தஞ்சாவூர், நவ.12 –
தஞ்சை மத்திய மாவட்டக் கழகச் செயலரும், திருவையாறு சட்டமன்ற தொகுதி உறப்பினருமான துரை.சந்திரசேகரன் அறிக்கை வெளியிட்டுள்ளார்.
அவர் வெளியிட்டுள்ள அறிக்கையில் கூறி யிருப்பதாவது: “த.வெ.க. அரசுக்கு ஏன் வாக்களித்தோம்? என்று தமிழக மக்கள் தினமும் வருந்தி வருகின்றனர். இந்நிலையில் கடும் விலை வாசி உயர்வு மற்றும் சட்டம் ஒழுங்கு சீர்கெட்டு தமிழகம் கொலைகளமாக மாறியுள்ளது. ஆட்சியாளர்களால் ஏற்படுத்தப்படும் இன்னல்கள் நாளுக்கு நாள் அதிகரித்து வருவது கடும் கண்டனத் திற்குரி யது. மாவட்டத்தில் உயர் பதவியில் உள்ள பெண் கலெக்டர் வீட்டுக்கே சென்று தொல்லை கொடுத்தது மட்டுமல்லாமல் ஆபாச குறுந்தகவல் அனுப்பிய கள்ளக்குறிச்சி த.வெ.க எம்.எல்.ஏ அருள் விக்னேஷ் மீது விசாரணை மேற்கொண்டு அவரை கைது செய்ய வேண்டும்.
இதேபோல் குடிநீர் கேட்டு கோரிக்கை வைக்க சென்ற சாமானியரை கடுமையாக தாக்கி தகாத வார்த்தைகளால் பேசியதுடன், இன்ஸ்பெக்டரை வைத்து கொலை மிரட்டல் விடுத்து அச்சுறுத்திய துறையூர் எம்.எல்.ஏ-வும், துணை சபாநாயகருமான ரவிசங்கர் மீது முதல்வர் நடவடிக்கை எடுப்பாரா? என்று பொதுமக்கள் எதிர் பார்க்கின்றனர்.
இந்த இரண்டு பிரச்சி னைகள் குறித்து மவுனம் கலைப்பாரா முதல்வர் விஜய்? உடனடி நடவடிக்கை எடுக்கவில்லை என்றால் முதல்வரின் ஒப்புதலோடுதான் இதுபோன்ற சம்பவங்கள் நடப்பதாக நம்பி தமிழக மக்கள் ஆட்சியாளர்களுக்கு தக்க பாடம்புகட்டுவர். ஆகவே த.வெ.க. எம்.எல்.ஏ.க்கள் 2 பேர் மீதும் உரிய நடவடிக்கையை உடனடியாக எடுக்க வலியுறுத்துகிறேன்.
இவ்வாறு தஞ்சை மத்திய மாவட்டக் கழகச் செயலாளர் துரை.சந்திரசேகரன் எம்.எல்.ஏ அறிக்கை விடுத்துள்ளார்.