சென்னை, நவ. 10 –
த.வெ.க. ஆட்சியில் சட்டம் ஒழுங்கு எந்த அளவிற்கு படுபாதாளத்திற்குச் சென்றுவிட்டது என்பதை நிரூபிக்கும் வகையில், தீபாவளி நாளான்று, தமிழ்நாட்டில் 15 படுகொலை சம்பவங்கள் அரங்கேறி பொதுமக்களை அதிர்ச்சிக்குள்ளாக்கியுள்ளது.
மக்களின் வீடுகளில் விளக்கேற்றி, பட்டாசு கள் வெடித்து, இனிப்புகள் வழங்கி மகிழ்ச்சியோடு கொண்டாடப்பட வேண்டிய தீபாவளி பண்டிகை நாள், தமிழ்நாட்டில் கண்ணீரிலும் பயங்கரமான ரத்த வெள்ளத்திலும் நனைந்து போயுள்ளது. தமிழகத்தில் சட்டம்-ஒழுங்கு நிலைமை மிகவும் மோசமடைந்து விட்டதாகவும், ரவுடிகளுக்கும் சமூக விரோதிகளுக்கும் காவல்துறையின் மீதான பயம் துளியும் இல்லாமல் போய்விட்டது என்றும் எதிர்க்கட்சிகளும் பொதுமக்களும் தொடர்ச்சியாகக் குற்றம்சாட்டி வருகின்றனர்.
இந்த நிலையில், அதை நிரூபிக்கும் வகையில் நேற்று முன்தினம் தீபாவளி பண்டிகையன்று ஒரே நாளில் மட்டும் மாநிலத்தின் பல்வேறு மாவட்டங்களில் சிறப்பு காவல் உதவி ஆய்வாளர் உட்பட 15 பேர் கொடூரமாகப் படுகொலை செய்யப்பட்டுள்ள சம்பவம் ஒட்டுமொத்தத் தமிழகத்தையுமே உறைந்து போகச் செய்துள்ளது. பண்டிகை நாளில் கூட மக்களுக்குப் பாதுகாப்பு அளிக்க முடியாத அளவிற்கு ஆட்சி நிர்வாகமும் காவல் துறையும் முடங்கி விட்டதா என்ற கொந்தளிப்பு எழுந்துள்ளது.
பண்டிகை நாளில்
அரங்கேறிய 15 கொலைகள்!
தேனியில் சாலையை மறித்து பட்டாசு வெடித்து ரீல்ஸ் எடுத்த போதை கும்பலை, தட்டிக்கேட்ட சிறப்பு உதவி ஆய்வாளர் செந்தில்குமார் அடித்துக்கொலை செய்யப்பட்டார்.
திருச்சி மாவட்டம் சமயபுரம் சுங்கச்சாவடி அருகே ராகுல், விஷால் ஆகிய 2 சிறுவர்கள் கொடூரமாக வெட்டிக்கொலை செய்யப்பட்டார்.
இதேபோல், சமயபுரம் அருகே புறத்தாக்குடியில் பட்டாசு வெடிப்பதில் ஏற்பட்ட மோதலில் ஐ.டி.ஊழியர் கிறிஸ்டோபர் என்பவர் ஸ்பேனரால் குத்திக்கொலை செய்யப்பட்டார். சென்னை பெரம்பூர் தொகுதிக்குட்பட்ட வியாசர்பாடியில் தனுஷ் எனும் 18 வயது இளைஞர் ஓட ஓட வெட்டிக்கொலை செய்யப்பட்டார்..
கடலூர் மாவட்டம் பெரிய கட்டுப்பாளையத்தில் மது அருந்தும் போது ஏற்பட்ட தகராறில் பிரிதிவிராஜ் என்ற 26 வயது இளைஞர்
குத்திக் கொலை செய்யப்பட்டார்.
சிவகங்கை முருகபாஞ்சான் கிராமத்தில் விக்னேஷ் என்ற இளைஞரும், சிவகங்கை மாவட்டம் கல்லல் அருகே 25 வயதான நவீன் என்பவரும் மர்ம கும்பலால் ஓட ஓட விரட்டிக் கொலை செய்யப்பட்டனர்.
