சென்னை, நவ.12–

பள்ளி மாண­வர்­க­ளுக்கு இல­வச சைக்­கிள் வாங்­கும் டெண்­ட­ரி­லும் ஊழல் செய்து 6 மாதத்­தி­லேயே மெகா ஊழல் ஆட்­சி­யாக த.வெ.க. ஆட்சி மாறி­யுள்­ள­தாக ‘தின­க­ரன்’ நாளேடு தலை­யங்­கத்­தில் விமர்­சித்­­­­துள்­ளது.

இது குறித்து 10.11.2026 தேதிய ‘தின­க­ரன்’ நாளேடு தலை­யங்­கத்­தில் குறி­யுள்ள­ தாவது:–

தூய ஆட்சி என கூறிக்­கொண்டு ஆட்­சிக்குவந்த தவெக, 6 மாதத்­தி­லேயே ஊழல் ஆட்­சி­யா­க­வும், வெறுப்பு ஆட்­சி­யா­கும் ஆகி­விட்­ட­தாக வாக்­க­ளித்த மக்­கள் புலம்பி வரு­கின்­ற­னர். த.வெ.க. ஆட்­சிக்கு வந்து 6 மாதத்­தில் மின்­சா­ரத்­துறை, இந்துசமய அற­நி­லை­யத்­துறை உள்­ளிட்ட பல்­வேறு அரசு துறை­க­ளில் சுமார் ரூ.1,01,715 கோடி அள­வுக்கு மெகா ஊழல் முறை­கே­டு­கள் நடந்­துள்­ள­தாக தி.மு.க. தெரி­வித்­துள்­ளது.

அரசு கஜா­னா­வில் மக்­கள் வரிப்­ப­ணம் மிக மோச­மாக விர­யம் செய்­யப்­பட்­டுள்­ள­தா­க­வும், ஒப்­பந்­தங் ­கள் மற்­றும் கொள்­மு­தல்­க­ளில் வெளிப்­ப­டைத் ­தன்மை துளி­யும் இல்லை என்­றும் குற்­றம்­சாட்­டி ­­­யுள்­ளது. மேலும் பழனி தண்­டா­யு­த­பாணி சுவாமி திருக்­கோ­யில் நில விவ­கா­ரத்­தில் ரூ.100 கோடி முறை­கேடு நடந்து விசா­ரணை நடந்து வரு­கி­றது.

அந்த வரி­சை­யில் தமிழ்­நாட்­டில் பள்ளி மாண­வர்­க­ளுக்கு இல­வச சைக்­கிள் வாங்­கும் டெண்­ட­ரில் ஊழல் நடந்­த­தாக எதிர்க்­கட்­சி­கள் மற்­றும் அர­சி­யல் விமர்­ச­கர்­கள் குற்­றம் சாட்­டி­யுள்­ள­னர். புதுச்­சேரி மாநி­லத்­தில் ஒரு மாண­வ­ருக்­கான சைக்­கிள் ரூ.3,610 விலை­யில் வாங்­கப்­பட்­டுள்­ளது. தமிழ்­நாட்­டில் ஒரு சைக்­கிள் சுமார் ரூ.7,235 விலைக்கு (புதுச்­சே­ரியை விட கிட்­டத்­தட்ட 2 மடங்கு கூடு­தல் விலைக்கு) கொள்­மு­தல் செய்­யப்­ப­டு­வ­தாக தக­வல்­கள் வெளி­யா­கி­யுள்­ளன.

5 லட்­சத்­துக்­கும் அதி­க­மான சைக்­கிள்­களை மொத்­த­மாக வாங்­கும்­போது விலை குறை­வா­கத்­தான் இருக்க வேண்­டும். ஆனால் அள­வுக்கு அதி­க­மாக விலை நிர்­ண­யம் செய்­யப்­பட்டு மக்­க­ளின் வரிப்­ப­ணம் வீண­டிக்­கப்­ப­டு­வ­தாக திமுக உள்­ளிட்ட எதிர்க்­கட்­சி­கள் குற்­றம்­சாட்­டு­ கின்­றன. தமிழ்­நாட்­டில் உள்ளஅரசு மற்­றும் அரசு உதவி பெறும் பள்­ளி­க­ளில் படிக்­கும் 5.32 லட்­சம் மாணவ, மாண­வி­க­ளுக்கு விலை­யில்லா சைக்­கிள் வழங்­கு­வ­தற்­கான டெண்­டரை முன்­னணி நிறு­வ­னம் அண்­மை­யில் கைப்­பற்­றி­யது.

