கள்ளக்குறிச்சி, நவ.13 –
கள்ளக்குறிச்சி டி.எஸ்.பி. மீது பாலியல் சீண்டலில் ஈடுபட்டதாக பெண் ஒருவர் பகிரங்கமாக குற்றம் சாட்டியுள்ளார்.
கள்ளக்குறிச்சி அடுத்த உலகங்காத்தான் கிராமத்தை சேர்ந்த அன்பழகன் மனைவி. இவர் டி.ஜி.பிக்கு புகார் மனு அனுப்பியுள்ளார்.
அதில் கூறியிருப்பதாவது :–
நான் இந்து ஆதிதிராவிடர் வகுப்பை சேர்ந்தவள். கடந்த 27.08.2026 அன்று காலை 7 மணியளவில் எங்களது பக்கத்து வீட்டில் உள்ளிட்டவர்களுடன் இட பிரச்னை சம்மந்தமாக முன்விரோதம் இருந்து வந்ததால் என்னை தாக்கிவிட்டனர். அதனையடுத்து கள்ளக்குறிச்சி அரசு மருத்துவமனையில் சிகிச்சை பெற்று பின்னர் இதுகுறித்து கள்ளக்குறிச்சி காவல் நிலையத்தில் புகார் அளித்தேன். இந்த புகார் மனு மீது நடவடிக்கை எடுக்காமல் என்னை அலைக்கழிப்பு செய்தனர்.
மேலும் கள்ளக்குறிச்சி மாவட்ட காவல் கண்கணிப்பாளர் அலுவலகத்தில் பணிபுரியும் போலீஸ்காரர் ஒருவர் எதிரிக்கு உறவினர் என்பதாலும் சாராய வியாபாரி மிரட்டலாலும் கள்ளக்குறிச்சி காவல் நிலையத்தில் எனது புகார் மீது நடவடிக்கை எடுக்காமல் அலைக்கழித்து வருகின்றனர்.
இதுசம்மந்தமாககடந்த 28.09.2026, 14.10.2026 ஆகிய இரண்டு நாட்களும் நான்
விழுப்புரம் சரக டி.ஐ.ஜி.யிடம் புகார் கொடுத்தேன். அதன்படி கடந்த 16.10.2026 காலை 10.30 மணியளவில் நான் மற்றும் எனது மகன், வழக்கறிஞர் ஆகியோருடன் கள்ளக்குறிச்சி டி.எஸ்பி. பார்க்க சென்றோம். 2 மணி நேரம் காத்திருந்தோம். அதன் பின்னர் 12.30மணியளவில் டி.எஸ்பி. கலையரசன் எங்களை அழைத்தார். நாங்கள் உள்ளே சென்ற உடன் எனது மகனையும், வழக்கறிஞரையும் வெளியே போங்கள் என்று அனுப்பிவிட்டு எனது செல்போனையும் வாங்கி வைத்துகொண்டு டி.எஸ்பி. என்னிடம் புகார் சம்மந்தமாக பேசினார். விழுப்புரம் டிஐ.ஜி.யை சந்தித்ததை பற்றி கூறினேன். அப்போது டி.எஸ்பி. எனது செல்போனில் உள்ள வீடியோவை பார்த்து ஆபாசமாக பேசி என் மீதுதான் எப்.ஐ.ஆர். போடுவேன் எதிரி மீது எப்.ஐ.ஆர். போடமாட்டேன் என்று கூறி எனது ஆசைக்கு இணங்குமாறும் அப்போது எதிரி மீது எப்.ஐ.ஆர். பேடுகிறேன் என கூறிகொண்டே டி.எஸ்பி. அவரது இடது கைவிரலால் எனது வலது பக்ககழுத்தில் வருடினார். நான் அவரதுகையை தட்டிவிட்டேன். அப்போது யோசித்து பதில் சொல். உனக்கும் உன் புருஷனுக்கும் பொருத்தம் இல்லை.
