சென்னை, நவ. 13 –

பல குற்­றச் சம்­ப­வங்­களை மூடி மறைக்­கவே த.வெ.க. அரசு முயல்­கி­றது என­வும் இனி­யா­வது சட்­டம் – ஒழுங்கு சீர்­கு­லைவை சரி செய்து குற்­றங்­க­ளைத் தடுக்க விஜய் அரசு முயல வேண்­டும் என­வும் ‘தின­க­ரன்’ நாளேடு 11.11.2026 தேதிய நாளி­த­ழில் ‘பெரு­கும் குற்­றங்­கள்’ எனும் தலைப்­பில் தலை­யங்­கம் வெளி­யிட்­டுள்­ளது.

இது­கு­றித்து ‘தின­க­ரன்’ நாளேடு வெளி­யிட்­டுள்ள தலை­யங்­கம் வரு­மாறு:–

தமி­ழ­கத்­தில் தவெக ஆட்சி அமைந்த பின்பு சட்­டம், ஒழுங்கு சீர்­கு­லைந்து கொலை, கொள்ளை சம்­ப­வங்­கள் அன்­றா­டம் நடக்­கும் நிகழ்­வா­கவே மாறி விட்­டன. கடந்த மாதம் 26ம் தேதி தேனி மாவட்­டம், தேக்­கம்­பட்டி சிறை­யில் இருந்து இரவு, போலீ­சாரை கொடூ­ர­மா­கத் தாக்கி விட்டு, 17 கைதி­கள் தப்­பிச் சென்ற விவ­கா­ரம் தமி­ழ­கத்­தில் பெரும் அதிர்­வ­லை­களை ஏற்­ப­டுத்­தி­யது. இச்­சம்­ப­வம் சட்­டம், ஒழுங்­கில் நம் மாநி­லம் எவ்­வ­ளவு பின்­ன­டைவை சந்­தித்­தி­ருக்­கி­றது என்­ப­தற்கு சாட்­சி­ய­மா­கவே அமைந்து விட்­டது

மேலும், விசா­ரணை கைதி­கள் மர­ணம், சிறைக்­குள் கைதி­கள் தற்­கொலை என பல சம்­ப­வங்­கள் தொடர்­க­தை­யாக உள்­ளன. கைதி­கள் தப்­பிய சம்­ப­வம் நடந்து 2 வாரத்­தில் தீபா­வளி தினத்­தன்று, சாலை­யில் மது போதை­யில் ரகளை செய்­த­வர்­களை தட்­டிக் கேட்ட சிறப்பு எஸ்.ஐ. செந்­தில்­கு­மார், கும்­ப­லால் கொடூ­ர­மா­கத் தாக்­கப்­பட்டு கொலை செய்­யப்­பட்­டார். தெருக்­கள் எங்­கும் பிர­கா­ச­மா­க­வும், வாண வேடிக்­கை­யால் வானமே வண்­ண­ம­ய­மா­க­வும் திக­ழும் தீபா­வளி பண்­டிகை நாளில் மட்­டும், 17 பேர் கொலை­யா­கி­யுள்­ள­னர்.

இதில் 2 ரவு­டி­கள், சிறு­வர்­கள் உள்­பட பலர் அடக்­கம். குறிப்­பாக, சிவ­கங்கை மாவட்­டத்­தில் அடுத்­த­டுத்து சீரான இடை­வெ­ளி­யில், பழிக்­குப் பழி­யாக ரவு­டி­கள் கொல்­லப்­ப­டும் சம்­ப­வம், அம்­மா­வட்ட மக்­களை அதிர்ச்­சிக்­குள்­ளாக்கி வரு­கி­றது. தமி­ழ­கத்­தில் தீபா­வளி தினத்­தில் கூட கொலை சம்­ப­வங்­கள் அதி­க­ரித்­துள்­ளதே என்ற கேள்­விக்கு, அமைச்­சர் ராஜ்­மோ­கன் பண்­டி­கைக் காலங்­க­ளில் இது போன்ற கொலைச் சம்­ப­வங்­கள் நடப்­பது புதி­தல்ல;

கடந்த காலங்­க­ளி­லும் தீபா­வளி நாட்­க­ளில் இது­போன்ற சம்­ப­வங்­கள் நடந்­துள்­ளன - என கூலாக அளித்த பதில் கட்­சித் தலை­வர்­களை கொந்­த­ளிக்க வைத்­துள்­ளது. பண்­டிகை தினத்­தில் கொலை­யா­ன­வர்­கள் குறித்த கேள்­விக்கு, ஒரு அமைச்­சர் இப்­ப­டியா பொறுப்­பின்றி பதில் சொல்­வது? இதி­லுமா முந்­தைய ஆட்சி மீது குற்­றம் சுமத்த பார்ப்­பது? இது வன்­மை­யா­கக் கண்­டிக்­கத்­தக்­கது.

