ப
க்காவாக திட்டமிடப்பட்டு... ஆனால் கொஞ்சம் பக்கோடா திட்டமாகப் மாறிக்கொண்டிருக்கும் ஒரு கோல்ட் ப்ளட்டட் மர்டர் ருக்கு இணையான அல்ல... அதைவிட கொடூரமான சம்பவம் தான் இது..!
ஒரு நாலு நாள் தொடர் விடுமுறை கிடைத்தால், தமிழ்நாட்டின் அப்பர் கிளாஸ் துவங்கி... அது கொஞ்சம் கொஞ்சமாக அப்பர் மிடில் கிளாஸில் பயணித்து... அதுவே மெல்ல மெல்ல பயணித்து மிடில் கிளாஸ், லோயர் மிடில் கிளாஸ் வரை வந்து நிற்கும் சுற்றுலா தளங்களின் பட்டியில் இன்றைக்கு முக்கிய இடத்தைப் பிடித்திருப்பது கோவையின் ஈஷா யோகா மையம் என்றால் யாராவது
மறுப்பீர்களா..?!
அப்படி இல்லை என்றால் தொடர்ந்து இந்தக் கட்டுரையின் ஊடே என்னோடு பயணியுங்கள்.
அப்படி அந்த ஈஷா யோகா மையம், அதைக் காணச் செல்லும் குடும்பங்களின் தலைவர் தலைவிக்கோ அந்தக் குடும்பங்களைச் சார்ந்த இளைஞர், இளம் பெண்களுக்கோ அல்லது மாணவ மாணவிகளுக்கோ எதைக் கொடுக்கின்றது?
நல்ல வைப் கிடைக்கிறது என்பார்கள். மூட நம்பிக்கைகளின் அடுத்த பரிணாமம் அங்கே விதைக்கப்படுகிறது. அங்கே தயாரிக்கப்படும் நிறைய பொருட்கள் ஆன்மீக சாயங்களுடன் அந்த அப்பாவி மக்களின் தலையில் கட்டப்படுகின்றது. தொடர்ந்து வந்தால் வாழ்க்கையில் உச்சம் பெறலாம் என்ற போலி நம்பிக்கைகள் திணிக்கப்படுகின்றன.
சில பல ஆயிரம் கோடிகள் அங்கே கொட்டோ கொட்டென்று கொட்டப்படுகின்றது. அவை அனைத்துமே இப்படியான சாமான்ய பொது மக்களிடம் இருந்து அங்கே செல்வதற்காக அவர்கள் செலவழிக்கும் சில நூறுகளில் அல்லது ஆயிரங்களில் துவங்கி லட்சக் கணக்கில் வசூலிக்கப்பட்டது தான்.
ஆனால் அந்த செலவுகளுக்கான உண்மையான அல்லது முழுமையான பலன்கள் அந்த அப்பாவி மக்களுக்குக் கிடைத்ததா என்றால் சிம்ப்ளி நோ என்பது தான் பதில். அதையும் மீறி சிலர் அங்கே சென்று வந்த பிறகு தான் தனக்கு நல்ல வளர்ச்சி கிடைத்தது, மனத் தெளிவு கிடைத்தது, வேலை கிடைத்தது, திருமணம் நடந்தது, கடன் நீங்கியது, ஆரோக்கியம் கிடைத்தது என்று சொல்வார்களேயாயின், அது அவர் முட்டாள்தனமாக பணத்தை செலவழித்ததாக குற்றம்சாட்டும் தன்னுடைய உள்ளுணர்வுக்கு சொல்லும் சமாதானமாகவே கருதப்பட வேண்டும்!
இந்த நிலையில் தான், கொங்கு மண்டலம் என்றாலே, உழைப்பாளர்களின் உலகம். கோவை என்றாலே தென் இந்தியாவின் மான்செஸ்டர், ஜி.டி.நாயுடுவின் அபூர்வமான கண்டுபிடிப்புகள், தொழில் நுட்பங்கள், தொழில் யுக்திகள். நல்ல பண வளம் கொழிக்கும் பகுதி என்கிற அடையாளங்களை எல்லாம் கடந்து.