மாண­வர்­க­ளுக்­கான சைக்­கிள் ஒன்­றுக்கு ரூ.7,235 மற்­றும் மாண­வி­க­ளுக்­கான சைக்­கிள் ஒன்­றுக்கு ரூ.7,476 என விலை நிர்­ண­யம் செய்­யப்­பட்­டுள்­ளது. 8,800 சைக்­கிள்­கள் வாங்­கும் புதுச்­சேரி அர­சுக்கு ரூ.3,610 விலை­யில் கிடைக்­கும்­போது, அதை­விட 60 மடங்கு அதி­க­மாக அதா­வது 5 லட்­சத்­துக்­கும் மேற்­பட்ட சைக்­கிள்­களை வாங்­கும் தவெக அர­சுக்கு அதை­விட குறைந்த விலை­யில்­தான் கிடைத்­தி­ருக்க வேண்­டும். பொது­வாக மொத்­த­மாக கொள்­மு­தல் செய்­யும்­போது தயா­ரிப்பு செலவு குறைய வேண்­டும் என்­ப­து­தான் சாதா­ரண மக்­க­ளின் கேள்­வி­யாக உள்­ளது.

தவெக அர­சின் மின்­சார கொள்­மு­தல் டெண்­டர் விவ­கா­ரத்தை தொடர்ந்து, தற்­போது சைக்­கிள் டெண்­ட­ரி­லும் ஊழல் நடந்­துள்­ள­தாக அர­சி­யல் விமர்­ச­கர்­கள்குற்­றம் சாட்­டு­கின்­ற­னர். புதுச்­சேரி சைக்­கிள் டெண்­டர் குறித்த தக­வல்­கள் உண்­மைக்கு புறம்­பா­னவை என மின்­சா­ரத்­துறை அமைச்­சர் நிர்­மல்­கு­மார் மறுப்பு தெரி­வித்­துள்­ளார். புதுச்­சே­ரி­யின் சைக்­கிள் டெண்­டர் ஆவ­ணம் உண்­மை­யில்லை என்­றால், தமி­ழக அரசு பெற்­றுள்ள டெண்­டர் ஆவ­ணங் ­களின் அசல் நகலை பொது­வெ­ளி­யில் வெளி­யிட வேண்­டும் என்ற கோரிக்கை வலுத்து வரு­கி­றது.

சைக்­கிள்­க­ளு­டன் சேர்த்து ஹெல்­மெட் மற்­றும் தண்­ணீர் பாட்­டில் வழங்­கப்­ப­டு­வ­தாக கார­ணங்­கள் கூறப்­பட்­டா ­லும், இவ்­வ­ளவு பெரிய விலை வித்­தி­யா­சம் ஏற்­ப­டு­வது ஏன் என்ற கேள்­விக்கு தவெக அரசு உரிய விளக்­கம் அளிக்க வேண்­டும் என அமைச்­சர் ஆதவ் அர்­ஜு­னா­வின் மைத்­து­ன­ரும், லட்­சிய ஜன­நா­யக கட்­சி­யின் தலை­வ­ரு­மான ஜோஸ் சார்­லஸ்உள்­பட பல்­வேறு தரப்­பி­ன­ரும் கேள்வி எழுப்பி உள்­ள­னர். மெகா ஊழல் நடை­பெ­று­வ­தற்கு முன் டெண்­டரை முதல்­வர் விஜய் தடுத்து நிறுத்தி நட­வ­டிக்கை எடுக்க வேண்­டும் என்­பதே அனை­வ­ரின் எதிர்­பார்ப்­பாக உள்­ளது.

இவ்­வாறு அதில் கூறப்­பட்­டுள்­ளது.