சென்னை, நவ. 11 –
“பெரியாரின் அறிவுப் புரட்சியை எந்த அரசியல் அதிகாரத்தாலும் இருட்டடிப்பு செய்ய முடியாது. பெரியாரை சிறுமைப் படுதத நினைப்பவர்கள் வரலாற்றில் சிறுமைப்பட் டுப் போவார்கள்” என்று ஆதித் தமிழர் பேரவை நிறுவனத் தலைவர் இரா.அதியமான் விடுத்துள்ள அறிக்கையில் கண்டனம் தெரி வித்துள்ளார்.
இது குறித்து அவர் விடுத்துள்ள அறிக்கை வருமாறு:
பெரியாரின் அறிவுப் புரட்சியைச் சிறுமைப் படுத்தவும், நூலகத்தின் சாதனை திமுகவுக்குச் சென்றுவிடக் கூடாது என்ற அரசியல் காழ்ப்புணர்ச்சியிலும் அரங்கேற்றப்படும் அறிவுத் திருட்டு நாடகமா இது?
பெரியாரை எதிர்ப்பதற்குப் பார்ப்பன சனாதன சக்திகள் காலங்காலமாகப் பல்வேறு உத்தி களைக் கையாண்டு வந்திருக்கின்றன. இப்போது பெரியார் பெயரில் அமைந்த நூலக த்தையே சர்ச்சைக்குரியதாக்கி, பெரியாரின் அறிவுப் புரட்சியைச் சிறு மைப்படுத்தும் முயற்சியில் த.வெ.க. அரசு இறங்கியிருக்கிறதா என்ற வலுவான சந்தேகம் எழுகிறது!
கோவையில் அமைக்கப்பட்டுள்ள பெரியார் அறிவுலக நூலகத்தில் நூல்கள் கொள்முதல் செய்ததில் முறைகேடுகள் நடைபெற்றதாகக் குற்றச் சாட்டுகள் எழுந்துள்ளன. நூல்களின் தரம், பதிப்பகங்களின் நம்பகத்தன்மை, கொள்முதல் நடைமுறைகள் குறித்து விசாரணை நடத்தப்பட வேண்டியது அவசியமானதே!
திட்டமிட்டு சர்ச்சைகளை உருவாக்குவதா?
ஆனால், இந்த விவகாரத்தை அணுகும் தவெக அரசின் அரசியல் நோக்கம் என்ன? பார்ப்பனியத்தையும், சனாதனத்தையும், சாதிய ஏற்றத்தாழ்வு களையும், மூடநம்பிக் கைகளையும் தனது வாழ்நாள் முழுவதும் எதிர்த்துப் போராடியவர் தந்தை பெரியார்.
அப்படிப்பட்ட பெரியாரின் பெயரில் உருவாக்கப்பட்ட அறிவுலக நூலகத்தின் சாதனைகள் மக்கள் மத்தியில் பேசப்படுவதைத் தடுக்கவும், அந்த நூலகத்தின் பெருமை திமுக அரசுக்குச் சென்றுவிடக் கூடாது என்ற அரசியல் காழ்ப்புணர்ச்சியிலும் திட்டமிட்டு சர்ச்சைகளை உருவாக்குகிறார்களோ என்ற கேள்வி எழுகிறது.
பெரியார் என்ற பெயரை உச்சரிப்பதற்கும், பெரியாரின் கொள்கைகளை ஏற்றுக்கொள்வதற்கும் மிகப்பெரிய வேறுபாடு இருக்கிறது. பெரியாரின் கருத்துகளை ஏற்க மறுப்பவர்கள்கூட அவரது பெயரில் உருவாக்கப்பட்ட அறிவுக் கருவூலத்தைச் சிறுமைப் படுத்தும் அரசியலில் ஈடுபடுவது வன்மையான கண்டனத்திற்குரியது.
முதலமைச்சருக்கு விசாரணை நடத்தும் அதிகாரம் இல்லையா?
