சென்னை, நவ.11–
‘தீபாவளியன்று ஒரே நாளில் 15 பேர் வெட்டிக்கொலை செய்யப்பட்டிருப்பது அசுரர்களின் ஆட்சியைநினைவுபடுத்துகிறதா த.வெ.க. அரசு’’ என்று தே.மு.தி.க. பொதுச் செயலாளர் பிரேமலதா விஜயகாந்த் உள்ளிட்ட கட்சித்தலைவர்கள் கடும் கண்டனம் தெரிவித்துள்ளனர்.
பிரேமலதா (தே.மு.தி.க.பொதுச்செயலாளர்):
தமிழகத்தில்ஒரே நாளில் காவலர் உட்பட 15 பேர் கொலை செய்யப்பட்டதாக வெளியாகியுள்ள தகவல்கள் மிகவும் கவலைக்குரியவை. காவல்துறை உதவி ஆய்வாளர் உயிரிழந்த விவகாரத்தில் அவரது குடும்பத்திற்கு ரூ.40 லட்சம் நிவாரணம் வழங்குவதாக தமிழக அரசு அறிவித்துள்ளது. ஒரு மனித உயிருக்கு ரூ.40 லட்சம்தான் மதிப்பா?
பொதுமக்களின் உயிருக்கும், காவல் துறையினரின் பாதுகாப்புக்கும் உத்தரவாதம் அளிக்க வேண்டியது அரசின் அடிப்படைக் கடமை. வெறும் அறிவிப்புகளும் ஆய்வுக் கூட்டங்களும் போதாது. தமிழகத்தில் நிலவும் சட்டம்- – ஒழுங்கு சீர்கேடு குறித்து முதல்வர் மக்களுக்கு தெளிவான விளக்கம் அளிக்க வேண்டும். மக்களின் உயிருக்கு விலை நிர்ணயிப்பது நிவாரணத் தொகை அல்ல; அவர்களின் உயிரைப் பாதுகாப்பதே அரசின் முதன்மையான கடமை.
பெ.சண்முகம் (மார்க்சிஸ்ட் மாநிலச் செயலாளர்):
தீபாவளியன்று ஒரே நாளில்காவல்துறைஅதிகாரி, சிறுவர்கள், இளம்பெண்கள் உள்பட 15 பேர் கொல்லப்பட்டுள்ளனர். தனிப்பட்ட நிகழ்வுகள் என்று இவற்றை புறந்தள்ளி விடமுடியாத அளவுக்கு பரவலாக நடந்துள்ள இந்த குற்றச்செயல் கள் மீண்டும் நடைபெறாத வகையில் தடுத்து நிறுத்த உடனடி நடவடிக்கைகள் எடுக்கப்பட வேண்டும். பொதுமக்கள் பாதுகாப்பை உத்தரவாதப்படுத்துவதற்கும், போதை கலாச்சாரத்திற்குமுடிவு கட்டுவதற்கும் தமிழ்நாடு அரசு கூடுதல் கவனம் செலுத்த வேண்டும்.
மு.வீரபாண்டியன் (இந்திய
கம்யூனிஸ்ட் மாநிலச்
செயலாளர்):
தமிழ்நாட்டில் தீபாவளிப் பண்டிகை நாளில் வெவ்வேறு இடங்களில் சிறப்பு காவல் உதவி ஆய்வாளர், 2 சிறுவர்கள், ஒரு இளம்பெண் மற்றும் 3 ரவுடிகள் உள்பட மொத்தம் 15 பேர் படுகொலை செய்யப்பட்டுள்ளனர். இது அதிர்ச்சி அளிக்கிறது. கொலை, கொள்ளை, பாலியல் வன்முறைகள், போதை கலாச்சாரம் போன்றவற்றை தடுப்பதற்கும், சட்டம் ஒழுங்கை பாதுகாக்கவும் தமிழ்நாடு அரசும், முதல்வரும் கூடுதல் கவனம் செலுத்த வேண்டும்.
முஸ்தபா (எஸ்.டி.பி.ஐ. கட்சி மாநிலப் பொருளாளர்):
மக்களின் பாதுகாப்பையும் சமூக அமைதியையும் காக்கவேண்டிய ஒருகாவல்துறை அதிகாரிக்கே பொதுவெளியில் இத்தகையகொடூரம் நேர்ந்திருப்பது, தமிழ்நாட்டின் சட்டம்- – ஒழுங்கு சூழல் குறித்து பொதுமக்கள் மத்தியில்பெரும் அச்சத்தையும் கலக்கத்தையும் ஏற்படுத்தியுள்ளது.
இக்கொலை சம்பவத்தில்தொடர்புடைய அனைத்துக் குற்றவாளிகளையும் உடனடியாக கைது செய்து, அவர்கள் மீது பாரபட்சமின்றி மிகக் கடுமையான சட்ட நடவடிக்கை எடுக்க வேண்டும். தமிழ்நாட்டில் நாளுக்கு நாள் அதிகரித்து வரும் போதை கலாச்சாரத்தையும், அதனால் பெருகும் குற்றச்செயல்களையும் வேரோடு களைய தமிழக அரசு உரிய கொள்கை முடிவுகளை எடுத்து, உறுதியான நடவடிக்கைகளை முன்னெடுக்க வேண்டும்.
இவ்வாறு அவர்கள் தங்களது அறிக்கையில் கூறியுள்ளனர்.