சென்னை, நவ.10–

தமிழ்­நாடு மின்­வா­ரி ­யத்தை தனி­யார் மய­மாக்க முயற்­சிக்­கும் த.வெ.க. அரசை கண்­டித்து தமிழ்­நாடு முழு­வ­தும் மின்­வா­ரிய அனைத்து தொழிற்­சங்­கங்­கள், நவம்­பர் 11-ல் மாநி­லம் தழு­விய மாபெ­ரும் வேலை­நி­றுத்­தத்­தில் ஈடு­ப­டு­கி­றார்­கள் என மின்­க­ழ­கத் தொமுச பொதுச்­செ­ய­லா­ளர் பா.மணி­மா­றன் தெரி­வித்­துள்­ளார்.

இது­கு­றித்து தமிழ்­நாடு மின்­க­ழ­கத்தொமுச பொதுச்­செ­ய­லா­ளர் பா.மணி­மா­றன் அறிக்கை வரு­மாறு.,

தவெக அரசு பொறுப்பு ஏற்ற இந்த 6 மாதங்­க­ளில் தவ­றான அணு­கு­மு­றை­யால், தமிழ்­நாட்­டில் மின்­வெட்டை ஏற்­ப­டுத்தி, மின்­கட்­ட­ணத்தை உயர்த்தி, தமிழ்­நாட்­டில் ஏழை எளிய மக்­கள், விவ­சா­யி­கள், தொழி­லா­ளர்­கள், சிறு­குறு தொழி­லா­ளர்­கள், தொழில் புரி­வோர், வணி­கர்­கள், மற்­றும் அனைத்து பிரிவு மக்­க­ளை­யும் வஞ்­சிப்­ப­தோடு, எதிர்­கால தமி­ழ­கம் ஆன இளை­ஞர்­க­ளில் வாழ்­வை­யும் , வேலை­வாய்ப்­பை­யும் சிதைக்­கின்­றது.

தமிழ்­நாட்­டில் மின்­உற்­பத்­தியை குறைத்து, மின்­சா­ரத்தை வெளி­சந்­தை­யில், மின்­வா­ரிய வர­லாற்­றி­லேயே இல்­லாத வகை­யில் ரூ.37 மற்­றும் ரூ.41.50 என ஒரு யூனிட்­டிற்கு ஒப்­பந்த புள்ளி இறுதி செய்து விட்டு தனி­யா­ருக்கு லாபம் நோக்கி மின்­வா­ரி­யத்தை சீர்­கு­லைக்­கும் முயற்­சி­யில் இறங்­கி­யுள்­ளது.

தமிழ்­நாட்­டில் மின் விநி­யோ­கத்­தி­லும், முழு­மை­யாக தனி­யா­ருக்கு வழங்க சுமார்3 கோடி ஸ்மார்ட் மீட்­டர்­கள் வாங்க ஒப்­பந்­தம் போடப்­பட்­டுள்­ளது. இது மின் விநி­யோ­கம் முற்­றி­லும் தனி­யா­ருக்கு போகும்பாதை­யா­கும். தனி­யார் சொல்­வதே மின்­கட்­ட­ணம் என்­கிற நிலை ஏற்­ப­டும். இத­னால் பொது­மக்­கள் பெரி­தும் பாதிக்­கப்­ப­டு­வார்­கள்.

தமிழ்­நாட்­டில் Fixed Term Employment (FTE) மூல­மாக ஒப்­பந்த முறை­யில் 5 ஆண்­டு­க­ளுக்கு 10000 நபர்­கள் பணி­ய­மர்த்­தப்­ப­டு­வார்­கள் என்­றும் அதை அமுல்­ப­டுத்­திட தனி­யார் நிறு­வ­னத்­தி­டம் வழங்­கிள்­ளார்­கள். இது தற்­கா­லி­க­மாக பணி­யாற்­றி­வ­ரும் ஒப்­பந்த தொழி­லா­ளர்­க­ளுக்கு எதி­ரான நட­வ­டிக்­கை­யா­கும். புதி­ய­தாக 10000 நபர்­களை அத்­தி­யா­வ­சிய பணி­யான மின்­து­றை­யில் பணி­ய­மர்த்­து­வது என்­பது அவர்­க­ளின் எதிர்­கா­லத்­தை­யும், உயிர் பாது­காப்­பை­யும் கேள்­வி­கு­றி­யாக்­கும்.

