#Title அர­சி­யல் காழ்ப்­பு­ணர்ச்­சி­யோடு 6 மாதங்­க­ளில் 2,993 டெண்­டர்­களை ரத்து செய்த த.வெ.க. அரசு! வளர்ச்­சித் திட்­டத்­திற்கு வேட்டு வைப்­பதா? மக்­கள் கேள்வி!

சென்னை, நவ.11–

கடந்த 6 மாத­கால த.வெ.க. ஆட்­சி­யில், 2 ஆயி­ரத்து 993டெண்­டர்­கள் ரத்து செய்­யப்­பட்­டி­ருப்­பது அதிர்ச்­சியை ஏற்­ப­டுத்­தி­யுள்­ளது. விஜய் அர­சின் 6 மாத சாதனை மின் வெட்டு, அரி­வாள் வெட்டு, டெண்­டர் வெட்டு என நீண்டு கொண்டே செல்­கி­றது.

தி.மு.க.வை பழி­வாங்­கு­வ­தா­கக் கருதி மக்­கள் நலத்­திட்­டங்­க­ளுக்­கான டெண்­டர்­களை த.வெ.க. அரசு ரத்து செய்­த­தன் எதி­ரொ­லி­யாக, தமிழ்­நாட்­டில் தொடர்மின்­வெட்டு நிலவி வரு­கி­றது. இதே­போல், குடி­நீர் திட்ட டெண்­டர், மின்­சார பேருந்து டெண்­டர் என ரத்து பட­லம் நீடிப்­ப­தால், மக்­கள் நீண்ட கால துய­ரங்­களை சந்­திக்­கும் அபா­யம் ஏற்­பட்­டுள்­ளது. இத­னி­டையே, த.வெ.க. ஆட்­சி­யில் எத்­தனை திட்­டங்­கள் ரத்து செய்­யப்­பட்­டுள்­ளன என்­பது குறித்து துறை வாரி­யான விப­ரங்­கள் வெளி­யா­கி­யுள்­ளன.

அதில், நெடுஞ்­சா­லைத்­து­றை­யில், ஓர­க­டம் – செய்­யூர் 4 வழிச்­சாலை, அண்ணா சாலை மேம்­பா­லம், துறை­மு­கம் – மது­ர­வா­யல் பறக்­கும் சாலை, ஹரூர், செஞ்சி, ஓசூர், சேலம் ரிங் ரோடு திட்­டங்­கள் முடக்­கப்­பட் டுள்­ள­தாகதெரி­விக்­கப்­பட்­டுள்­ளது. சென்­னை­யில் மட்­டும் 21 நெடுஞ்­சா­லைத் துறை லிமி­டெட் டெண்­டர்­கள் ரத்து செய்­யப்­பட்­டுள்­ளன. இதே­போல், பொதுப்­ப­ணித்­துறை, நீர்­வ­ளத்­துறை, நக­ராட்சி நிர்­வா­கம், ஊரக வளர்ச்சி மற்­றும் குடி­நீர் வழங்­கல் துறை­க­ளில், 100–க்கும் மேற்­பட்ட குறு­கிய கால டெண்­டர்­கள் ரத்து செய்­யப்­பட்­டுள்­ளன. தொழில்­துறை மற்­றும் போக்­கு­வ­ரத்­துத்­து­றை­யில், சென்னை, கோவை, மது­ரைக்கு 500 மின்­சார பேருந்­து­கள் வாங்­கும் டெண்­டர் மறு ஆய்­வுக்கு உட்­ப­டுத்­தப் பட்­டுள்­ளது.

சென்­னை­யில் 284 கோடி ரூபாய் நடை­பாதை திட்­டம் மற்­றும் 12 மாந­க­ராட்­சி­க­ளில் திடக்­க­ழிவு மேலாண்­மைக்­கான டெண்­டர்­க­ளும் ரத்து செய்­யப்­பட்­டுள்­ளன. நக­ராட்சி நிர்­வா­கத் துறை­யில், சென்னை மாந­க­ராட்­சி­யில் மட்­டும் 700 கோடி மதிப்­பி­லான டெண்­டர்­கள் ரத்து செய்­யப்­பட்­டுள்­ளன. தவெக ஆட்­சிப்­பொ­றுப்­பேற்ற ஆறு மாதங்­க­ளில் இரண்­டா­யி­ரத்து 993 டெண்­டர்­கள் ரத்து செய்­யப்­பட்­டுள்­ளன. தொடர்ந்து டெண்­டர்­களை ரத்து செய்­வ­தில் ஆர்­வம் காட்டி வரும் த.வெ.க. அரசு, இது­வரை செய்­துள்ள மூல­தன செலவு எவ்­வ­ளவு என கணக்கு காட்ட மறுக்­கி­றது. விஜய் ஆட்­சி­யில் முதல் 6 மாதம் கடன் வாங்­கு­வதை குறைத்­த­தாக சொல்­லி­விட்டு, அடுத்த 3 மாதத்­தில் 48 ஆயி­ரம் கோடி கடன் வாங்க த.வெ.க. அரசு திட்­ட­மிட்­டுள்­ளது.

இது­தொ­டர்­பாக, முன்­னாள் நிதி­ய­மைச்­சர் தங்­கம் தென்­ன­ரசு வெளி­யிட்­டுள்ள அறிக்­கை­யில், செலுத்­தாத நிலு­வைத் தொகையை சேமிப்பு என சொல்ல முடி­யாது என்­றும், ஒப்­பந்­த­தா­ரர்­க­ளுக்கு பணம்கொடுக்­கா­மல் நிறுத்தி வைத்து, கடனை குறைந்­த­தாக த.வெ.க. அரசு பொய் கணக்கு காட்­டு­வ­தா­க­வும் குற்­றம்­சாட்­டி ­யுள்­ளார். டெண்­டர்­களை ரத்து செய்­வ­தால், மக்­க­ளுக்­கு­தான் மிகப் பெரிய பாதிப்பு ஏற்­ப­டும் என்­றும் அவர் தனது அறிக்­கை­ளில் சுட்­டிக்­காட்­டி­யுள்­ளார்.