சட்­டம், ஒழுங்கு பிரச்­சி­னையை சமா­ளிக்க முடி­யா­மல், உரிய பதில் தரா­மல் பொறுப்பை தட்­டிக் கழிக்­கும் செய­லென, அமைச்­சர் ராஜ்­மோ­க­னுக்கு பல்­வேறு தரப்­பி­லும் எதிர்ப்­பு­கள் குவிந்து வரு­கின்­றன. மேலும், இன்ஸ்­பெக்­டர், எஸ்.ஐ. உள்­ளிட்­டோரை வெட்­டிக் கொல்ல முயன்ற சம்­ப­வ­மும் தொடர்­க­தை­யாக உள்­ளன. தமி­ழ­கத்­தில் கடந்த 6 மாதத்­தில் மட்­டும் சுமார் 200க்கும் மேற்­பட்­டோர் கொலை செய்­யப்­பட்­டுள்­ள­தாக வெளி­யா­கும் தக­வல்­கள் அதிர்ச்சி அளிக்­கின்­றன.

பெரும்­ப­லான சம்­ப­வங்­கள் மது, கஞ்சா மற்­றும் உயர்­ரக போதைப்­பொ­ருள் பயன்­பாட்­டி­னால், நடப்­ப­தா­கக் கூறப்­ப­டும் நிலை­யில், இவற்றை கட்­டுப்­ப­டுத்த தமி­ழக அரசு முயல வேண்­டும். உச்­சக்­கட்­ட­மாக, சிவ­கங்கை மாவட்­டம், இளை­யான்­கு­டி­யில் மெத்­தப்­பட்­ட­மைன் போதைப்­பொ­ருள் தயா­ரிக்­கப்­பட்­டது பேர­திர்ச்­சியை உரு­வாக்­கி­யது.

உச்­சக்­கட்­ட­மாக த.வெ.க. அர­சின் துணை சபா­நா­ய­கர் ரவி­சங்­கர், அடிப்­படை வச­தி­கள் கோரி­ய­வரை தாக்­கும் வீடியோ, கலெக்­ட­ருக்கு, த.வெ.க. எம்.எல்.ஏ. ஆபாச எஸ்.எம்.எஸ். அனுப்­பிய விவ­கா­ரம், கொலை மிரட்­டல் விடுப்­பது, போதைப்­பொ­ருள் வழக்­கில் சிக்­கு­வது, பாலி­யல் வழக்­கில் சிக்­கு­வது, கவுன்­சி­லர், கட்­சிப்­ப­த­வி­ க­ளுக்கு பல லட்­சம் கேட்­பது என அக்­கட்­சி­யி­னரே பல சர்ச்­சை­க­ளில் சிக்கி வரு­கின்­ற­னர்.

மேலும், பல குற்­றச் சம்­ப­வங்­க­ளில் பிரச்­சினை­ களை மூடி மறைக்­கவே த.வெ.க. அரசு முயல்­கி­றது. இனி­யா­வது, குற்ற சம்­ப­வங்­களை தீவி­ர­மாக தடுக்க த.வெ.க. அரசு முயல வேண்­டும். காவ­லர் ரோந்தை தீவி­ரப்­ப­டுத்த வேண்­டும். சட்­டம், ஒழுங்கு சீர்­கு­லைவை சரி செய்­வது தொடர்­பாக காவல்­துறை உய­ர­தி­கா­ரி­க­ளு­டன் முதல்­வர் விஜய், அவ்­வப்­போது ஆலோ­ச­னை­யில் ஈடு­பட வேண்­டு­மென கோரிக்கை வலுத்­துள்­ளது.

1. சென்னை காசிமேட்டில் முன்விரோதம் காரணமாக ரவுடி பட்டப்பகலில் வெட்டி படுகொலை.

2. சென்னை திருவொற்றியூர் அருகே வன்னியர் தெருவில் மது போதையில் ஏற்பட்ட தகராறு காரணமாக இளைஞர் சரமாரியாக வெட்டிக் கொலை.

3. திருச்சியில் உள்ள பெட்ரோல் பங்கில் பெண் ஊழியரை அசிங்கமாக திட்டி , கழுத்தை அறுத்து விடுவதாக கொலை மிரட்டல் விடுத்த வாலிபர்.

