கள்ளக்குறிச்சி, நவ.12 –
கள்ளக்குறிச்சி த.வெ.க. சட்டமன்ற உறுப்பினர் அருள் விக்னேஷ், மாவட்ட ஆட்சியருக்கு ஆபாச குறுஞ்செய்தி அனுப்பியது தொடர்பான செய்திகள் சமூக வலை
தளங்களில் பரவி வந்த நிலையில் அதை ஆய்வு செய்து கடுமையான நடவடிக்கை எடுக்கக் கோரி கள்ளக்குறிச்சி மாவட்ட காவல் கண்காணிப்பாளரை நேரில் சந்தித்து கள்ளக்குறிச்சி தெற்கு மாவட் டச் செயலாளர் வசந்தம் க.கார்த்திகேயன் எம்.எல்.ஏ. மனு வழங்கினார்.
அப்போது கள்ளக்குறிச்சி நாடாளுமன்ற உறுப்பினர் தே.மலையரசன் உளுந்தூர்பேட்டை சட்டமன்ற உறுப்பினர் ஜி.ஆர்.வசந்தவேல் மற்றும் கழக நிர்வாகிகள் பலர் உடன் இருந்தனர்,
இதனை தொடர்ந்து அவர் செய்தியாளர்களிடம் பேசும்போது.
கள்ளக்குறிச்சி மாவட்ட ஆட்சியருக்கு ஆபாச குறுஞ்செய்தி அனுப்பியதாக சமூக வலைதளங்கள் மற்றும் பல்வேறு ஊடகங்களில் கடந்த இரண்டு நாட்களாக தகவல் பரவி வருகிறது, ஒரு மாவட்ட ஆட்சியருக்கு பாதுகாப்பு இல்லாத நிலை என்பது வெட்கக்கேடான விஷயம், ஆளுங்கட்சி எம்.எல்.ஏ.வாக இருப்பதால் இதில் உண்மையை ஆராய முடியாது எனவே இது சம்பந்தமான வழக்கை உடனடியாக சி.பி.சி.ஐ.டி. அல்லது சி.பி.ஐ. வசம்ஒப்படைக்க வேண்டும்,
அப்பொழுதுதான் உண்மை தெரியும், மாவட்ட ஆட்சியர் புகார் அளித்தால் உரிய நடவடிக்கை எடுக்கப்படும் என அமைச்சர் ராஜ்மோகன் கூறுவது நடக்கக்கூடிய விஷயமா, ஆளுங்கட்சி எம்.எல்.ஏ. மீது மாவட்ட ஆட்சியர் புகார் கொடுத்தால் அவர் இந்த மாநிலத்தில் இருக்க முடியுமா, தன் மீது தி.மு.க. உள்ளிட்ட எதிர்க்கட்சியினர்தான் அவதூறு பரப்புகிறார்கள் என்றுசட்டமன்ற உறுப்பினர் அருள் விக்னேஷ் கூறுகிறார், அவர் மீது அவதூறு பரப்ப வேண்டிய வேலை தி.மு.க.விற்கு கிடையாது, நீங்கள் தவறு செய்திருந்தால் அதற்கான தண்டனையை நீங்கள் அனுபவித்துத்தான் ஆக வேண் டும், இந்த சம்பவம் தமிழகத்துக்கே வெட்கக்கேடான விஷயம் என்று கள்ளக்குறிச்சி தெற்கு மாவட்ட செயலாளர் வசந்தம் க.கார்த்திகேயன் எம்.எல்.ஏ. செய்தியாளர் சந்திப்பில் தெரிவித்தார், மேலும் இச்சம்பவம் தொடர்பாக மகளிர் அணி சார்பில் மிகப்பெரிய ஆர்ப்பாட்டமும் நடத்த உள்ளதாகவும் அவர் தெரிவித்தார்.