“வ டமாவட்டங்களில் கள்ளச் சாராய சாவுகள் அடிக்கடி நடைபெறும் மாவட்டமான குறிச்சி மாவட்டத்தில் இரண்டு பெயரை தன் பெயரில் கொண்டிருப்பவர் எம்.எல்.ஏ.வாக உள்ளார். இவர் வெளிநாடுகளில் பணி யாற்றி விட்டு, சென்னையில் சில காலம் பணியாற்றி னார். தேர்தலுக்கு ஓராண்டுக்கு முன்னர் தான் அரசியலுக்கு வந்தார். வந்தவருக்கு சீட் வழங்கப்பட்டு விட்டது.

புதிய மாவட்டமான இந்த மாவட்டத்தின் எம்.எல்.ஏ.வாக த.வெ.க. வைச் சேர்ந்தவர் வெற்றி பெற்றார். இளம் வாலிபர். இதனால் துடிப்புடன் வேலை செய்வார் என்று மக்கள் நினைத்தனர். ஆனால் இவர் வேலையைத் தவிர மற்ற வேலைகளில் துடிப்புடன் செயல்படத் தொடங்கிவிட்டார்.

ஆளும் கட்சியைச் சேர்ந்தவர் எம்.எல்.ஏ.வாக இருப்பதால், மாவட்டத்தின் பெண் கலெக்டர் இவருக்கு முக்கியத்துவம் கொடுத்துள்ளார். அவரும் இளம் கலெக்டர் என்பதால், ஏதாவது மக்களுக்கு செய்ய வேண்டும் என்ற ஆர்வத்தில் இருப்பவர். இவரது கணவரும் பக்கத்து மாவட்டத்தில் கலெக்டராக இருப்பவர். அவரும் அதே போல மக்களுக்கு ஏதாவது செய்ய வேண்டும் என்று நினைப்பவர்.

ஆனால், கலெக்டர் தனக்கு கொடுக்கும் மரியாதையை தவறாக புரிந்து கொண்ட எம்.எல்.ஏ. தவறான பொருள்படும்படி மெசேஜ் அனுப்பியுள்ளார். இரவில் நன்றாக குடிக்கும் பழக்கம் உள்ள எம்.எல்.ஏ. தினமும் இரவில் குடிப்பாராம். இந்தநிலை யில்தான் போதையில், தனது மாவட்டத்தின் பெண் கலெக்டருக்கு ஆபாச எஸ்.எம்.எஸ். அனுப்பியுள்ளதாக தகவல்கள் வெளியாகி யுள்ளன.

மேலும், ஒருநாளில் இரவில் வீட்டுக்கு வந்ததாகவும் கூறப்படுகிறது. அவரும் மக்கள் பிரதிநிதி என்பதால் மரியாதை கொடுத்து பேசியுள்ளார். ஆனால், அவரது பேச்சு சரியில்லை என்பதால், தனது கணவரிடம் கூறியுள்ளார். அவர் உடனடி யாக மனைவி பணி யாற்றும் மாவட்ட எஸ்.பி.க்கு தகவல் கொடுத்துள்ளார். எஸ்.பி. பெண் என்பதால், புகாரின் தீவிரத்தை உணர்ந்து டி.எஸ்.பி.யை அனுப்பி விசாரித் துள்ளார். தற்போது கலெக்டருக்கு 24 மணி நேரமும் பாதுகாப்பு கொடுக்கப்பட்டுள்ளது.

ஆளும் கட்சி எம்.எல்.ஏ.வின் இந்த அத்துமீறல் குறித்து கட்சியின் பொதுச் செயலாளரும், விழுப்புரம் மாவட்டப் பொறுப்பாளருமான புஸ்ஸி ஆனந்தி டம் புகார் செய்யப்பட்டுள்ளது. அவர் சம்பந் தப்பட்ட எம்.எல்.ஏ. மற்றும் பெண் கலெக்டர் மற்றும் அவரது கணவர் ஆகியோரை நேரில் அழைத்து விசாரித்துள்ளார். பின்னர். இது குறித்து எம்.எல்.ஏ.வை கடுமையாக திட்டி அனுப்பியுள்ளார். ஆனால் எம்.எல்.ஏ.க்கு அடி விழுந்ததாகவும் அவரது தொகுதியில் பேசும் பொருளாக உள்ளது. தற்போது ஒரு பெண் கலெக்ட ருக்கே இந்த நிலை ஏற்பட்டுள்ளதாக புகார்கள் எழுந்துள்ளன.

இந்த விவகாரத்தை தற்போது மூடி மறைக்கும் வேலைகள் நடந்து வருகின் றன. கலெக்டரிடம் புகார்கொடுக்க வேண்டாம் என்று ஆளுங்கட்சி சார்பில் கோரப்பட்டதால் புகார்கள் கொடுக்காமல் மன்னித்து விட்டதாகவும் தகவல்கள் வெளியாகியுள்ளன. பெண் கலெக்டர் பெருந்தன்மையாக நடந்து கொண்டாலும், மக்கள் பிரதிநிதியான எம்.எல்.ஏ. தனது நிலையில் இருந்து தவறுவது நல்ல தல்ல. நாளை மக்கள் எப்படி இவரை நம்பி செல்ல முடியும் என்றும் பொது மக்களும், சமூக ஆர்வலர்களும் கேள்வி எழுப்புகின்றனர்.

“ஏற்கனவே ஒரு எம்.எல்.ஏ. மற்றும் கட்சி நிர்வாகிகள் மீது மகளிரணி நிர்வாகிகள் உட்பட பல பெண்கள் பாலியல் புகார் கொடுத்திருக்காங்க அதுக்கே இன்னும் பதில் கிடைக்கல. இப்போ பெண் கலெக்ட ருக்கே ஆளும் கட்சி எம்.எல்.ஏ. இரவில் வில்லங்க மெசேஜ் அனுப்பி இருக்காரே. இதை எப்படி சொல்லுவாங் கன்னு கேட் டோம். இதுதான் இந்த ஆட்சியில் பெண்களின் பாதுகாப்புக்கு சாட்சி.