#Title

தலைநகர் சென்னையிலேயே ஒரே நாளில் 3 கொலைகள்! சட்டம் – ஒழுங்கு நிலைமை குறித்து ஆளுநரிடம் அறிக்கை கேட்கும் ஒன்றிய அரசு!

சென்னை, நவ.13–

“நிர்வாகத் திறனற்ற சோப்பளாங்கித.வெ.க. ஆட்சியில் தீபாவளியன்று தமிழ்நாடு முழுவதும் நடைபெற்ற 24 படுகொலைகளைத் தொடர்ந்து, சென்னையில் ஒரே நாளில் 3 கொலைகள் அரங்கேறியுள்ளன.

தமிழ்நாட்டில் த.வெ.க. ஆட்சிக்குவந்தபின் கொலை, கொள்ளை, பாலியல் வன்கொடுமை உள்ளிட்ட குற்றச்சம்பவங்கள் பெருகிவிட்டன. நவம்பர் 8ம் தேதி தீபாவளி தினத்தன்று மட்டும் தமிழ்நாடு முழு வதும் 19 படுகொலைகள் அரங்கேறின. நவம்பர் 9ம் தேதி தீபாவளிக்கு மறுநாள் 5 படுகொலைகள் என 2 நாட்களில் மட்டும் 24 பேர் படுகொலை செய்யப்பட்ட சம்பவம் தமிழ்நாட்டையே உலுக்கியுள்ளது.

தேனியில் சாலையை மறித்து பட்டாசு வெடித்து ரீல்ஸ் எடுத்த போதை கும்பலை, தட்டிக்கேட்ட சிறப்பு உதவி ஆய்வாளர் செந்தில்குமார் அடித்துக்கொலை செய்யப்பட்டார்.

தீபாவளி தினத்தில் கன்னியாகுமரி, திருநெல்வேலி மாவட்டங்களில்5 காவல்துறை எஸ்.ஐ.க்களை ரவுடி கும்பல் அரிவாளால் வெட்டி கொலைசெய்ய முயன்றன. த.வெ.க. அரசு பொறுப்பேற்ற பிறகு 6 மாதங்களில் காவல் சிறப்பு எஸ்.ஐ., ஊர்க்காவல் படை காவலர் உட்பட 5 காவலர்கள் கொலை செய்யப்பட்டனர்.

த.வெ.க. ஆட்சியில் மக்களுக்கு பாதுகாப்பு வழங்க வேண்டிய போலீஸாருக்கே பாதுகாப்பு இல்லாமல், அவர்கள் மீது தாக்குதல் நடத்தும் சம்பவங்கள் அதிகரித்துள்ளன.

இந்நிலையில், தமிழ்நாட்டின் சட்டம் – ஒழுங்கு நிலை குறித்து விரிவான அறிக்கையை தாக்கல்செய்யுமாறு ஆளுநர் அர்லேகருக்கு, ஒன்றிய உள்துறை அமைச்சகம் உத்தரவிட்டுள்ளது.

பெரம்பூரில் ஒருவர் கொலை!

சட்டம் – ஒழுங்குகுறித்து முதல்வர் விஜய், உயர் அதிகாரிகளுடன் நேற்று முன்தினம் ஆய்வுக்கூட்டம் நடத்திய நிலையில், சென்னையில் மட்டும் ஒரே நாளில் 3 படுகொலை சம்பவங்கள் அரங்கேறியுள்ளன. சட்டம் – ஒழுங்கு முற்றிலும் சீர்குலைந்து கொலை சம்பவங்கள் நாளுக்கு நாள் அதிகரித்து வருவதுமக்களிடையே அச்சத்தை ஏற்படுத்தியுள்ளது.

சென்னை பெரம்பூர்அருகே செம்பியத்தில், ரமேஷ் என்பவர் கத்தியால் சரமாரியாகக் குத்திக் கொலை.

அமைச்சர்கள் குடியிருக்கும்

பகுதியிலேயே கொலை!

சென்னையில் அமைச்சர்கள் குடியிருக்கும் அபிராமபுரம் பகுதியில் ஒருவர் படுகொலை செய்யப்பட்டுள்ளார். சென்னை பசுமை வழிச் சாலையில்அமைச்சர்கள் மற்றும் நீதிபதிகளின்குடியிருப்புகள் உள்ளன. அங்குள்ள குட்டி கிராமணி தெரு பேருந்து நிலையம் அருகே பிற்பகல் நேரத்தில் சிவக் குமார் என்பவர் ஆட்டோவில் அமர்ந்து மது அருந்திக் கொண்டிருந்தார்.

அப்போது அங்கு வந்த லோக நாதன் என்பவர், சிவக்குமாரை கத்தியால் வெட்டிவிட்டு தப்பியோடி விட்டார். இதில், பலத்த காயம் அடைந்த சிவக்குமாரை அப்பகுதியில் இருந்த பொதுமக்கள் மீட்டு, சென்னை ராஜீவ் காந்தி அரசு மருத்துவமனைக்கு அனுப்பி வைத்தனர். ஆனால், சிவக்குமார் சிகிச்சை பலனின்றி உயிரிழந்தார்.

கொலை செய்துவிட்டு தப்பி யோடிய ரவுடி லோகநாதன் மீது பல்வேறு வழக்குகள் நிலுவையில் உள்ளது குறிப்பிடத்தக்கது.

காசிமேட்டில் ஒருவர் கொலை!

காசிமேடு கடற்கரை அத்திப்பட்டு பள்ளப்பகுதி அருகே இளைஞர் ஒருவர் மூளை சிதறி இறந்து கிடப்பதாக போலீசாருக்கு தகவல் கிடைத்தது.

இதனைத் தொடர்ந்து சம்பவஇடத்திற்கு வந்த போலீசார், உடலைமீட்டு பிரேதப் பரிசோதனைக்காகஅரசு ஸ்டான்லி மருத்துவமனைக்குஅனுப்பி வைத்தனர்.

இதனைத்தொடர்ந்து நடைபெற்ற விசாரணையில், கொலை செய்யப்பட்டவர் காசிமேடு பகுதியைச் சேர்ந்த தீபக் என்ற ரவுடி என்பது தெரியவந்தது. முன்விரோதம் இருந்த நிலையில், எதிர் தரப்பைச் சேர்ந்த 6 பேர் கொண்ட கும்பல், தீபக்கை சமாதானம் பேசுவதுபோல அழைத்து வந்து தலை, முகம் சிதையும்அளவிற்கு கொலை செய்துள்ளனர்.