திருவள்ளூர் மாவட்டம், பென்னலூர்பேட்டை காப்புக்காடு பகுதியில் மணிமேகலை எனும் 24 வயது பெண் கழுத்தறுத்துக் கொலை செய்யப்பட்டார். நெல்லை மாவட்டம் முக்கூடல் அருகே பாப்பாபட்டியில் வனோபி என்ற பெண் படுகொலை செய்யப்பட்டார்.
திண்டுக்கல் மாவட்டம் வேடசந்தூர் அருகே சுவேதா என்ற பெண் கழுத்தில் வெட்டி படுகொலை செய்யப்பட்டார். கள்ளக்குறிச்சி மாவட்டம் தியாகதுருகம் அருகே நின்னை யூரில் முன்விரோதம் காரணமாக பாலசுப்ர மணியன் என்பவர் படுகொலை செய்யப்பட்டார்.
பெரம்பலூர் அருகே நொச்சியம் கிராமத்தில் 50 வயதான ரவி என்பவர் படுகொலை செய்யப்பட்டார்.
காஞ்சிபுரம் திருகாலிமேடு நேதாஜி நகரைச் சேர்ந்த பார்த்திபன் என்பவர் தலையில் கல்லை போட்டு கொடூரமாக கொலை செய்யப்பட்டார். அவரது உடல் திருகாலிமேடு அருகே ரயில்வே தண்டவாளம் அருகே மீட்கப்பட்டது.
விருதுநகர் அருகே பாலவனத்தம் கிராமத்தில் தீபாவளி நாளன்று மது அருந்தும்போது ஏற்பட்ட தகராறில் அன்பு செல்வம் எனும் 25 வயது இளைஞர் கீழே தள்ளி கழுத்தில் மிதித்து கொலை செய்யப்பட்டார்.
இதன்மூலம் தீபாவளி நாளன்று
தமிழ்நாட்டில் ஒரே நாளில் அரங்கேறிய
படுகொலைகளின் எண்ணிக்கை 15ஆக
அதிகரித்தது.
தீபாவளி நாளன்று, ஒரே நாளில் 15
படுகொலைகள் அரங்கேறியிருப்பது தமிழ்நாட்டையே அதிர்ச்சியில் ஆழ்த்தியுள்ளது.
த.வெ.க. ஆட்சியில் சட்டம் ஒழுங்கு முற்றிலும் சீர்குலைந்து கொலை சம்பவங்கள் நாளுக்கு நாள் அதிகரித்து வருவதால் மக்கள் அச்சத்தில் உறைந்துள்ளனர்! த.வெ.க. ஆட்சியில் சட்டம் ஒழுங்கு முற்றிலும் சீர்குலைந்து கொலை சம்பவங்கள் நாளுக்கு நாள் அதிகரித்து வருவதால் மக்கள் அச்சத்தில் உறைந்துள்ளனர்.
காவல்துறையின் கட்டுப்பாடு
நழுவிவிட்டதா?
ஒரே நாளில் அடுத்தடுத்து 15 மனித உயிர்கள் கொடூரமாகப் பறிக்கப்பட்டிருப்பது வெறும் தற்செயலான நிகழ்வு அல்ல. சமூக விரோதிகள், போதைக் கும்பல்கள் மற்றும் கூலிப்படைகள் எந்தவித அச்சமுமின்றித் தங்கள் விருப்பப்படி செயல்படத் தொடங்கிவிட்டனர் என்பதையே இது நிரூபிக்கிறது.
குறிப்பாக, பொதுமக்களைப் பாதுகாக்க வேண்டிய சீருடை அணிந்த காவல் அதிகாரியையே ஒரு போதைக் கும்பல் சாலையில் அடித்துக் கொல்கிறது என்றால், தமிழ்நாட்டில் சட்டம் எங்கே இருக்கிறது என்ற அச்சம் சாமானிய மக்களை ஆட்டிப்படைக்கிறது. கஞ்சா மற்றும் மதுபோதையின் ஆதிக்கமும், பட்டாக் கத்திகள் சர்வ சாதாரணமாகப் புழங்குவதும் இந்த வன்முறைகளுக்கு முக்கியக் காரணமாக அமைகிறது.
