கழக இளைஞர் அணியின் மண்டலம்–1–க்கு உட்பட்ட மாவட்ட அமைப்பாளர் – துணை அமைப்பாளர்கள் ஆலோசனைக் கூட்டம், நேற்று முன்தினம் (11.11.2026) அன்பகத்தில், துணைச் செயலாளர் ஜோயல் தலைமையில் நடைபெற்றது. கழக இளைஞர் அணிச் செயலாளர் – எதிர்க்கட்சித் தலைவர் உதயநிதி ஸ்டாலின் அவர்களின் பிறந்தநாள் விழாவை, எளிய மக்களுக்கு பயனுள்ள வகையில் கொண்டாடுவது குறித்தும், எதிர்வரவுள்ள இடைத்தேர்தல் பணிகள் குறித்தும் ஆலோசிக்கப்பட்டது. மேலும், இந்தக் கூட்டத்தில் கழக பொறியாளர் அணிச் செயலாளர் எஸ்.கே.கருணா பங்கேற்று, சமூக வலைதளத்தை ஆக்கப்பூர்வமாகப் பயன்படுத்துவது குறித்து ஆலோசனைகளைவழங்கினார். இக்கூட்டத்தில், சென்னை மண்டலத்திற்கு உட்பட்ட இளைஞர் அணி, மாவட்ட அமைப்பாளர்கள் ஜே.ஜே.எபினேசர், ஏ.எம்.வி.பிரபாகர் ராஜா, ராஜா அன்பழகன், ப.பிரகாஷ், ஆர்.டி.மதன் குமார், வானவில் விஜய் மற்றும் துணை அமைப்பாளர்கள் பங்கேற்றனர்.