#Title

திருச்சி 11.11.2026 தி.மு.க தலைவர் ஆட்சியில் அமைதிப் பூங்காவாக இருந்த தமிழ்நாட்டில் தற்போது சட்டம், ஒழுங்கு சந்தி சிரிக்கிறது! தேனி உள்ளிட்ட பல இடங்களில் நடந்த 15 கொலைகள் குறித்து – முன்னாள் முதல்வர் ஓ.பன்னீர்செல்வம் கண்டனம்!

தேனி, நவ. 11–

தேனி உள்ளிட்ட பல்வேறு இடங்களில் பண்டிகையன்று ஒரே நாளில் 15 படுகொலைகள் நடைபெற்றுள்ளது. அதிர்ச்சியளிக்கிறது. தி.மு.க. தலைவர் ஆட்சியில் அமைதிப் ᳚பூங்காவாக இருந்த தமிழ்நாட்டில் தற்போது கூட்டம், ஒழுங்கு சந்தி சிரிக்கிறது''என்று முன்னாள் முதல்வர் ஓ.பன்னீர் செல்வம் விடுத்துள்ள அறிக்கையில் கண்டனம் தெரிவித்துள்ளார்.

இதுகுறித்து அவர் விடுத்துள்ள அறிக்கையில் கூறியிருப்பதாவது:–

கடந்த 6 மாதங்களாக தமிழகத்தில் தினம்தோறும் படுகொலைகள், பாலியல் வன்முறைகள், திருட்டு, கொள்ளை, 17 கைதிகள் தப்பி ஓட்டம், போதைப்பொருள் கலாச்சாரம், வழிப்பறி ஆகியவை நாளொருமேனியும் பொழுதொரு வண்ணமுமாக வளர்ச்சி பெற்று தொடர்கதையாக இருந்து வருகின்றன.

தமிழக மக்களுக்கும் பாதுகாப்பில்லை, காவல் துறையினருக்கும் பாதுகாப்பு இல்லை என்பதற்கு உதாரணமாகத்தான் நேற்று பண்டிகை நாளன்று இரவு தேனி அல்லிநகரத்தில் SSI படுகொலை செய்யப்பட்ட நிகழ்வு திகழ்கிறது.

தேனியில் சிறப்பு ஆய்வாளர் கொலை!

சமதர்மபுரத்தில் பொதுமக்களுக்கு இடையூறாக வெடிகளை சாலையில் வெடித்துக் கொண்டிருந்தவர்களை கண்டித்த காவல் சிறப்பு உதவி ஆய்வாளர் செந்தில்குமார் அவர்கள் மதுபோதையிலிருந்த கும்பலால் அடித்துக் கொல்லப்பட்டார் என்ற செய்தி மிகவும் அதிர்ச்சியும் வேதனை யும் அளிக்கிறது.

அகால மரணமடைந்த காவல் துறை அலுவலர் திரு. செந்தில்குமார் குடும்பத்திற்கு எனது ஆழ்ந்த இரங்கலைத் தெரிவித்துக் கொள்கிறேன்.

அவரது குடும்பத்திற்கு அரசு உரிய நஷ்டஈடு அளி ப்பது மட்டுமின்றி, இப்படுகொலைக்கு காரணமான குற்றவாளிகளை விரைவில் கண்டறிந்து சட்டத்தின் மூலம் கடுமையான தண்டனையை பெற்று தர தமிழக முதல்வர் அவர்கள் உரிய நடவடிக்கையை விரைவில் மேற்கொள்ள வேண்டுமென்று கேட்டுக் கொள்கிறேன்.

தேனி பேருந்து நிலையத்தில்

போதை கும்பல் மிரட்டல்!

இதுமட்டுமின்றி, நேற்று அதிகாலையில் தேனி பழைய பேருந்து நிலையத்தில் மது மற்றும் கஞ்சா போதையில் இருந்த ஒரு கும்பல், அங்கிருந்த சில பூ வியாபாரிகளை சரமாரியாக தாக்கிய சி.சி.டி.வி. காட்சிகள் வெளியாகி அதிர்ச்சியை ஏற்படுத்தியுள்ளன. ஒரு காவலர் முன்னிலை யிலே இந்த தாக்குதல் சம்பவம் நடை பெற்றுள்ளது.

இது குறித்தும் காவல்துறை விரைவில் நடவடிக்கைகளை மேற்கொள்ள வேண்டும் என்று அரசைக் கேட்டுக் கொள்கிறேன்.

நேற்று ஒரே நாளில் மட்டும் தமிழகத்தில், தேனி, கடலூர் சமயபுரம் உட்பட பல இடங்களில் ஒரு இளம்பெண் உட்பட 13 பேர் படுகொலை செய்யப்பட்டார்கள் என்று செய்திகள் வந்துள்ளன.

எனவே, தமிழக அரசு எதிர்க்கட்சியினர் மீது அரசியல் பழிவாங்கும் நடவடிக்கைகளை விடுத்து, தமிழக மக்களையும் காவல் துறையினரையும் பாதுகாக்கும் நடவடிக்கைகளில் கவனம் செலுத்த வேண்டுமென்று தமிழக மக்கள் எதிர்பார்க்கின்றனர் என்பதை மட்டும் தெரிவித்துக் கொள்கிறேன்.

இவ்வாறு முன்னாள் முதல்வர் ஓ.பன்னீர் செல்வம் தமது அறிக்கையில் கூறியுள்ளார்.