சென்னை, நவ. 13–

இடதுசாரிக் கட்சிகளின் கூட்டு அறைகூவல் என்ற ஆவண வெளியீட்டு நிகழ்ச்சி சென்னையில் நேற்று முன்தினம் நடைபெற்றது.

இந்நிகழ்ச்சியில், மார்க்சிஸ்ட் கம்யூனிஸ்ட் கட்சி மாநிலச் ெசயலாளர் பெ.சண்முகம் பேசியதாவது: –

மாநில அரசின் நலனுக்காக உருவாக்கப்பட்ட குரியன் ஜோசப் குழுவைத.வெ.க. அரசு கலைத்தது மிகப்பெரிய தவறாகும். கள்ளக்குறிச்சி கலெக்டருக்கு த.வெ.க. எம்.எல்.ஏ. ஒருவர் ஆபாச குறுஞ்செய்தி அனுப்பியது பெரும் அதிர்ச்சியை ஏற்படுத்தியுள்ளது.

சம்பந்தப்பட்ட கலெக்டர் இந்தப் புகாரை இதுவரை மறுக்கவில்லை, இத்தகைய சூழலில், த.வெ.க. எம்.எல்.ஏ. மீது உடனடியாக வழக்குப் பதிவு செய்து, குற்றவியல் நடவடிக்கை எடுத்து, அவரைக் கைது செய்து சிறையில் அடைக்க வேண்டும்.

பாதிக்கப்பட்டவர் பக்கம் தான் அரசு நிற்க வேண்டும், இதுபோன்ற பிரச்சினைகளில் உடனடி நடவடிக்கை எடுக்க வேண்டும். ஆனால் இதுவரை த.வெ.க. அரசு இந்த விவகாரத்தில் எந்தவித நடவடிக்கையும் எடுக்காமல் மவுனம் காப்பது, உங்களுக்கு வாக்களித்த பொதுமக்களைக் கடும் ஏமாற்றத்தில் ஆழ்த்தியுள்ளது.

இவ்வாறு அவர் கூறினார்.