தமிழ்­நாடு மின்­வா­ரி­ யத்­தில் புதி­ய­தாக துவங்க உள்ள மின் திட்­டங்­க­ளான மின்­உற்­பத்தி நிலை­யங்­கள் அமைத்­தல், உயர் மின்­ அ­ழுத்த வழி­த­டங்­கள், துணை­மின்­நி­லை­யங்­கள் அமைக்­கும் திட்­டங்­களை பொது தனி­யார் கூட்­டாண்மை (Public private partnership) திட்டம் மற்றும் ( Tariff/Based Competitve) திட்டத்தின் மூலம் அமுல்­ப­டுத்­தப்­ப­டும் என்று தவெக அரசு அறி­வித்­துள்­ளது. இது தனி­யா­ருக்கு மின்வா­ரி ­யத்தை தாரை­வார்க்­கும் செய­லா­கும்.

6 அம்­சக் கோரிக்­கை­கள்!

பொதுத்­துறை, அத்­தி­ய­வா­சிய துறை­யான மின்­து­றையை முழு­வ­து­மாக தனி­யா­ருக்கு வழங்கி, நிதி­ சு­மையை பொது­மக்­கள் மீது திணித்து அவர்­க­ளின் வாழ்­வை­யும் கேள்­வி­கு­றி­யாக்­கும்.

இதனை எதிர்த்து கீழ்க்­கண்ட 6 அம்ச கோரிக்­கை­களை வலி­யு­றுத்தி,

1. மின்­வா­ரி­யம் அறி­வித்­துள்ள ஸ்மார்ட் மீட்­டர் திட்­டத்­திற்­கான டெண்­டர் அறி­விப்பை திரும்­பப் பெறுக!

2.மின்­உற்­பத்தி, மின் வழித்­த­டங்­கள் திட்­டங் ­களை PPP முறை­யில் தனி­யார் மய­மாக்­கும் முயற்­சியை கைவி­டுக!

3.5 ஆண்டு ஒப்­பந்த Fixed Term Employment (FTE) முறையை திரும்­பப் பெறுக!

4.அரசு ஊழி­யர்­க­ளுக்கு கிரா­ஜு­விட்டி தொகை ரூபாய் 20 லட்­சத்­தி­லி­ருந்து ரூபாய் 25 லட்­ச­மாக உயர்த்­தி­யதை போன்று மின்­வா­ரிய பணி­யா­ளர்­க­ளுக்­கும் உயர்த்தி வழங்­கி­டுக!

5.அரசு ஊழி­யர்­க­ளுக்கு குடும்ப நல நிதி ரூபாய் 3 லட்­சத்­தி­லி­ருந்து 5 லட்­ச­மாக உயர்த்­தி­யதை மின்­வா­ரிய பணி­யா­ளர்­க­ளுக்கு 01.09.2021 முன் தேதி­யிட்டு வழங்­கி­டுக!

6. வாரிய ஆணை எண் 2-ஐ ரத்து செய்­தி­டுக.

இந்த கோரிக்­கை­களை வலி­யு­றுத்தி த.வெ.க. அரசை எதிர்த்து 11.11. 2026ல் மாநி­லம் தழு­விய மாபெ­ரும் வேலை நிறுத்­தம் நடை­பெ­று­கி­றது.

