1.

கொலைகொள்ளை நடப்பதனைக் கண்டும் காணா

கொற்றத்தில் வீற்றிருக்கும் அரசும் தேரா

நிலையுற்றே இருக்குமெனில் அரசா சொல்க?

நிருவாக மாவட்ட ஆட்சி தன்னில்

நலமோங்கப் பணியாற்றும் மங்கை யர்க்கே

நாட்டமுடன் பாலியலைத் தூண்டும் செய்தி

நிலமாளும் சட்டமன்ற உறுப்பாய் உள்ளோன்

விழைவுடனே அனுப்புவது வெட்கம்! வெட்கம்!

2.

நாடுகாக்கும் காவலரைப் பணியின் போது

நாடாளும் கட்சியினைச் சார்ந்தி ருப்போன்

கோடழிக்கும் கருவியினால் கொலையே செய்தல்

கொற்றத்தை ஆள்வதூஉம் அரசே அன்று !

வாடுதுன்பக் குறைசொல்ல நாடிச் சென்ற

வாக்களித்த மாந்தனையே தாக்கு வோனும்

நாடவையின் துணைத்தலைவன் என்றால் ஆட்சி

நாட்டாட்சி மாண்பற்ற காட்டான் ஆட்சி !

(கோடழிக்கும்:: மரம்வெட்டும்)