திருவள்ளூர், நவ.13–-
தமிழ்நாட்டில் த.வெ.க. ஆட்சி அமைந்த பிறகு போதைப்பொருள் கடத்தல் தொடர்பான புகார்கள் தொடர்ந்து எழுந்து வருவது அதிர்ச்சியை ஏற்படுத்தியுள்ளது. ஆந்திர மாநிலத்தில் இருந்து திருவள்ளூர் மாவட்டம் வழியாக கஞ்சா கடத்தப்படுவதாக வந்த புகாரைத் தொடர்ந்து, மாவட்ட எஸ்.பி. உத்தரவின்பேரில் போலீசார் தீவிர வாகன சோதனையில் ஈடுபட்டனர்.
இதன்படி, ஊத்துக்கோட்டை அருகே நாகலாபுரம் சோதனைச் சாவடியில் இருசக்கர வாகனத்தில் வந்த இருவரை போலீசார் தடுத்து நிறுத்தி சோதனையிட்டனர். அவர்கள் வைத்திருந்த பையில் சுமார் 12 கிலோ கஞ்சா இருப்பது கண்டுபிடிக்கப்பட்டது.
விசாரணையில், ராமநாதபுரம் மாவட்டத்தைச் சேர்ந்த முத்துக்காளை (30), சேலம் மாவட்டத்தைச் சேர்ந்த கார்த்திகேயன் (32) ஆகியோர் கஞ்சா கடத்தி வந்தது தெரியவந்தது. மேலும், திருவள்ளூர் சுற்றுவட்டாரப் பள்ளி, கல்லூரி மாணவர்கள் மற்றும் இளைஞர்களுக்கு விற்பனை செய்ய கஞ்சா கொண்டு வந்ததும் தெரியவந்தது.
இதையடுத்து இருவரையும் கைது செய்த போலீசார், கஞ்சாவைப் பறிமுதல்செய்து நீதிமன்றத்தில் ஆஜர்படுத்தி புழல் மத்திய சிறையில் அடைத்தனர். இந்த சோப்பளாங்கி ஆட்சியில் போதைப்பொருள் கடத்தல் புகார்கள் தொடர்ந்து நடைபெறுகிறது. மாணவர்கள், இளைஞர்களின் எதிர்காலத்தைப் பாதிக்கும் கஞ்சா புழக்கத்தைக் கட்டுப்படுத்த அரசு உரிய நடவடிக்கை எடுக்குமா என்ற கேள்வி எழுந்துள்ளது.