் அக்கறையில்லை.
தலை எந்தத் திசையில் ஆடுகிறதோ அதே திசையில் உடம்பும் வாலும் ஆடுகிறது. விஜய் எதற்கெடுத்தாலும் தி.மு.க மீது பழி போட்டார். எப்போது மேடை ஏறினாலும், அல்லது எப்போதாவது மேடை ஏறினாலும் தி.மு.க மீது பழி போடுவதுதான் அவரது ஒரே ஸ்கிரிப்ட். அவருடைய அமைச்சர்கள், எம்.எல்.ஏக்கள் கட்சி நிர்வாகிகள் அத்தனை பேருக்கும் அதே ஸ்கிரிப்ட்தான். தங்களிடம் சிக்கிக் கொண்டிருக்கும் ஆட்சியின் கரங்களில் தமிழ்நாட்டு மக்கள் சிக்கி சின்னா பின்னமாகிக் கொண்டிருக்கிறார்கள் என்பதைப் பற்றிய கவலையே கிடையாது.
த.வெ.க. ஆட்சியின் சீர்கேடுகளால் பாதிக்கப்பட்டவர்களின் குடும்பத்தினர், போராடும் மாணவர்கள், கோரிக்கைகளை வலியுறுத்தும் அரசு ஊழியர்கள், வாக்குறுதிகளை நிறைவேற்றக் கோரும் விவசாயிகள், பேருந்து வசதிகள் கோரும் பயணிகள் உள்ளிட்ட பொதுமக்கள் மீதே பழிபோடப்படுகிறது. மக்களைப் பலிகடாக்களாக்கிவிட்டு, யாருக்காக இவர்கள் ஆட்சி நடத்துகிறார்கள்?