சென்னை, நவ. 13–

கோவை பெரி­யார் அறி­வு­ல­கத்­துக்கு புத்­த­கங்­கள் கொள்­மு­தல் முறை­கேடு தொடர்­பாக வழக்­குப்­ப­திவு செய்து விசா­ரிக்க லஞ்ச ஒழிப்­புத்­து­றைக்கு உத்­த­ர­வி­டக் கோரி தி.மு.க. சட்­டப்­பி­ரிவு இணைச் செய­லா­ளர் பரந்­தா­மன் சென்னை உயர்­நீ­தி­மன்­றத்­தில் வழக்கு தாக்­கல் செய்­துள்­ளார்.

தி.மு.க. சட்­டப்­பி­ரிவு இணைச்செய­லா­ளர் இ.பரந்­தா­மன் சார்­பில் வழக்­க­றி­ஞர் தாமோ­த­ரன் சென்னை உயர்நீதி­மன்­றத் தில் தாக்­கல் செய்­துள்ள மனு­வில், கோவை பெரி­யார் அறி­வு­ல­கத்­துக்கு 50 கோடி ரூபாய் புத்­த­கங்­கள் கொள்­மு­தல் செய்ய ஒதுக்­கீடு செய்­யப்­பட்­டி­ருந்­தது.

இந்த பெரி­யார் அறி­வு­ல­கம் கடந்த அக்­டோ­பர் 16ம் தேதி துவக்கி வைக்­கப்­பட்­டது. புத்­த­கங்­கள் பரிந்­து­ரைக்­காக 117 பேர் அடங்­கிய புத்­தக பரிந்­து­ரைக் குழு அமைத்து கடந்த 2025ம் ஆண்டு நவம்­பர் மாதம் உத்­த­ர­வி­டப்­பட்­டது. அகல் விளக்கு மற்­றும் பீனிக்ஸ் பதிப்­ப­கங்­க­ளில் இருந்து அதிக எண்­ணிக்­கை­யில் ஏஐ தொழில்­நுட்­பத்­தைப் பயன்­ப­டுத்தி தயா­ரிக்­கப்­பட்ட புத்­த­கங்­கள்கொள்­மு­தல் செய்­யப்­பட்­டுள்ன.

மோனிகா ரவி என்றஒரே எழுத்­தா­ள­ரி­டம் இருந்து6 மாதங்­க­ளில் 162 புத்­த­கங்­க­ளும், லட்­சுமி மோகன், தாமரை பன்­னீர், தாமரை முரளி, ஜோதி ஹரி­ஹ­ரன் ஆகிய எழுத்­தா­ளர்­க­ளின்நூற்­றுக்­க­ணக்­கா­னப் புத்­த­கங்­கள் கொள்­மு­தல் செய்­யப்­பட்­டுள்­ளன. இந்த பெய­ரில் எழுத்­தா­ளர்­கள் இருக்­கின்­ற­னரா? என்­ப­தில் சந்­தே­கம் ஏற்­பட்­டுள்­ளது. இந்­தப் புத்­த­கங்­கள் கொள்­மு­தல் செய்­வது தொடர்­பாக கடந்த பிப்­ர­வரி மாதம் உத்­த­ர­வு­கள் பிறப்­பிக்­கப் பட்­டுள்­ளன.

புத்­தக பரிந்­து­ரைக் குழு­வில் உறுப்­பி­ன­ராக இருந்த பெரு­மாள் முரு­கன், அகல்­வி­ளக்கு பதிப்­ப­கத்­தில் இருந்து 1800 புத்­த­கங்­கள் பெரி­யார் அறி­வு­ல­கத்­துக்கு வாங்­கப்­பட்­டி­ருப்­பதை அம்­ப­லப்­ப­டுத்­தி­னார். பல்­வேறு அர­சி­யல் கட்­சித் தலை­வர்­க­ளும், இந்த புத்­தக கொள்­மு­தல் ஊழல் குறித்து கண்­ட­னங்­க­ளைப் பதிவு செய்­த­னர்.

இந்த புத்­தக கொள்­முதலில், பெரிய அள­வில் முறை­கே­டு­கள் நடந்­துள்­ளது குறித்து வழக்­குப்­ப­திவு செய்து விசா­ரிக்க வேண்­டும் என கடந்த 7ம் தேதி நான் லஞ்ச ஒழிப்­புத்­து­றைக்கு புகார் அளித்­தேன். ஆனால், இது­வரை எந்­த­வொரு குற்ற வழக்­கும் பதிவு செய்­யப்­பட­வில்லை. அரசு நிய­மித் ­துள்ள நிர்­வாக ரீதி­யி­லான விசா­ர­ணைக் குழு போது­மா­ன­தாக இல்லை. எந்­த­வொரு விசா­ர­ணை­யும் நடத்­தா­மல் முந்­தைய அரசு மீது குற்­றம்­சாட்­டு­வ­தால் இந்த விவ­கா­ரத்­தில் பார­பட்­ச­மற்ற விசா­ரணை நடத்­தப்­பட வேண்­டும்.

பெரி­யார் அறி­வு­ல­கத்­துக்கு புத்­த­கங்­கள் கொள்­மு­தல் தொடர்­பான கோப்­பு­களை பறி­மு­தல் செய்து பத்­தி­ரப்­ப­டுத்த லஞ்ச ஒழிப்­புத்­து­றைக்கு உத்­த­ர­விட வேண்­டும். எனது புகார் மீது முதல் தக­வல் அறிக்கை பதிவு செய்து விசா­ரிக்க உத்­த­ர­விட வேண்­டும் என்று கோரி­யுள்­ளார். இந்த வழக்கு விரை­வில் விசா­ர­ணைக்கு வரும் என்று எதிர்­பார்க்­கப்­ப­டு­கி­றது.