சென்னை, நவ. 8–
பொதுமக்கள் முதலீடு செய்த டெபாசிட் தொகைகளுக்கு அதிக வட்டி தருவதாகக் கூறி ஏமாற்றியதாக, BLM ஹவுசிங் மற்றும் கிரெடிட் சொசைட்டி தலைவர் பிரேம்குமார் மீது வழக்குப் பதிவு செய்யப்பட்டுள்ளது. காஞ்சிபுரத்தில் 300 ஏக்கர் நிலம் வாங்கியது, ஹோட்டல்கள், ரிசார்ட்டுகள், திரையரங்குகள் உள்ளிட்ட தொழில்களில் முதலீடு செய்தது குறித்து பிரேம்குமாரை சென்னையில் வைத்து கேரள போலீசார் அண்மையில் கைது செய்தனர். பணபரிமாற்றம் தொடர்பாக, பிரேம்குமார் மீது அமலாக்கத்துறையும் வழக்குப்பதிவு செய்து விசாரணையை தீவிரப்படுத்தியுள்ளது.
இதையடுத்து, எர்ணாகுளம், கோழிக்கோடு, திருச்சூர், திருவனந்த புரம், மூணார் உள்ளிட்ட பிரேம்குமார் தொடர்புடைய பல்வேறு இடங்களில் அமலாக்கத்துறை அதிகாரிகள் தொடர் சோதனை நடத்தினர். இதேபோன்று, சென்னை கோயம்பேட்டில் YBM டிரான்ஸ்போர்ட் நிறுவனத்திலும் அமலாக்கத்துறை சோதனை நடத்தி பல்வேறு ஆவணங்களை கைப்பற்றியது. பணமோசடி தடுப்புச் சட்டத்தின் கீழ் மேற்கொள்ளப்பட்ட இந்த நடவடிக்கையில், மோசடி செய்த பணத்தை 320 வங்கி கணக்குகளுக்கு பிரேம்குமார் மடைமாற்றம் செய்திருப்பது கண்டுபிடிக்கப்பட்டுள்ளதாக அமலாக் கத்துறை கூறியுள்ளது.
மேலும், இந்த சோதனையில் பிரேம்
குமாருக்கு சொந்தமான 7 கோடி ரூபாய் மதிப்புள்ள 8 சொகுசு கார்கள், 9 கோடியே 60 லட்சம் ரூபாய் மதிப்புள்ள 7,400 கிராம் தங்க நகைகள், 80 கோடி ரூபாய் மதிப்புள்ள பங்குகள், 5 கோடி ரூபாய் மதிப்புள்ள அசையா சொத்துகள் மற்றும் ஒரு கோடியே 86 லட்சம் ரூபாய் வங்கி இருப்புத் தொகைகள் முடக்கப் பட்டுள்ளதாகவும் அமலாக்கத்துறை குறிப்பிட் டுள்ளது.
த.வெ.க. ஆட்சியாளர்களுக்கு நெருக்கமானவராக கூறப்படும் பிரேம்குமார் கடந்த ஆண்டு ஜூலை முதலமைச்சர் விஜய்யைச் சந்தித்த புகைப்படமும் வெளியானது. மேலும், பிரேம் குமாருக்குச் சொந்தமான நிறுவனத்தின்பேருந்துகள் த.வெ.க.வின் பல்வேறு நிகழ்ச்சிகளுக்குப் பயன்படுத்தப்பட்டுள்ளன. சட்டமன்றத் தேர்தல் முடிந்து சட்ட மன்றத்தில் நடை பெற்ற நம்பிக்கை வாக்கெடுப்பின் போது, த.வெ.க. சட்டமன்ற உறுப்பினர்கள் பிரேம்
குமாருக்குச் சொந்தமான பேருந்துகளிலேயே அழைத்து வரப்பட்டதாகவும் தகவல் வெளியானது. இந்நிலையில், த.வெ.க. ஆட்சியாளர்களுக்கு நெருக்கமான பிரேம்
குமாருக்கு சொந்தமான 103 கோடி ரூபாய் சொத்துக்களை முடக்கி அமலாக்கத்துறை அதிரடி நடவடிக்கை எடுத்துள்ளது அரசியல் வட்டாரத்தில் பரபரப்பை ஏற்படுத்தியுள்ளது.