கோவை என்றாலே ஈஷா மையம் தான் அடையாளமாக மாறிக் கொண்டிருந்த இந்த நிலையில் தான்.
இல்லை இல்லை கோவை ஒரு அறிவு சார் பகுதி. அங்கே இருப்பவர்கள் தங்கள் பொது அறிவையும், உலக அறிவையும், தொழில் நுட்பங்களின் புதிய வரவுகளையும், மேற்படிப்புகளுக்கான போட்டித் தேர்வுகளையும். இப்படியாக அனைத்து தளங்களிலும் அவர்கள் தங்களை மேம்படுத்திக் கொள்ளவும், புதுப்பித்துக் கொள்ளவும். கல்வி, வேலை வாய்ப்பு மற்றும் தொழில் என்று அனைத்திலும் தங்களை வளர்துக்கொள்ள ஏதுவாக அங்கே அமைக்கப்பட்டது தான் பெரியார்
அறிவுலகம்.
முத்தமிழறிஞர் கலைஞர் அவர்கள் அவரது ஆட்சிக் காலத்தில் சென்னையில் கட்டிய ஆசியாவிலேயே மிகச் சிறந்த அண்ணா நூற்றாண்டு நினைவு நூலகம் போன்று தமிழ்நாடு முழுவதும் முதற்கட்டமாக பல்வேறு முக்கிய மாநகரங்களிலும் உருவாக்கி, அந்தந்த பகுதி மக்கள். குறிப்பாக இளைஞர்கள், மாணவர்கள் பயன்பெற வேண்டும் என்ற உயரிய நோக்கத்திற்காகவே கடந்த திமுக ஆட்சியில் முத்துவேல் கருணாநிதி ஸ்டாலின் அவர்களால் முன்னூறு கோடிக்கும் மேலான செலவில் பிரம்மாண்டமாக உருவாக்கப்பட்டது தான் இந்த பெரியார் அறிவுலகம்.
ஏற்கனவே மதுரையில் துவங்கப்பட்ட இந்த மாதிரியான நூலகம், அடுத்தடுத்த கட்டங்களாக திருச்சி, நெல்லை என்று கடந்த திமுக ஆட்சியிலேயே திட்டமிடப்பட்டு, பணம் ஒதுக்கீடு செய்து அதற்கான வேலைகளும் நடந்து கொண்டிருக்கின்ற நிலையில் தி.மு.க. ஆட்சி போய், த.வெ.க. ஆட்சி வருகின்றது. முழுமையாக கட்டி முடிக்கப்பட்டிருந்த, கோவை பெரியார் அறிவுலகத்தை, ஐந்தரை மாதங்கள் கழித்து நடிகர் விஜய் திறந்து வைக்கின்றார். காரணம் அவர் தான் இன்றைக்கு முதலமைச்சர்.
ஆனால் பெரியார் அறிவுலக திறப்புவிழா என்பது அதற்குறிய பிரம்மாண்டத்துடன், அதாவது அங்கே ஒரு ஈஷா மையம் எந்த அளவிற்கான விளம்பரங்களோடு செயல்படுகின்றதோ, அதற்கு சற்றும் குறைவில்லாத வகையில்... பல்வேறு துறை சார்ந்த அறிஞர்களை வரவழைத்து கோவை மண்டல இளைஞர்களே, இளம் பெண்களே, மாணவ மாணவிகளே வாருங்கள், வந்து இந்த அறிவுலகைப் பாருங்கள், அறிவியல் பூர்வமாக உங்கள் ஐக்யூவை வளர்த்துக்கொள்ளுங்கள், உயர்நிலை போட்டித் தேர்வுக்கு இங்கே வந்து படியுங்கள், கருத்தரங்கங்களை நிகழ்த்துங்கள் இப்படியாக விளம்பரம் செய்து அவர்களை ஈர்க்கும் வகையில் அல்லவா அந்த திறப்பு விழா நடந்திருக்க வேண்டும்?