எப்படி அவனுடன் வாழ்கிறாய் 20 நிமிடம் டைம் எடுத்துக்கொள் என்று வெளியே நிற்குமாறு அனுப்பினார். திரும்ப என்னை அழைத்து பதில் சொல் என்று கேட்டார். நான் முடியாது என்று சொன்னேன். அதன் பிறகு டிஎஸ்பி உனது புகார் மீது எப்ஐஆர் போட மாட்டேன் வெளியே போ என்று அனுப்பிவிட்டார். மேலும் எனது வழக்கறிஞரையும் அருவருப்பாக திட்டினார். நான் மன உளச்சலில் உள்ளேன்.
இவ்வாறு அதில் குறிப்பிடப்பட் டுள்ளது. மேலும் இதுசம்மந்தமாக இவர் கடந்த மாதம் 20 மதேதி இதற்கான நகலை ஆளுநர், சிஎம் செல், தலைமை செயலர், தேசிய மனித உரிமை ஆணையம், தமிழ்நாடு மாநில மகளிர் ஆணையம் உள்பட 11 உயரதிகாரிகளுக்கு புகார் அனுப்பியும் நடவடிக்கை இல்லை என்பது குறிப்பிடத்தக்கது.
இதற்கிடையில் இது தொடர்பாக பாதிக்கப்பட்ட பெண் நேற்று முன்தினம் நிருபர்களிடம் கூறுகையில் புகார் மனு தொடர்பாக விசாரணைக்கு சென்றபோது எனது
வக்கீல் மற்றும் மகனையும் விசாரணையின் போது வெளியே அனுப்பி வைத்துவிட்டு என்னிடம் புகார் மனு தொடர்பாக விசாரணை நடத்தினார். பக்கத்து வீட்டுக்காரர் தகராறை வீடியோவாக பதிவு செய்ததை டி.எஸ்பி.யிடம் காண்பித்தேன். அந்தபோனை பார்த்து கொண்டே உங்களுக்கும் உங்கள் கணவருக்கும் 15 வயது வித்தியாசம் உள்ளது.
உங்கள் கணவர் என்ன தொழில் செய்கிறார். பெயிண்ட் தொழிலாளியாகஇருப்பதாக
தெரிவித்தேன். கழுத்தில் கயிறு தான் இருக்கிறது. நகை இல்லை. எப்படி நீ குடும்பம் நடத்தினாய் எனக் கூறிக்கொண்டு என் உடம்பு மீது கை வைத்தார். சுதாரித்து கொண்ட நான், அவரது கையை தட்டிவிட் டேன். நான் சொல்வது போல் செயல்பட்டால் உனக்கு தேவையானதை செய்து கொடுப்பேன். எதிரி மீது வழக்கும் பதிவு செய்து அவர்களை கைது செய்வேன் எனக்கூறினார். அதற்கு நான் சம்மதிக்க மறுத்துவிட்டேன்.
வெளியில் புகார் கூறினால் இது சம்பந்தமாக குடும்பத்தினரை பக்கத்து வீட்டுக்காரர் வைத்து கொலை செய்துவிடுவேன் என மிரட்டினார். மேலும் இந்த மாவட்டத்தில் உள்ள அமைச்சர் வன்னி அரசு இருக்கும் வரை நான் தான் கள்ளக்குறிச்சி டி.எஸ்பி. என திமிராக கூறினார் என்றார்.
கள்ளக்குறிச்சி மாவட்ட பெண் ஆட்சியருக்கு, த.வெ.க.வை சேர்ந்த கள்ளக்குறிச்சி தொகுதி சட்டமன்ற உறுப்பினர் அருள் விக்னேஷ் செல்போனில் ஆபாச குறுஞ்செய்தி அனுப்பியதாக சமூக வலைதளங்களில் கடந்த நான்கு நாட்களாக பரவி வைரலாகிய நிலையில் இந்த விவகாரம் தமிழ்நாடு முழுவதும் பெரும் சர்ச்சையை ஏற்படுத்தி உள்ளது, இந்த நிலையில் அந்த பரபரப்பு அடங்குவதற்குள் மீண்டும் கள்ளக்குறிச்சி மாவட்டத்தில் இந்த சம்பவம் பெரும் பரபரப்பை ஏற்படுத்தி உள்ளது.