4. விழுப்புரம் மாவட்டம் செஞ்சி அடுத்த ஜெயங்கொண்டான் கிராமத்தில் கடைக்குச் சென்ற இரண்டாம் வகுப்பு படிக்கும் சிறுமி கடத்தல்.

5. நெல்லை மாவட்டம் அம்பாசமுத்திரம் அருகே முன்விரோதம் காரணமாக ஏற்பட்ட தகராறில் நண்பரின் விரலை கடித்துத் துப்பிய வாலிபர்.

6. தர்மபுரி மாவட்டம் கொல்ல அல்லி பகுதியில் தனியார் மருத்துவமனை டாக்டர் வீட்டுப் பூட்டை உடைத்து 50 பவுன் நகை 23 லட்ச ரூபாய் பணம் கொள்ளை.

7. சென்னை தண்டையார்பேட்டையில் வட மாநிலத் தொழிலாளர்கள் தங்கி உள்ள விடுதிகளில் தொடரும் செல்போன்கள் திருட்டு.

8. திருவாரூர் பேருந்து நிலையத்தில் குடிபோதையில் இளைஞர்கள் ரகளை, போலீசார் உடன் தள்ளுமுள்ளு.

9. கன்னியாகுமரி மாவட்டம் சுசீந்திரம், அஞ்சுகிராமம் ஆகிய பகுதிகளில் வாகன சோதனையில் ஈடுபட்ட சப் இன்ஸ்பெக்டர்கள் மற்றும் போலீசாரை அறிவாளால் வெட்டிக் கொல்ல முயற்சி செய்த ரவுடிகள்.

10. கன்னியாகுமரி மாவட்டம் தென் தாமரைக் குளம் அருகே -முகிலன் குடியிருப்புப் பகுதியில் பொதுமக்களை அச்சுறுத்தி மாமூல் வாங்க முயன்ற ரவுடியை , பிடிக்கச் சென்ற சப் இன்ஸ்பெக்டர் உள்ளிட்ட போலீசாரை வெட்ட முயன்ற ரவுடிகள்.

11. குமரி மாவட்டம் ராஜாக்கமங்கலம் அருகே ரோந்துப் பணியில் ஈடுபட்டுக் கொண்டிருந்த சப் இன்ஸ்பெக்டர் உள்ளிட்ட இரண்டு போலீசாரை அறிவாளால் வெட்ட முயன்ற ரவுடிகளால் பரபரப்பு.

12. வேலூர் மாவட்டம் காட்பாடி அருகே கழிஞ்சூரில் கடனுக்கு மது தர மறுத்ததால் டாஸ்மாக் கடை விற்பனையாளர் வீடு திரும்பும் போது வழி மறித்து சரமாரியாக தாக்குதல்.

13. சென்னையை அடுத்த வானகரம் அருகே வேலைக்குச் சென்று விட்டு திரும்பிய தனியார் நிறுவன ஊழியரை வழிமறித்து மதுபானம் வாங்க காசு கேட்டு கொடுக்க மறுத்ததால் அறிவாளால் வெட்டிய நபர் தப்பி ஓட்டம்.

14. சென்னை அபிராமபுரம் அருகே கே.வி.பி. கார்டனில் முன்விரோதம் காரணமாக ஆட்டோ ஸ்டாண்டில் அமர்ந்திருந்த ஆட்டோ டிரைவரை சரமாரியாக வெட்டி சாய்த்த கும்பல், ஆட்டோ டிரைவர் கவலைக்கிடம்.

15. கரூர் மேலப்பாளையம் பகுதியில் டாஸ்மாக் கடையில் மதுபானம் பெற தாமதமானதால் தகராறு,ஊழியர்கள் மீது தாக்குதல், பாதுகாப்பு இல்லாததால் 20 டாஸ்மாக் கடைகளை மூடி போராட்டம்.

16. தூத்துக்குடியில் த.வெ.க. மாவட்ட செயற்குழு பெண் உறுப்பினருக்கு ஆபாச குறுஞ்செய்தி, பாலியல் தொல்லை கொடுத்த த.வெ.க. நிர்வாகிகள் மீது நடவடிக்கை எடுக்கக் கோரி அமைச்சரிடம் புகார் கொடுத்தும் நடவடிக்கை இல்லை, த.வெ.க. பெண் கண்ணீர் பேட்டி.

17. அம்பத்தூர், பாடி உள்ளிட்ட பகுதிகளில் காலி மதுபாட்டில்களுக்கு ரூபாய் பத்து தர மறுத்து டாஸ்மாக் ஊழியர்கள் கடையை மூடி போராட்டம். ஸ்கேனர் பழுது மற்றும் சில்லறை இல்லை என்பதால் தகராறு ஏற்படுவதாக புகார்.