அரசின் படுதோல்வி
சென்னை பிரியாணி கடையில் அரிவாள் வெட்டு, செங்குன்றத்தில் எஸ்.ஐ. மீது தாக்குதல் முயற்சி, குழந்தைகள் மாயமாவது எனத் தொடர்ச்சியாக அபாய மணிகள் அடித்தும், ஆளும் விஜய் அரசு சட்டம்-ஒழுங்கைத் தீவிரமாகக் கையில் எடுக்கவில்லை என்ற விமர்சனம் வலுத்துள்ளது. முதல்வர் உடனடியாகத் தனது நேரடிக் கட்டுப்பாட்டில் உள்ள உள்துறைச் செயலாளர் மற்றும் காவல் துறை
டி.ஜி.பி.யை அழைத்து அவசர உயர்நிலைக் கூட்டத்தைக் கூட்ட வேண்டும். போதைக் கும்பல்களையும் கூலிப்படை ரவுடிகளையும் கூண்டோடு வேட்டையாடி சிறையில் தள்ள கடுமையான உத்தரவுகளைப் பிறப்பிக்க வேண்டும். இல்லாவிட்டால், பண்டிகை தினங்கள் கூட பாதுகாப்பு இல்லாத பயங்கர நாட்களாகவே மாறிவிடும் என்ற அச்சம் மக்கள் மனதில் வேரூன்றிவிடும்.
தி.மு.க. ஐ.டி.விங்
கண்டனம்!
இதுதொடர்பாக தி.மு.க. ஐ.டி. விங் வெளியிட்டுள்ள சமூகவலைதள பதிவில்,
ஒரே நாளில் 15 கொலைகள் என்று செய்தி வெளியான அடுத்த கணமே, 15வது கொலையைப் பற்றிய செய்தியும் வருவதாக தெரிவிக்கப்பட்டுள்ளது. அந்த அளவிற்கு தமிழ்நாட்டில் தீபாவளி நன்னாளிலும் கூடச் சட்டம் ஒழுங்கு சந்தி சிரிப்பதாகவும் குறிப்பிடப்பட்டுள்ளது.
‘மாற்றத்தின்’ ஆட்சியில் குற்றவாளிகளுக்குப் பயமே இல்லையா என வினவியுள்ள தி.மு.க. ஐ.டி. விங், அரசின் மெத்தனப் போக்கையும், காவல்துறையின் அலட்சியத்தையும் வன்மை யாகக் கண்டிப்பதாக தெரிவித்துள்ளது. நாடே தீபாவளி திருநாளை கொண்டாடும் நாளில் ஒரே நாளில் 15 படுகொலைகள்! மக்களின் உயிரைப்பாதுகாக்கத் தவறிய இந்த டம்மி அரசின் மெத்தனப் போக்கே இதற்குக் காரணம்! என தெரிவிக்கப்பட்டுள்ளது.
‘டம்மி’ மாமா
நடவடிக்கை எடுப்பாரா?
சிறப்பு உதவி ஆய்வாளர் முதல் சிறுவர்கள் வரை ஒரே நாளில் 15 பேர் வெட்டிக் கொலை! குற்றச் செயல்களைத் தடுக்கத் தவறிய அரசின் அலட்சியமே இந்தத் தீபாவளியைக் ‘கொலைத் தீபாவளியாக’ மாற்றியிருக்கிறது என்று தெரிவித்துள்ள தி.மு.க. ஐ.டி. விங், சட்டம் ஒழுங்கை நிலைநாட்ட இனியாவது நடவடிக்கைஎடுப்பாரா இந்த டம்மி மாமா?
என்று கேள்வி எழுப்பியுள்ளது.