ஆனால் அந்த திறப்பு விழாவில் விளம்பரப்படுத்தப்பட்டது என்ன தெரியுமா? அந்த திறப்பு விழாவை விரைவாக முடித்துக் கொண்டு, அங்கிருந்து கேரளாவில் இருக்கும் ஒரு பெரிய நகைக்கடை வியாபாரியின் வீட்டு நிகழ்ச்சிக்காக நடிகர் விஜய் செல்வதற்கு அந்த நகைக்கடை வியாபாரியால் நிறுத்தப்பட்டிருக்கும் காஸ்ட்லியான ஹெலிகாப்டரும் அன்றைக்கு பெய்த மழையில் நனைந்தவாறே சில பெண்கள் நடிகர் விஜய்யைப் பார்ப்பதற்காக பேரிகேட்டுக்கு பின்பாக நின்று ஆடிப்பாடும் கூத்துக்களும் தான் பெரியார் அறிவுலக திறப்பு விழாவின் ஆகச் சிறந்த நிகழ்வுகளாக விளம்பரப்
படுத்தப்பட்டன.
நெஞ்சு பதறுமா இல்லையா அதைக் கட்டி முடித்தவருக்கு?நல்லதோர் வீணை செய்தே, அதை நலங்கெடப் புழுதியில் வீசிக் கொண்டிருக்கின்றானே இந்த அறிவு கெட்ட ஆட்சியாளன் என்ற கோபமும், ஆற்றாமையும் வரும் தானே, இளைஞர்களின் நலனுக்காகவே அதைத் திட்டமிட்டு கட்டிக் கொடுத்த அந்த முன்னாள் ஆட்சியாளருக்கு?
ஆம் அவருக்கு மேற்சொன்ன அந்த கந்தாயங்கள் எல்லாம் மனதிற்குள் வந்தது தான். ஆனால் அதற்காகவெல்லாம் அவர் இது விதி என்று தலையில் கை வைத்துக் கொண்டு முடங்கி விடாமல், கோவைக்குச் செல்கிறார். அவரால் அதை மீண்டும் திறந்து வைக்க முடியாது தான். ஆனாலும்அதை பிரகடனப்படுத்துகிறார். அதைப் பார்வையிடுகிறார். அதை பேசுபொருளாக்குகிறார். அங்கே என்னவெல்லாம் இருக்கின்றது. யார் யாருக்கெல்லாம் அதனால் பயன் கிடைக்கப் போகின்றது என்று தங்கள் இயக்கத் தொண்டர்கள் மூலம் பரப்புரை செய்கிறார்.
அறிவுத்தேடலில் இருக்கும், முன்னேறத்துடிக்கும் இளைஞர்களும், பொது மக்களும் அதைக் காண அணிதிரண்டு வருகின்றனர்.
விடுவார்களா அறிவுக் கெடுதிகள்? தாங்கிக் கொள்வார்களா மூட நம்பிக்கை வியாபாரிகள்?
பெரியார்_அறிவுலகம் கோவையின் அடையாளமாக மாறிப்போனால் ஈஷாவின் வருமானம் குறையுமே. மக்கள் அறிவுத்தெளிவு கொண்டுவிட்டால், மதத்தின் பெயரில், ஆன்மீகத்தின் பெயரில் கல்லா கட்டுவது தடைபடுமே?
அவர்கள் வீழ்வதற்கான மூடநம்பிக்கையை காசுகொடுத்து வாங்கிக் கொண்டிருந்தார்கள். அறிவை இலவசமாகவே தருகின்றோம் வாருங்கள் என்று அழைத்தால். கொஞ்சம் கொஞ்சமாக ஒரு கட்டத்தில் எல்லோருமே அங்கு சென்று விடுவார்களே?
