#Title

செங்கோட்டை வட்டம் – புளியறை பகுதியில் காட்டு யானை மிதித்துக் கொன்ற விவசாயிக் குடும்பத்திற்கு நிதியுதவி வழங்கிடுவீர்! கடையநல்லூர் சட்டமன்ற உறுப்பினர் தி.மு.இராசேந்திரன் கோரிக்கை!

தென்காசி, நவ.10 –

தென்காசி மாவட்டஆட்சியர் மற்றும் மாவட்டவன அலுவலர் ஆகியோருக்கு தென்காசி மாவட்டம் கடையநல்லூர் சட்டமன்ற உறுப்பினர் தி.மு.இராசேந்திரன் அனுப்பியுள்ள கோரிக்கை மனுவில் கூறியிருப்பதாவது:–

கடையநல்லூர் சட்டமன்றத் தொகுதி, செங்கோட்டை வட்டம், புளியறை பகுதியில்விவசாய நிலத்திற்கு சென்ற விவசாயி சுப்பையா பிள்ளை அவர்களை நேற்று (09.11.2026) காலை சுமார் 9 மணி அளவில் காட்டு யானை மிதித்துக் கொன்று விட்ட செய்தி அதிர்ச்சி அளிக்கிறது.

மேற்கு தொடர்ச்சிமலை அடிவாரத்தில் காட்டுவிலங்குகளின் தொல்லையால் அப்பகுதி மக்களும் விவசாயிகளும் ஒவ்வொரு நாளும் உயிர்ப் பயத்தோடும் அச்சத்தோடும் வாழும் நிலை கவலை அளிக்கிறது.

சட்டப்பேரவை யிலும் இது குறித்துப் பேசியுள்ளேன்.

விவசாய நிலங்கள் மற்றும் மக்கள் நடமாட்டம் உள்ள கிராமப் பகுதிகளில் காட்டு யானைகள், காட்டுப் பன்றிகள் ஊடுருவல் தொடர்ந்து கொண்டிருக்கிறது.

இதனால் விலை மதிப்பற்ற மனித உயிர் இழப்பும், பயிர்ச் சேதங்களால் பலத்த வருவாய் இழப்பும் விவசாயிகளுக்குஏற்படுகிறது.இது போன்ற துயரச்சம்பவங்கள் நிகழாமல் தடுக்க வனத் துறை யினர் 24 மணி நேரக் கண்காணிப்பை மேற்கொண்டு விலங்குகள் ஊடுருவலை முழுமையாகக் கட்டுப்படுத்துமாறு வலியுறுத்திக் கேட்டுக் கொள்கிறேன்.

இதற்காக கூடுதலாகத்தேவைப்படும் அதிநவீன கருவிகள், உபகரணங்கள், பணியாளர்கள் இவற்றைதமிழ்நாடு அரசு உடனேவழங்கிட முன்வர வேண்டும்.

இறந்த விவசாயி குடும்பத்திற்கு அரசின் நிவாரண நிதி முழுமையாக கிடைத்திட உடனடி நடவடிக்கை மேற் கொள்ளவும் வேண்டு கிறேன்.

இவ்வாறு சட்டமன்றஉறுப்பினர் தி.மு.இராசேந்திரன் கூறியுள்ளார்.