பொது­மக்­கள் மற்­றும் தொழி­லா­ளர்­கள் நலன் பாது­காக்­கும் திரா­விட மாடல் ஆட்சி, தமிழ்­நாட்­டில் அனைத்து பிரிவு மக்­க­ளுக்கு பொற்­கால ஆட்சி வழங்­கிய நமது கழ­கத் தலை­வர் அன்­புத்­த­ள­பதி அவர்­கள் முத­ல­மைச்­ச­ரா­கப் பொறுப்பு வகித்த 2021- 2026ல், மின்­வா­ரி­யத்­தில் பணி­பு­ரி­யும் தொழி­லா­ளர்­கள், பொறி­யா­ளர்­கள் மற்­றும் அலு­வ­லர்­க­ளுக்கு பல சலு­கை­களை வழங்­கி­னார்­கள். 5 ஆண்­டு­க­ளில் 2 முறை மின்­வா­ரிய பணி­யா­ளர்­கள் மகி­ழும் வண்­ணம் சிறப்­பான ஊதிய உயர்வை வழங்­கி­னார்­கள். மின்­து­றை­யில் பணி­பு­ரி­கி­ற­வர்­க­ளும், பணி­ஓய்வு பெற்­ற­வர்­க­ளுக்­கும் பணி­பா­து­காப்பை உறுதி செய்­யும் முத்­த­ரப்பு ஒப்­பந்­தம் ஏற்­ப­டுத்­தி­னார்­கள். அதி­முகஆட்­சி­யில் நிறுத்தி வைக்­கப்­பட்­டி­ருந்த ஈட்­டிய விடுப்பை காசாக்­கிக்­கொள்­ளும் அனு­மதி அளித்­தார்­கள். உட­னுக்­கு­டன் அக­வி­லைப்­படி உயர்வு, கரு­ணைத்­தொ­கை­யு­டன் போனஸ், பொங்­கல் பரிசு என பல சலு­கை­களை வழங்­கி­னார்­கள்.

கழ­கத் தலை­வர் அவர்­க­ளின் ஆட்­சி­யில் மின்­வா­ரிய பணி­யா­ளர்­க­ளுக்கு பணி­பா­து­காப்பு உப­க­ர­ணங்­கள் மற்­றும் மின் தட­வாள பொருட்­கள் வழங்கி, தமிழ்­நாட்டு மக்­க­ளுக்கு தடை­யில்லா மின்­சா­ரம் வழங்கி, தமிழ்­நாட்­டில் மின்­வெட்டு இல்­லாத மாநி­ல­மாக ஒளிர வைத்­தார்­கள். பல மின் உற்­பத்தி நிலை­யங்­களை ஏற்­ப­டுத்தி மின்­உற்­பத்­தியை பெருக்­கி­னார்­கள். மின்­மாற்­றி­கள் பரா­ம­ரித்து, புதிய மின் வழித்­த­டங்­களை அமைத்­தார்­கள். இத­னால் தடை­யில்லா மின்­சா­ரம் பொது­மக்­க­ளுக்கு வழங்க முடிந்­தது.

ஆய்­வுக்கூட்­டங்­கள் நடத்­த­வில்லை!

த.வெ.க. அரசு பொறுப்­பேற்­ற­தி­லி­ருந்து தொழி­லா­ளர்­க­ளுக்கு விரோ­த­மாக செயல்­பட்டு வரு­கி­றது. ஆட்­சிக்கு வந்த 6 மாதங்­க­ளி­லேயே பல தரப்­பட்ட மக்­கள், மின்­வெட்டு மற்­றும் கடும் விலை­வாசி உயர்­வால் அவ­திப்­ப­டு­கி­றார்­கள். தினந்­தோ­றும் பல மணி­நே­ரம் மின்­வெட்டு ஏற்­பட்டு பொது மக்­கள் தூக்­கத்தை தொலைக்­கி­றார்­கள், நிம்­ம­தி­யும் இத­னால் இழக்­கி­றார்­கள். இதற்­கெல்­லாம் தீர்வு காணா­மல், ரீல்ஸ் முதல்­வர் வழக்­க­மாக மௌனம் காக்­கி­றார்­கள். மின்­துறை அமைச்­சரே தினந்­தோ­றும் பொய்­யான பேட்டி அளித்து வரு­கி­றார்­கள். தவெக மின்­துறை அமைச்­சர் கடந்த ஆண்டு போல தீபா­வ­ளி­யில் மின்­வெட்டு இருக்­காது என்று கூறு­கி­றார். கடந்த ஆண்டு தீபா­வளி தினத்­தில் மட்­டு­மல்ல அனைத்து தினங்­க­ளும் மின்­வெட்டு இல்­லாத மாநி­ல­மாக தமிழ்­நாடு மாநி­லம் திகழ்ந்­தது என்­பது வர­லாறு. இது தெரி­யா­மல் தவெ­க­அ­மைச்­சர் பேசு­வது தவ­றா­னது.