அதனால் தான் பெரியார் அறிவுலகம் பற்றிய பேசு பொருள் இளைஞர் மத்தியில் முன்னாள் முதலமைச்சர் மு.க.ஸ்டாலின் அவர்களால் உருவாக்கப்பட்ட ஒரு சில தினங்களில்
இந்த கட்டுரையின் முதல் பத்தியில் சொன்ன அந்த பக்கோடா திட்டம் உருவாக்கப்படுகிறது. யாரால்? யாராலோ! அதை வாசகர்களின் முடிவுக்கே விட்டுவிடுகின்றேன். அவர்கள் முடிவெடுக்க தேவையான தரவுகள் சிலவற்றையும் இங்கே தருகிறேன்.
இந்த பெரியார் அறிவுலக சர்ச்சை யாரால் எழுப்பப்படுகிறது, எங்கே எழுப்பப்படுகிறது?
பெருமாள் முருகனால் எழுப்பப்படுகிறது. அவர் எந்தப் பின்னணியில் இருப்பவர்? காலச்சுவடு பதிப்பகத்தின் பின்னணியில் இருப்பவர். காலச்சுவட்டின் எஸ்டிடி என்ன? ஈழப்பிரச்சினையில் திமுகவை. விட்டுவிடுவோம், வாசகர்களுக்குப் புரிந்திருக்கும். இத்தனைக்கும் இந்த பெருமாள் முருகன் அந்த நூலகத்திற்கு நூல்கள் வாங்கும் குழுவில் இடம்பெற்றிருந்த முக்கிய உறுப்பினர். அங்கே தவறான புத்தகங்கள் வாங்க முடிவு செய்திருந்தால் அப்பொழுதே அப்ஜெக்ஷன் தெரிவித்திருக்கலாமே?
ஏன் ஏழெட்டு மாதம் கழித்து நடிகர் விஜய் திறந்த பொழுது சும்மா இருந்தவர், முன்னாள் முதலமைச்சர் அங்கு வந்து சென்று பேசு பொருளானபிறகு ஏன் இந்தப் பிரச்சினையை கிளப்புகிறார்?
ஓகே, அடுத்து அவர் அந்த சர்ச்சைக்குறிய கட்டுரையை எங்கே. அதாவது எந்த மீடியாவில் எழுதிகிறார்? ‘சிந்தை’ இணையதளத்தில். அது யாருடையது? சமஸ் உடையது. சமஸ் எங்கே வேலை செய்கிறார்? புதியதலைமுறையில். புதிய தலைமுறை திமுகவுக்கு ஆதரவா எதிர்ப்பா? அதன் ஓனர் பச்சை திமுக எதிர்ப்பாளர் என்று தமிழ்நாட்டின் பச்சைக் குழந்தைக்குக் கூட தெரியும்.
ஆனாலும் அந்த சமஸ் நடுநிலையாளரா? நிச்சயமாக இல்லை. அவர் ஆகச் சிறந்த திமுக எதிர்ப்பாளர். இதுவும் ஊரறிந்த ரச்கசியம்.
இந்த சர்ச்சையில், திமுக தன் மீது தவறில்லை என்பதற்கு ஏகப்பட்ட ஆதாரங்களை அடுக்கிக் கொண்டே இருக்கின்றார்கள். அந்த புத்தகங்களின் ஆசிரியர்கள் பெயரையெல்லாம் திமுகவின் கடைகோடி தொண்டன் கூட ஏற்கமாட்டான். உச்சக்கட்டமாக, லஞ்ச ஒழிப்புத் துறையில் திமுகவே இது பற்றி விசாரிக்க கோரிக்கை வைத்துள்ளது.
இதில் என்னுடைய கருத்து என்னவென்றால் நடப்பது தவெக ஆட்சி, தி.மு.க. ஆட்சியில் தான் இந்த தவறு நடந்தது என்றால், இது ஒரு லட்டு மாதிரியான விஷயம் தவெகவுக்கு. லஞ்ச ஒழிப்புத்துறை, சி.பி.சி.ஐ.டி., சி.பி.ஐ., ஐ.பி., ரா.போன்றெல்லாம் இதை விசாரித்துத்தான் உண்மையைக் கண்டறிய வேண்டும் என்ற தேவையே இல்லை.
