தூத்துக்குடி, நவ. 10–
தூத்துக்குடி அருகே கடலில் விழுந்து மாயமான மீனவர் பலியானார்.
கரை ஒதுங்கிய உடலை மீட்டு உடற்கூராய்வுக்கு அனுப்பி வைக்கப்பட்டுள்ளது.
கடலில் விழுந்த மீனவரை மீட்க அதிகாரிகள் நடவடிக்கை எடுக்கவில்லை என த.வெ.க. அரசு மீது குற்றச்சாட்டி மீன்வளத்துறை அலுவலகத்தை உயிரிழந்த மீனவரின் உறவினர்கள் முற்றுகையிட்டனர்.
தூத்துக்குடி அருகே, கடலில் தவறிவிழுந்து மாயமான மீனவரின் உடல், கரை ஒதுங்கிய நிலையில், அவரது குடும்பத்திற்கு உரிய நிவாரணம் வழங்க வேண்டும் என உறவினர்கள் கோரிக்கை விடுத்துள்ளனர்.
தூத்துக்குடி விசைப்படகு மீன்பிடி துறைமுகத்திலிருந்து, மீன்பிடி தொழிலுக்குச் சென்று கரை திரும்பிக் கொண்டிருநத விசைப்படகில் இருந்து, மட்டக்கடை பகுதியைச் சேர்ந்த தம்பிராஜ், தவறி கடலில் விழுந்தார். படகிலிருந்த சக மீனவர்கள், இரண்டு விசைப்படகுகள் மூலம் கடலில் விழுந்து மாயமான தம்பி ராஜைதேடினர். மீன்வளத்துறை அதிகாரிகளுக்கு தகவல் அளித்தும், மாயமான மீனவரை தேடுவதற்கு நடவடிக்கை எடுக்கவில்லைஎன புகார்கள் எழுந்தன. இந்நிலையில் மாயமான மீனவரின் உடல், தூத்துக்குடி புதிய துறைமுகம் பகுதியில் கரை ஒதுங்கியது. இதையடுத்து, போலீசார் உடலை மீட்டு பிரேத பரிசோதனைக்கு அனுப்பினர். இதனிடையே, மீன்வளத்துறை அலுவலகத்தை முற்றுகையிட்ட மீனவர் தம்பிராஜின் உறவினர்கள், மீனவரை மீட்க அதிகாரிகள் எந்தவிதமான நடவடிக்கையும் எடுக்கவில்லை என குற்றம்சாட்டினார். மீனவரின் குடும்பத்திற்கு உரிய இழப்பீடு வழங்கவேண்டும் என்றும் வலியுறுத்தினர்.