மின்­துறை அமைச்­சர் அவர்­கள் தமிழ்­நாட்­டில் மின்­வெட்­டிற்கு தீர்வு காண இது­வரை உயர் அதி­கா­ரி­க­ளு­டன் முறை­யான ஆய்­வுக்­கூட்­டங்­கள் நடத்­த­வில்லை. தொழில் சங்­கங்­க­ளு­டன் பேச்­சு­வார்த்­தை­யும் மேற்­கொள்­ள­வில்லை. தான்­தோன்­றித்­த­ன­மாக செயல்­ப­டு­கி­றாரோ என்று எண்­ணத் தோன்­று­கி­றது.

கடந்த வாரம் மின்­வா­ரிய பணி­யா­ளர்­க­ளுக்கு 500 பேர்­களை ஆந்­திர மாநி­லம் புயல்பாதித்­தப்­ப­கு­தி­க­ளுக்கு அனுப்­பிள்­ளார்­கள். தமிழ்­நாட்­டில் மின்­வா­ரி ­யத்­தில் பணி­யாட்­கள் பற்­றாக்­குறை உள்ள நிலை­யில், இங்­கி­ருந்து எதற்­காக 500 தொழி­லா­ளர்­கள் அனுப்­பி­யுள்­ளார்­கள். அது­வும் தீபா­வ­ளிக்கு தொழி­லா­ளர்­கள் குடும்­பத்­தி­ன­ரு­டன் கொண்­டாட முடி­யாத சூழ்­நிலை ஏற்­ப­டுத்­தி­யுள்­ளார்­கள். இவர்­கள் அனை­வ­ரும் மன­உ­ளைச்­ச­லில் உள்­ளார்­கள். தொழிற்­நி­று­வ­னங்­க­ளை­தான் பக்­கத்து மாநி­லங்­க­ளுக்கு அனுப்­பி­வைக்­கி ­றார் ரீல்ஸ்முத­ல­மைச்­சர் என்­றால், நம் தொழி­லா­ளர்­களை பக்­கத்து மாநி­லத்­திற்கு பணிக்கு அனுப்பி வைக்­கி­றார் மின்­துறை அமைச்­சர்.

தனி­யார் மய­மாக்க முயற்­சி­கள்!

மின்­து­றையை தனி­யார் மய­மாக்­கும் முயற்­சி­கள், 70 ஆண்­டு­கால மின்­வா­ரி­ யத்­தின் எதிர்­கா­லத்­தை­யும், அதில் பணி­பு­ரி­கின்ற பணி­யா­ளர்­கள் மட்­டு­மின்றி, பொது­மக்­க­ளுக்­கும் பெரி­தும் பாதிப்பை ஏற்­ப­டுத்­தும். இத­னால் மின்­சார வாரி­யத்தை பாது­காக்­க­வும், மின்­வா­ரிய பணி­யா­ளர்­களை பாது­காக்­க­வும், தனி­யார்மயம் செல்­வதை அனைத்து மின்­வா­ரிய தொழிற்­சங்­கங்­க­ளும் வன்­மை­யாக கண்­டிக்­கி­றோம்.

எனவே, த.வெ.க. அரசு மின்­வா­ரி­யத்தை தனி­யார் மய­மாக்­கும் முயற்­சியை எதிர்த்து வரும் 11.11.2026 அன்று மின்­சார வாரி­யத்­தில் பணி­பு­ரி­யும் அனைத்து தொழி­லா­ளர்­க­ளும், மாநில தழு­விய மாபெ­ரும் வேலை­நி­றுத்­தில் ஈடு­ப­டு­கி­றார்­கள்.

இவ்­வாறு மின்­க­ழ­கத் தொ.மு.ச. பொதுச்­செ­ய­லா­ளர் பா.மணி­மா­றன் அறிக்­கை­யில் தெரி­வித்­துள்­ளார்.