இங்கே எழும் மிக முக்கியமான கேள்வி என்னவென்றால்:
காவல்துறையையும் உள்துறையையும் தனது நேரடிக் கட்டுப்பாட்டில் வைத்திருக்கும் முதல மைச்சர் விஜய் அவர்கள், நூல் கொள்முதல் முறைகேடு குறித்த குற்றச்சாட்டு களைத் தாமாகவே விசாரிக்க உத்தரவிடாமல், அவரது அமைச்சரவையில் இடம்பெற்றுள்ள அமைச்சர் ஏன் ஊழல் தடுப்பு மற்றும் கண்காணிப்புத் துறையான DVAC-யிடம் புகார் கொடுக்க வேண்டிய நிலை ஏற்பட்டது?
காவல்துறையைத் தனது கட்டுப்பாட்டில் வைத்திருக்கும் முதலமைச்சருக்கு விசாரணை நடத்தும் அதிகாரம் இல்லையா? அல்லது இந்த விவகாரத்தை அரசியல் நாடகமாக்க வேண்டிய அவசியம் ஏற்பட்டிருக்கிறதா?
கொச்சைப்படுத்துவதை ஏற்க முடியாது!
தவறு நடந்திருந்தால் சம்பந்தப்பட்டவர்கள் யாராக இருந்தாலும் தண்டிக்கப்பட வேண்டும். அதில் எங்களுக்கு மாற்றுக் கருத்து இல்லை. ஆனால் விசாரணை என்ற பெயரில் பெரியாரின் அறிவுலகப் பணியையும், அதன் உருவாக்கத்திற்குப் பின்னால் உள்ள அரசியல் சாதனையையும் கொச்சைப்படுத்துவதை ஒருபோதும் ஏற்றுக்கொள்ள முடியாது.
பெரியார் நூலகத்தில் முறைகேடு நடந்ததா என்பதை மட்டும் விசாரித்தால் போதாது; பெரியாரின் பெயருக்கு இழுக்கு ஏற்படுத்தும் நோக்கத்தோடு அரசியல் காழ்ப்புணர்ச்சியில் யாரேனும் செயல்பட்டார்களா என்பதையும் விசாரிக்க வேண்டும்.
பெரியாரை எதிர்ப்பது என்பது வெறும் அரசியல் எதிர்ப்பு அல்ல; பார்ப்பனியத்தையும் சனாதனத்தையும் எதிர்த்து உருவான சமூகநீதி வரலாற்றையே மறுத லிக்கும் முயற்சி யாகும்.
தி.மு.க. ஆட்சியின் சாதனையை அரசியல் ரீதியாக விமர்சிக்கலாம். ஆனால் அந்த விமர்சனத் திற்காகப் பெரியாரின் பெயரையும், அவரது அறிவுப் புரட்சியையும் பலிகடாவாக்கக் கூடாது.
தவெக அரசே! பெரியாரைச் சிறுமை ப்படுத்தும் அரசியலைக் கைவிடு! நூலகத்தின் பெயரால் எழுந்துள்ள முறைகேடு குற்றச்சாட்டுகளை நேர்மையான, சுதந்திரமான விசாரணைக்கு உட்படுத்து! அரசியல் காழ்ப்புணர்ச்சியின்றி உண்மையை மக்களிடம் வெளிப்படுத்து!
பெரியாரின் அறிவுப் புரட்சியை எந்த அரசியல் அதிகாரத்தாலும் இருட்டடிப்பு செய்ய முடியாது. பெரியாரைச் சிறுமைப் படுத்த நினைப்பவர்கள் வரலாற்றில் சிறுமைப் பட்டுப் போவார்கள்!
ஆதித்தமிழர் பேரவை, பெரியாரின் பகுத்தறிவு, சமூகநீதி, சுயமரியாதைக் கொள்கைகளின் பக்கம் உறுதியாக நின்று த.வெ.க. அரசின் இத்தகைய அரசியல் அணுகுமுறையைக் கடுமையாகக் கண்டிக்கிறது!
இவ்வாறு இரா.அதியமான் தமது அறிக்கையில் கூறியுள்ளார்.