ஜஸ்ட் துறை ரீதியான விசாரணையை மேற்கொண்டாலே போதும். இதில் குற்றவாளி யார் என்பதை சொடுக்குப் போடும் நேரத்தில் கண்டுபிடித்து உள்ளே தள்ளிவிடலாம். ஆனால் ஏன் அதைச் செய்ய தவெக அரசு தடுமாறுகிறது..?!
இது எங்கள் சிக்னேசர் பிராஜெக்ட். இது எங்கள் பெருமை என்று மார்தட்டிக்கொள்ளும் திமுக மற்றும் அதன் தலைவர், சில பல லட்சம் லஞ்சப்பணத்திற்காக தங்கள் பெருமையைக் கெடுத்துக்கொள்வார்களே என்ற கேள்வியோடு நூலகங்களை யார் மூடுவார்கள் என்ற கேள்வியையும் எழுப்ப விரும்புகிறேன்.
இதே போன்று தான் சென்னையில் அண்ணா நூற்றாண்டுநினைவு நூலகம் திறந்த பிறகு, அ.தி.மு.க. ஜெயலலிதா ஆட்சி அமைந்தது.அப்பொழுது இந்தியா வந்த அமெரிக்க முன்னாள் அதிபரின் மனைவி அதை பார்வையிட வந்தார். புரோட்டகால் படி அன்றைய முதல்வராக இருந்த ஜெயலலிதாவும் அங்கே செல்ல வேண்டியிருந்தது.
அதில் கலைஞருக்கு கிடைத்த புகழைக் கண்டு பொறுக்க மாட்டாமல், அந்த பிரம்மாண்ட நூலகத்தை சேட்டு வீட்டு திருமணத்திற்கு வாடைக்கு விட்டு அதை அடியோடு அழிக்க நினைத்தவர் தான் ஜெயலலிதா. ஆனால் வழக்குத் தொடர்ந்து அந்த நூலகத்தை மீட்டது தி.மு.க.
இது வரலாறு, வரலாறு மீண்டும் திரும்புகிறது. அவ்வளவு தான்.
ஆனால் வரலாறு இன்னொன்றையும் பதிவு செய்திருக்கின்றது. அதாவது கலைஞருக்குப் புகழ் சேர்க்கக் கூடிய அண்ணா நூற்றாண்டு நினைவு நூலகம், புதிய தலைமைச் செயலகம், சமச்சீர் கல்வி போன்றவற்றை அழிக்க நினைத்த ஜெயலலிதா ஊழல் குற்றவாளியாகத் தான் இறந்து போனார் என்பது தான் அது!
இனி அவர்கள் அஜெண்டா என்பது திமுக நூலகங்கள் கட்டியதே ஊழல் செய்யத்தான். நூலகங்கள் என்றாலே ஊழல். நூலகங்கள் பல நூறு கோடிகளில் தேவையா?
இப்படியான கேள்விகளை மக்கள் மத்தியில் படிப்படியாக எழுப்பிக்கொண்டே வந்து. கட்டிய நூலகங்களை வேறு செயல்பாடுகளுக்கு மாற்றவும், கட்டிக் கொண்டிருக்கும் நூலகங்களை தடுத்து நிறுத்தவும். எல்லோருக்கும் கல்வி, அறிவு என்பதை விரும்பாத கூட்டத்தின் அடிமையாக இருக்கும் இந்த நடிகர் விஜய்யின் த.வெ.க. அரசு முயற்சிகளை முன்னெடுக்கும்!
ஆனால் தி.மு.க. இருக்கும் வரை இந்த தற்குறிகளின் அடிமை சாசன நாடகம் இங்கே அரங்கேற முடியாது என்பது தான் உண்மை..!