பெங்களுரூ, நவ. 10–
மேகதாதுவில் அணை கட்ட யாரிடமும் அனுமதி வாங்க தேவையில்லை என்று கர்நாடக முதல்வர் டி.கே. சிவக்குமார் தெரிவித்துள்ளார்.
கர்நாடகாவில் செய்தியாளர்களைச் சந்தித்த அம்மாநில முதலமைச்சர்
டி.கே.சிவக்குமார், “தமிழ்நாட்டின் முதலமைச்சருக்கு நாட்டின் சட்டதிட்டங்கள் தெரிந்திருக்கும் என்று நம்புகிறேன். மேகதாது அணை கட்டுவதற்காக யாரிடமும் அனுமதி பெற வேண்டிய அவசியமில்லை. கர்நாடகா தனது சொந்த இடத்தில் அணையைக் கட்டிக்கொள்ளலாம் என்று இந்திய உச்ச நீதிமன்றமே அனுமதி அளித்துவிட்டது.
இந்த விவகாரத்தில் கர்நாடகா ஒற்றுமையுடன் உள்ளது. கட்சி வேறுபாடுகளைக் கடந்து, பா.ஜ.க. மற்றும் தேசிய ஜனநாயகக் கூட்டணியின் (NDA) அனைத்துத் தலைவர்களும் மேகேதாட்டு விவகாரத் தில் கர்நாடகாவுக்கு ஆதரவளிக்க ஒப்புக்கொண்டுள்ளனர்.
தமிழ்நாடு முதலமைச்சரி டம் நான் கேட்டுக்கொள்வது என்னவென்றால், ஒரு குழுவை அனுப்பி வையுங்கள். இந்த வாய்ப்பை நாங்கள் தவறாகப் பயன்படுத்த மாட்டோம். சண்டையிடுவதற்கோ அல்லது மோதிக்கொள்வதற்கோ இடமே இல்லை. அந்த காலம் முடிந்துவிட்டது. உச்ச நீதிமன்றம் தனது தீர்ப்பை வழங்கிவிட்டது. நாட்டின் சட்டத்தை மதிப்போம். இணைந்து செயல்படுவோம், நீரைப் பகிர்ந்து கொள்வோம். நம்மிடையே உள்ள ஒற்றுமை உணர்வை மேலும் பலப்படுத்துவோம்” எனத் தெரிவித்துள்ளார்.