சென்னை, நவ. 11 –
தமிழ்நாட்டில் நாள்தோறும் நடைபெற்று வரும் கொலைகள் குறித்து
கழகத் தலைவர் மு.க.ஸ்டாலின் அவர்கள் தமது சமூக வலைதளத்தில்,
“சட்டம் - ஒழுங்கு ICU-–வில்! ஆட்சி
நிர்வாகம் கோமாவில்! Part-–time
முதலமைச்சர் விஜய்க்குப் பொறுப்பே இல்லை’’ என்று கடுமையாக விமர்சித்துள்ளார்.
தமிழ்நாட்டில் தீபாவளி தினத்தன்று மட்டும் 19 படுகொலைகள் அரங்கேறிய நிலையில், நேற்றும் 5 படுகொலைகள் அரங்கேறியுள்ளன. இரண்டு நாட்களில் 24 பேர் படுகொலை செய்யப்பட்ட சம்பவம் தமிழ்நாட்டையே உலுக்கியுள்ளது..
தேனியில் சாலையை மறித்து
பட்டாசு வெடித்து ரீல்ஸ் எடுத்த போதை கும்பலை, தட்டிக்கேட்ட காவல்துறை சிறப்பு உதவி ஆய்வாளர் செந்தில்குமார் அடித்துக்கொலை செய்யப்பட்டார்.
திருச்சியில் 2 சிறுவர்கள் உட்பட 4 பேர் படுகொலை செய்யப்பட்டுள்ளனர்.. கன்னியாகுமரி மாவட்டத்தில் 3 படுகொலைகள் அரங்கேறியுள்ளன. சென்னை பெரம்பூர் தொகுதிக்குட்பட்ட வியாசர்பாடியில் தனுஷ் எனும் 18 வயது இளைஞரும், திருவொற்றியூரில் பவித்ரன் என்ற இளைஞரும் ஓட ஓட வெட்டிக்கொலை செய்யப்பட்டனர்.
இதேபோல், சிவகங்கை, விருது நகர், மாவட்டங்களில் தலா 2 படு
கொலைகள் அரங்கேறியுள்ளன. தேனி, கடலூர், பெரம்பலூர், கள்ளக்குறிச்சி, திருவள்ளூர், திருநெல்வேலி, மதுரை, வேலூர், திண்டுக்கல்,
காஞ்சிபுரம் ஆகிய மாவட்டங்களில்
தலா ஒருவர் படுகொலை என கடந்த
2 நாட்களில் மட்டும் தமிழ்நாட்டில் 24 படுகொலைகள் அரங்கேறியுள்ளன.
இதற்கிடையே, தமிழ்நாட்டில் நிகழ்ந்த படுகொலை தொடர்பான
செய்திகளே நாளேடுகளை ஆக்கிரமித்துள்ளன.
தமிழ்நாட்டில் சட்டம் ஒழுங்கு
முற்றிலும் சீர்குலைந்து கொலை சம்பவங்கள் அதிகரித்து வருவதாக முன்னணி நாளேடுகள் செய்தி வெளியிட்டுள்ளன. தீபாவளி நாளன்று அரங்கேறிய இத்தனை படுகொலைகள் மக்களை அச்சத்தில் உறைய வைத்திருப்பதாக Times Of India, The Hindu, Indian Express, Deccan Choronicle, தினமலர், தினத்தந்தி, தினகரன், இந்து தமிழ்திசை உள்ளிட்ட நாளேடுகள் முதன்மைச் செய்தியாக வெளியிட்டுள்ளன.
இதுகுறித்து நேற்று (10.-11.-2026), கழகத் தலைவர் மு.க.ஸ்டாலின்
அவர்கள் வெளியிட்டுள்ள சமூக வலைத்தளப் பதிவு வருமாறு :–
“சட்டம் - ஒழுங்கு ICU-வில்! ஆட்சி
நிர்வாகம் கோமாவில்!
ஒரேநாளில் 17 கொலைகள்!
குழிதோண்டிப் புதைக்கப்பட்ட சட்டப்பேரவைத்துணைத் தலைவர் பதவியின் மாண்பு!
பெண் மாவட்ட ஆட்சியருக்கு
ஆபாசக் குறுஞ்செய்தி அனுப்பியதாக TVK MLA மீது குற்றச்சாட்டு!
இந்தச் சோப்ளாங்கிஆட்சியில்,
குற்றவாளிகளுக்குப் பயமில்லை!
காவல்துறையினருக்குப் பாதுகாப்பில்லை!
த.வெ.க.வைச் சேர்ந்த மக்கள் பிரதி நிதிகளுக்குக் கட்டுப்பாடில்லை!
மொத்தத்தில்,
Part-time முதலமைச்சராகவும், Full-time Content Creator-ஆகவும் இருக்கும் விஜய் அவர்களுக்குப் பொறுப்பே இல்லை!
இவ்வாறு கழகத் தலைவர்
மு.க. ஸ்டாலின் அவர்கள் தமது சமூக வலைதளத்தில் பதிவிட்டுள்ளார்.